Êphêsô 4:29 - Nau Brah Ndu Ngơi 2023

²⁹ Lơi ăn du nau ngơi mhĭk luh tă bơh trôm mbung khân may ôh, ƀiălah tơlah khư ngơi, ngơi hom lĕ nau ngơi ueh, geh nau ndâk njêng gay djôt leo nau ueh tât ma phung gŭ iăt.

Bunong Bible Latin Script Cambodian dialect

²⁹ Lơi ôh ăn nau djơh lôh bơh mbung khân ay may du nau, ăn lôh nau i ueh ueh dơm gay ma tâm kơl rdŏk njêng ma bunuyh i tăng. Ăn ngơi nau i geh nau khlay ma bu, gay ma nau ueh ăn ma mpôl i gŭ iăt đŏng.

Bunong

²⁹ លើយ​អោស​អ៝ន់​នាវ​អ្យើស​លោស​ឞើស​មឞូង​ខាន់​អៃ​មៃ​ទូ​នាវ អ៝ន់​លោស​នាវ​អី​អ្វែសៗ​ទើម​គៃ​មា​តឹម​កើល​រាទ៝ក់​ញជេង​មា​ឞូនុយ្ស​អី​តាង់។ អ៝ន់​ងើយ​នាវ​អី​គែស​នាវ​ខ្លៃ​មា​ឞូ គៃ​មា​នាវ​អ្វែស​អ៝ន់​មា​មពោល​អី​គុ​អ្យាត់​ដ៝ង់។

Êphêsô 4:29 Iomraidhean Croise

Nau Mprơ Ơm 45:2

May ueh lơn ma lĕ rngôch phung bu klâu kon bunuyh; Mbung may bêng ler ma nau yô̆: Yor nây Brah Ndu ăn nau ueh uĭn ma may n'ho ro.

Nau Mprơ Ơm 5:9

Yorlah trôm mbung khân păng mâu nanê̆, Nuih n'hâm khân păng bêng ma nau ƀư rai, Ko khân păng nâm bu môch pơk lơi, Mpiăt khân păng ngơi ma nau nklă.

Nau Mprơ Ơm 52:2

May nchră ŭch ma nau ƀư rai. Mpiăt may tâm ban ma pêh poih hơr, Mbơh huy lĕ nau ndơm bu.

Nau Mprơ Ơm 71:24

Ăp nar mpiăt gâp nkoch nau sŏng srăng May Yorlah phung joi ƀư mhĭk ma gâp Lĕ bêk jêh ri bêk prêng ngăn.

Nau Hôr 12:13

Phung ƀai geh dăk yor nau tih bâr mbung, Bi ma phung sŏng srăng klaih bơh nau rêh ni.

Nau Hôr 15:23

Mbung blau plơ̆ lah ƀư ăn bu răm maak, Nau ngơi di mông jêng ueh ngăn ngên!

Nau Hôr 15:7

Bâr mbung bunuyh blau mĭn ăn bĭk nau gĭt rbăng, Bi nuih n'hâm phung rluk mâu dơi nâm bu pônây ôh.

Nau Hôr 16:21

Bunuyh geh nuih n'hâm blau mĭn bu kuăl jêng bunuyh gĭt rbăng, Nau ngơi rdơ̆ sâm n'hao nau blau mĭn.

Nơm Nti 10:12

Bâr mbung bunuyh blau mĭn ngơi luh nau bu yô̆, Ƀiălah nơm rluk ƀư rai păng nơm.

Êsai 50:4

Kôranh Brah Yêhôva ăn jêh ma Gâp Mpiăt phung nti jêh, Gay ma Gâp blau ngơi N'hao nuih phung rgănh. Ăp ôi Păng rlay Gâp, Păng pơk tôr Gâp Gay ma Gâp gŭ iăt tâm ban ma nơm nti.

Mathay 5:16

Đŏng kơt nây, nau ang khân ay may ăn nchrat ang tra năp lĕ rngôch bunuyh, gay khân păng saơ kan ueh khân ay may jêh ri mât ton ma Mbơ̆ khân ay may gŭ ta klơ trôk.

Luka 4:22

Lĕ rngôch mbơh nkoch ueh ma Păng da dê, jêh ri hih rhâl ma lĕ nau ngơi bêng nau yô̆ luh bơh bâr mbung Păng. Khân păng ôp: “Mâu di hĕ bunuyh aơ jêng kon Y-Yôsep?”

Yôhan 1:37

Bar hê oh mon tăng nau nây, khân păng tĭng ndô̆ Brah Yêsu.

Samƀŭt Pôl Njuăl Ăn Ma Phung Nsing Ta Ƀon Rôm 14:19

Pônây yơh, ăn he tĭng joi lĕ nau djôt leo tât nau đăp mpăn jêh ri ndâk njêng ndrăng phung he.

Samƀŭt Pôl Njuăl Ăn Ma Phung Nsing Ta Ƀon Rôm 15:2

Ăn ăp nơm tâm phung he ƀư maak ma phung chiau meng he nơm gay kơl jêh ri ndâk njêng khân păng.

I Kôrintô 14:19

Nđâp lah kơt nĕ, tâm Phung Ngih Brah Ndu, ueh lơn gâp ngơi prăm rplay ma nau mĭn gay ma ntĭm nti phung êng, rlau lơn ma jât rbăn rplay ma nau ngơi êng.

Êphêsô 4:12

gay ndrăp phung kloh ueh ma nau pah kan jêh ri ndâk njêng săk jăn Brah Krist,

Êphêsô 4:16

Yor Păng, lĕ săk jăn tâm rnglăp jêh ri nkrêp nâp tă bơh lĕ rse tâm gop. Nôk ăp kô̆ ƀư kan tâm di ri mơ săk jăn mra văch ma toyh, jêh ri tâm n'hao tâm njêng êng păng nơm tâm nau rŏng.

Kôlôh 4:6

Ăn nau khân may ngơi geh nau rdơ̆ rbăn ƀaƀơ jêh ri ƀư kah nâm bu boh gay ma khân păng gĭt mâm nau plơ̆ lah ma ăp nơm.

I Têsalônik 5:11

Pôri, ăn tâm n'hao nuih n'hâm ndrăng nơm, nâm bu khân may vay ƀư.

I Pêtrôs 2:12

Ăn khân may gŭ ngao sŏng ta nklang phung bu năch, gay ma tơlah khân păng ngơi mhĭk khân may jêng bunuyh djơh mhĭk, khân păng ăt saơ nau ueh khân may ƀư jêh ri tâm rnê Brah Ndu tâm nar Păng chop khâl.

I Pêtrôs 3:1

Tâm ban lĕ, phung bunuyh ƀư ur, tông hom ma sai khân ay nơm, gay ma tơlah geh ƀaƀă sai nđâp lah mâu tông prăp ma nau chroh, ƀiălah tă bơh nau gŭ ngao bơh ur, khân păng mra plơ̆ sĭt, mâu ŭch dŏng ma nau ngơi,

II Pêtrôs 2:18

Yorlah khân păng ngơi lĕ nau ngơi hưn mâu jêng khlay ôh, dŏng lĕ nau kơnh ŭch nglay săk gay ndơm phung bunuyh mhe klaih bơh ti phung gŭ rêh tâm nau vĭ nhhơt.