Êphêsô 4:28 - Nau Brah Ndu Ngơi 2023

²⁸ Nơm vay ntŭng, lơi hôm ntŭng ôh; ƀiălah ueh lơn srôih, sŏk ti păng nơm ƀư nau sŏng srăng, gay sâm kơl ma bunuyh pưt kƀah.

Bunong Bible Latin Script Cambodian dialect

²⁸ Bu moh i vay ntŭng, lơi hôm ntŭng jât ôh, ăn păng nsrôyh jan kar răp jăp ma săk păng nơm hŏ, gay ma geh ndơ ma păng nơm nđâp ma geh ndơ ma kơl phung i mâu geh.

Bunong

²⁸ ឞូ​ម៝ស​អី​វៃ​នតុង លើយ​ហោម​នតុង​ជឹត​អោស អ៝ន់​ពាង់​ញឆ្រោយ្ស​ជាន​ការ​រាប់​ជាប់​មា​ឆាក់​ពាង់​នើម​ហ៝ៈ គៃ​មា​គែស​នទើ​មា​ពាង់​នើម​នអ៝ប់​មា​គែស​នទើ​មា​កើល​ផូង​អី​មោ​គែស។

Êphêsô 4:28 Iomraidhean Croise

Ndrom Samƀŭt bơh Yôp 34:32

Dăn Kôranh ntĭm nti ma gâp moh nau gâp mâu saơ; Tơlah gâp hŏ ƀư tih, gâp mâu mra ƀư đŏng ôh’?

Nau Ngluh Êjipt 20:15

May mâu dơi ntŭng.

Nau Ngluh Êjipt 20:17

May mâu dơi kơnh ngih phung chiau meng may, mâu dơi kơnh ŭch ur, mâu lah oh mon bu klâu, oh mon bu ur, ndrôk, seh bri mâu lah ăp moh ndơ jêng ndơ phung chiau meng may.”

Nau Ngluh Êjipt 21:16

Mbu nơm nhŭp ntŭng bunuyh, mâu lah hŏ tăch jêh, mâu lah dôl hôm e mât tâm ti păng, bu mra nkhĭt lơi păng.

Nau Hôr 13:11

Drăp ndơ tă bơh nau kue mra roh mbrơi, Ƀiălah mbu nơm blau ti bun prăp drăp ndơ mra ntop lơ âk.

Nau Hôr 14:23

Lĕ rngôch nau kan hŏt geh nau khlay da dê, Ƀiălah nau ngơi dơm dam njŭn leo ma nau o ach.

Nau Hôr 21:26

Lĕ nar păng knŏng kơnh rlau ir, ŭch kơnh. Ƀiălah bunuyh sŏng srăng ăn ma nau lŏng.

Nau Hôr 28:13

Mbu nơm pôn mo nau tih păng nơm mâu mra geh ôh nau chăt jêng, Ƀiălah mbu nơm mbơh păng jêh ri chalơi păng mra dơi geh nau yô̆ nđach.

Nau Hôr 30:9

Klach lah dôl rmeh ler, gâp dun Kôranh Brah, Ngơi pô aơ: “Brah Yêhôva jêng mbu nơm?” Mâu lah dôl gâp o ach mra hăn ntŭng, Jêh ri ƀư ƀơ̆ amoh Brah Ndu ma gâp đŏng.

Nau Hôr 31:20

Păng pơk huy ti ăn ndơ kơl phung o ach, Nto ti vơt phung rêh ni.

Yêrêmi 7:9

Mâu di hĕ khân may ntŭng, nkhĭt bunuyh, ƀư tih văng tĭr, ton mƀruh, nhhơr ndơ ƀâu kah ăn ma brah Baal, tĭng ndô̆ brah êng, jêng brah khân may mâu gĭt lĕ?

Ndrom Samƀŭt bơh Ôsê 4:2

Knŏng bêng ma nau rak rtăp, mâu răp jăp, nkhĭt bunuyh, Nau ntŭng jêh ri văng tĭr; Khân păng ƀư lĕ nau pling mham aơ tât ma nau pling mham êng.

Sakari 5:3

Tông mpăr lah ma gâp: “Nây jêng nau rak rtăp lam bri neh. Mbu moh ntŭng bu mra ƀư rai tĭng nâm nau nchih mpeh du đah tâm samƀŭt aơ; jêh ri mbu moh ton mƀruh bu mra ƀư rai lơi tĭng nâm nau nchih đah ri tâm ndrom samƀŭt aơ.”

Luka 19:8

Ƀiălah Y-Sachê gŭ nsrâng tanăp Kôranh Brah jêh ri ơh: “Hơi Kôranh Brah, aơ, gâp sŏk du n'gul drăp ndơ gâp gay ăn ma phung o ach; tơlah gâp ƀư mhĭk ma mbu moh nau, gâp mra ntrok âk lơn puăn tơ̆.”

Luka 3:8

Pôri, play kao hom tâm di jêh ma nau tâm rmal nau tih; lơi mĭn êng: ‘Y-Abraham jêng chô yau hên’; yorlah gâp lah đah khân may, Brah Ndu klăp lah ƀư ăn lĕ grăp lŭ aơ plơ̆ jêng kon sau ma Y-Abraham.

Yôhan 12:6

Y-Yuđas lah kơt nây mâu di yor păng yô̆ ma phung o ach ôh, ƀiălah yor păng jêng du huê nơm ntŭng, păng djôt dŭng prăk, rĭ dĭng păng vay mơng sŏk ntŭng prăk bu nklăch tâm nây.

Yôhan 13:29

Ƀaƀă nđôn lah, yor Y-Yuđas djôt dŭng prăk, Brah Yêsu ŭch đă păng hăn rvăt ndơ ma phung he dŏng tâm năng rƀŭn, mâu lah Păng đă hăn pă ndơ ma phung o ach.

Samƀŭt Pôl Njuăl Ăn Ma Phung Nsing Ta Ƀon Rôm 12:13

Ăn hom nau ueh ma phung kloh ueh, ndơ khân păng pưt, ăn blau vơt rom bu năch.

I Kôrintô 4:12

Hên pah kan jâk jêr ma ti hên nơm. Nôk bu suai rak, hên ăn nau ueh uĭn; nôk bu ƀư mhĭk, hên nsrôih dơn;

II Kôrintô 8:12

Tơlah du huê nuyh geh nuih n'hâm ŭch nhhơr pôri ndơ păng nhhơr bu mra dơn, tĭng nâm ndơ khân păng geh, mâu di tĭng nâm ndơ khân păng mâu geh ôh.

II Kôrintô 8:2

Khân păng hŏ găn âk nau rêh ni, ƀiălah bêng nau răm maak. Tâm nau pưt kƀah o ach pôri nuih n'hâm khân păng lŏng ngăn lơ hô âk rmeh.

Galati 6:10

Pôri, dôl geh mông găl, he ƀư hom nau ueh ma lĕ rngôch bunuyh, lor lơn jêng ma phung oh nâu tâm nau chroh.

I Timôthê 6:18

Ăn khân păng ƀư kan ueh, ƀư âk kan ueh maak, geh nuih n'hâm lŏng, rơm ndrăp jêh tâm pă ma bu;

Titus 3:14

Ăn phung chroh he nti nsrôih ƀư kan ueh, gay ma kơl ăn ma lĕ nau geh nau kan ndal, pôri lơi gŭ rêh du nau rêh mâu geh play.

Titus 3:8

Aơ jêng nau ngơi ngăn. Gâp ŭch ma may ƀư ngăn lĕ nau aơ, gay ma phung chroh jêh ma Brah Ndu mra nsrôih ƀư kan ueh jêh ri khlay ma lĕ rngôch bunuyh.