Êphêsô 4:16 - Nau Brah Ndu Ngơi 2023

¹⁶ Yor Păng, lĕ săk jăn tâm rnglăp jêh ri nkrêp nâp tă bơh lĕ rse tâm gop. Nôk ăp kô̆ ƀư kan tâm di ri mơ săk jăn mra văch ma toyh, jêh ri tâm n'hao tâm njêng êng păng nơm tâm nau rŏng.

Bunong Bible Latin Script Cambodian dialect

¹⁶ Păng jan ăn bân tâm rnglăp băl, tâm ban ma kô̆ êng êng ta săk jăn tâm ntrŭp tâm nkrêp băl. Lah ndri lah dâng lĕ bân du huê du huê jan ăn ueh tâng nau Păng ŭch, nđâp ma geh nau tâm rŏng băl ma dâng lĕ phung nsing, ndri dâng lĕ bân tâm rdŏk njêng băl.

Bunong

¹⁶ ពាង់​ជាន​អ៝ន់​ឞ៝ន់​តឹម​រាង្លាប់​ឞាល់ តឹម​ឞាន​មា​កោៈ​អេងៗ​តា​ឆាក់​ជាន់​តឹម​នត្រុប​តឹម​ងក្រេប​ឞាល់។ លាស​នទ្រី​លាស​ទឹង​លែៈ​ឞ៝ន់​ទូ​ហ្វេ​ទូ​ហ្វេ​ជាន​អ៝ន់​អ្វែស​តឹង​នាវ​ពាង់​អុច នអ៝ប់​មា​គែស​នាវ​តឹម​រ៝ង់​ឞាល់​មា​ទឹង​លែៈ​ផូង​ញឆីង នទ្រី​ទឹង​លែៈ​ឞ៝ន់​តឹម​រាទ៝ក់​ញជេង​ឞាល់។

Êphêsô 4:16 Iomraidhean Croise

Yôhan 15:5

Gâp jêng tơm krăk ƀâu, khân may jêng n'gĭng. Mbu nơm gŭ tâm Gâp, jêh ri Gâp gŭ tâm păng, păng nây geh play âk ngăn, yorlah mâu geh Gâp khân may mâu dơi ƀư du ntil ndơ ôh.

Samƀŭt Pôl Njuăl Ăn Ma Phung Nsing Ta Ƀon Rôm 12:4

Tâm ban tâm du săk jăn, he geh âk kô̆ săk jăn, jêh ri lĕ kô̆ săk jăn mâu geh ndrel du nau kan;

I Kôrintô 10:17

Yorlah geh knŏng du mlâm piăng let, jêh ri lĕ rngôch he tâm pă ndrel piăng let nây, pôri nđâp he jêng âk knŏng jêng du săk jăn dơm.

I Kôrintô 13:13

Aƀaơ aơ hôm geh pe ntil nau aơ: Nau chroh, nau kâp gân, nau rŏng; ƀiălah nau toyh lơn lĕ jêng nau rŏng.

I Kôrintô 8:1

Tât ma nau ndơ ƀư brah ma rup brah, he gĭt pô aơ “lĕ rngôch he geh nau gĭt rbăng.” Ƀiălah nau gĭt rbăng luh nau sưr, ƀiălah nau rŏng ri mơ ndâk njêng.

Galati 5:22

Ƀiălah play bơh Brah Huêng Ueh jêng: Nau rŏng, nau maak, nau đăp mpăn, nau srôih, nau ueh, nau blau ƀư ueh, nau răp jăp, nau rdơ̆ rbăn, nau di keh.

Galati 5:6

Yorlah tâm Brah Yêsu Krist, nau geh nau khlay mâu di ƀư koh ntâu mâu lah mâu koh ntâu, ƀiălah jêng nau chroh tâm mpơl tâm nau rŏng.

Êphêsô 1:4

Nđâp ma êlor nau rhăk njêng neh ntu, Păng săch jêh he tâm Brah Krist gay ma he jêng kloh ueh jêh ri mâu geh nau nduyh tanăp Păng.

Êphêsô 3:17

jêh ri bơh nau chroh, Brah Krist gŭ tâm nuih n'hâm khân may. Gâp mbơh sơm đŏng gay ma khân may hon reh jêh ri nâp tâm nau rŏng;

Êphêsô 3:7

Gâp dơi jêng bunuyh pah kan ma Nau Mhe Mhan Ueh tă bơh nau yô̆ Brah Ndu ăn ma gâp rgăn nau pah kan bơh nau brah Păng.

Êphêsô 4:12

gay ndrăp phung kloh ueh ma nau pah kan jêh ri ndâk njêng săk jăn Brah Krist,

Êphêsô 4:15

Ƀiălah Păng ŭch he ngơi nau ngăn tâm nuih n'hâm rŏng, dĭng he văch ma toyh tâm ăp kô̆ rle tât ma Brah Krist, jêng bôk;

Philip 1:9

Tâm nau gâp dăn mbơh sơm, nây jêng nau rŏng khân may lơ nar lơ hao lơn, ndrel ma nau gĭt rbăng jêh ri lĕ rngôch gĭt vât jru ngăn,

Kôlôh 2:19

Khân păng mâu tâm rnglăp răp jăp đah bôk gay bơh Păng lĕ săk jăn geh nau siăm rong, geh nau tâm rnglăp ndrel bơh lĕ tâm trŭp nting, rse tâm rnglăp, jêh ri văch ma toyh tĭng nau Brah Ndu ŭch.

Kôlôh 2:2

gay ma nuih n'hâm khân păng geh nau n'hao nuih n'hâm, tâm rnglăp tâm nau rŏng, tâm ban đŏng geh âk nau gĭt rbăng rmeh ler jêh ri n'hêl nanê̆ gay gĭt năl nau khlay ndâp Brah Ndu, nâm bu ntĭt Brah Krist;

I Têsalônik 1:3

Tanăp măt Brah Ndu, jêng Mbơ̆, hên kah gĭt ƀaƀơ ma kan nau chroh khân may, ma kan nau rŏng khân may, nau srôih tâm nau khân may kâp gân tâm Kôranh Brah he jêng Brah Yêsu Krist.

I Têsalônik 2:13

Yor ri, hên lah ueh ma Brah Ndu mâu blau dŭt, yor nôk khân may tăng jêh ri sŏk dơn jêh nau ngơi Brah Ndu tă bơh hên, khân may mâu sŏk dơn nau ngơi nây tâm ban nau kon bunuyh ngơi, ƀiălah di ngăn jêng nau ngơi Brah Ndu, nau ngơi pah kan tâm khân may jêng phung chroh.

I Têsalônik 3:12

Dăn Kôranh Brah ƀư ăn ma khân may lơ hô hao lơn jêh ri bêng ma nau rŏng ndrăng nơm, jêh ri ma lĕ rngôch bunuyh, nâm bu hên rŏng jêh ma khân may,

II Têsalônik 1:3

Hơi phung oh nâu, ăn hên lah ueh ma Brah Ndu ƀaƀơ yor ma khân may; jêh ri nau aơ jêng di ngăn, yorlah nau chroh khân may văch ma toyh âk ngăn, jêh ri nau rŏng ăp nơm tâm khân may đah ndrăng khân may nơm lơ hô văch ma toyh lơn.

I Timôthê 1:5

Nau ŭch bơh nau ntĭnh nây jêng nau rŏng luh bơh nuih n'hâm kloh, bơh nuih n'hâm sŏng ueh jêh ri ma nau chroh nanê̆ ngăn.

I Pêtrôs 1:22

Yor tông bâr nau ngăn, khân may ƀư kloh jêh ma huêng khân may nơm gay geh nau rŏng ndrăng oh nâu. Ăn khân may tâm rŏng ndrăng nơm dŭt hâu ngăn ma lĕ nuih n'hâm.

I Yôhan 4:16

He gĭt năl jêh ri chroh ma nau rŏng Brah Ndu đah he. Brah Ndu jêng nau rŏng; mbu nơm gŭ tâm nau rŏng jêng gŭ tâm Brah Ndu, jêh ri Brah Ndu gŭ tâm bunuyh nây.