Êphêsô 4:14 - Nau Brah Ndu Ngơi 2023

¹⁴ Kơt nây, he mâu mra hôm jêng kon se ôh, geh nau rpuh njach jêh ri rdu tĭng sial khôm nau nti nklă, tă bơh nau plĕch rlăm kon bunuyh jêh ri lĕ nau blau nklă khân păng ndơm mƀruh.

Bunong Bible Latin Script Cambodian dialect

¹⁴ Lah ndri bân mâu hôm tâm ban ma kon se dah ma iăt nau bu ntŭm nti nklă ŭch đŏt ŭch têk bân. Bân mâu hôm ôh tâm ban ma ndơ n'hông kalơ dak sial khôm jât năp khôm jât kơi, jêh ri mâu hôm dah ma iăt nau bu blao mƀrôh bu blao rlăm nây đŏng.

Bunong

¹⁴ លាស​នទ្រី​ឞ៝ន់​មោ​ហោម​តឹម​ឞាន​មា​ក៝ន​ឆែ​ទាស​មា​អ្យាត់​នាវ​ឞូ​នតុម​នតី​ងក្លាៈ​អុច​ដ៝ត់​អុច​តេក​ឞ៝ន់។ ឞ៝ន់​មោ​ហោម​អោស​តឹម​ឞាន​មា​នទើ​នហោង​កាលើ​ទាក​ឆ្យាល​ខោម​ជឹត​នាប់​ខោម​ជឹត​កើយ ជេសរី​មោ​ហោម​ទាស​មា​អ្យាត់​នាវ​ឞូ​ឞ្លាវ​មរោស​ឞូ​ឞ្លាវ​រាលាម់​នៃ​ដ៝ង់។

Êphêsô 4:14 Iomraidhean Croise

Nau Mprơ Ơm 10:9

Păng gŭ krap tâm ntŭk ndâp nâm bu yau mŭr tâm trôm, Păng gŭ krap gay ma nhŭp phung rêh ni; Păng têk bunuyh o ach lăp tâm nhuăl gay nhŭp khân păng.

Nau Mprơ Ơm 59:3

Yorlah khân păng dôl gŭ kâp gay ƀư rai nau rêh gâp; Ơ Brah Yêhôva! Phung janh ƀai tâm rgum gay tâm rdâng đah gâp Nđâp tơlah gâp mâu tâm rdâng mâu lĕ du ntil ƀư tih.

Êsai 28:9

“Pôri, ma mbu nơm may mra nti nau gĭt mĭn, Jêh ri ma mbu nơm may mra rblang gay ma gĭt vât nau may nti? Di lĕ nti ma phung kon se chalơi pu toh, Mhe rklaih pu toh ƀơh?

Mika 7:2

Bunuyh klach yơk hŏ roh jêh bơh neh ntu; Mâu hôm geh ôh nơm sŏng tâm phung bunuyh. Khân păng kâp rmiăt ŭch ƀư pling mham da dê; Ăp nơm sŏk nhuăl da dê nthăng ma oh nâu păng nơm.

Mathay 11:7

Dôl khân păng sĭt, Brah Yêsu ntơm ngơi đah phung âk ma Y-Yôhan pô aơ: “Moh ndơ khân may hŏ uănh tâm bri rdah? Du tơm rpho geh sial khôm n'gơ lĕ?

Mathay 24:11

Âk nơm mbơh lor nklă mra mpơl jêr ri ndơm âk bunuyh.

Mathay 24:24

Yorlah lĕ bunuyh nklă amoh Brah Krist jêh ri phung nơm mbơh lor nklă mra mpơl jêh ri ƀư lĕ nau mbên khlay, nau khlay ngăn toyh gay ndơm, jêh ri tơlah geh dơi ƀư, khân păng ndơm nđâp ma phung hŏ săch jêh.

Kôranh Oh Mon 23:21

Ƀiălah lơi may iăt nau phung nây, yorlah geh rmeh puăn jât nuyh tâm phung khân păng, hŏ tâm nchră jêh gay ƀư ƀai ma Y-Pôl. Khân păng hŏ sơm ton mâu sông sa mâu nhêt tât khân păng dơi nkhĭt Y-Pôl; aƀaơ khân păng rơm ndrăp, knŏng kâp may dơn nau dơm.”

I Kôrintô 12:2

Khân may gĭt jêh, dôl khân may hôm jêng phung bu năch, phung rup brah mlo hŏ njŭn leo khân may hăn tâm trong tih.

I Kôrintô 14:20

Hơi phung oh nâu, ma nau gĭt rbăng, lơi jêng nâm bu kon se ôh; ƀiălah ma nau mhĭk, ăn jêng nâm bu kon se. Ma nau gĭt rbăng, ăn jêng nâm bu bunuyh văch ma toyh.

I Kôrintô 3:19

Yorlah nau blau mĭn tâm rnôk aơ jêng nau brŭt ndrăng tanăp Brah Ndu. Tâm ban geh nchih pô aơ: “Kôranh Brah nhŭp phung blau mĭn Tâm nau plĕch rlăm khân păng.”

II Kôrintô 2:17

Yorlah, hên mâu tăch rgâl ma nau ngơi Brah Ndu nâm bu âk bunuyh êng. Ƀiălah jêng bunuyh Brah Ndu njuăl hăn, hên mbơh nkoch ma nuih n'hâm răp jăp tâm Brah Krist, tanăp Brah Ndu.

II Kôrintô 4:2

Hên dun jêh lĕ nau kan ndâp pôn jêh ri khư geh nau bêk prêng; hên mâu sŏk nau ndơm mâu lah nau nchơt nklă nau Brah Ndu ngơi ôh. Ƀiălah, hên rblang rah vah ma nau ngăn, hên ăn ma nuih n'hâm sŏng lĕ rngôch bunuyh tâm nal ma hên tanăp Brah Ndu.

Galati 3:1

Hơi phung Galati rluk mâl! Mbu moh nkơnh khân may jêng phung bunuyh, rup Brah Yêsu Krist bu pâng kđĭn ta klơ si tâm rkăng dơi tâm mpơl tanăp măt?

Êphêsô 6:11

Ndrăp hom lĕ rngôch ndơ tâm lơh tă bơh Brah Ndu gay ma khân may dơi nâp tâm rdâng đah lĕ nau nchră phung brah mhĭk.

I Timôthê 3:6

Du huê mhe chroh mâu dơi jan kôranh chiă uănh, klach lah bêng ma nau sưr ƀư ma păng tŭp tâm nau phat dôih prăp ma phung brah mhĭk.

II Timôthê 1:15

May gĭt jêh lĕ phung tâm n'gor Asi chalơi jêh gâp; tâm phung nây geh Y-Phigel jêh ri Y-Hêrmôgen.

II Timôthê 3:13

Ƀiălah phung janh ƀai, phung mƀruh mra lơ nar lơ hâu mhĭk lơn đŏng, ndơm mƀruh bu jêh ri bu ndơm mƀruh tay đŏng.

II Timôthê 4:3

Yorlah mra tât du rnôk phung bunuyh mâu hôm ŭch iăt nau nti nau ngăn, ƀiălah tĭng nuih n'hâm ŭch kơnh, khân păng mra tâm rgum phung kôranh nơm nti jŭm khân păng nơm gay iăt lĕ nau ƀư maak ma tôr;

ហេឞ្រើ 13:9

Lơi ăn lĕ nau nti êng leo khân may; yorlah nuih n'hâm tă bơh nau yô̆ geh nau nâp ktang jêng ueh, mâu di tă bơh lĕ ma ndơ sông sa ôh, nau nây mâu jêng khlay ôh ma phung bunuyh djôt prăp lĕ nau nây.

Yakơ 1:6

Ƀiălah ăn păng mbơh sơm dăn ma nau chroh, mâu geh nau đing ôh, yorlah nơm vay đing tâm ban ma rbuh dak mƀŭt, sial đô̆ jêh ri rdu păng hăn aơ ri.

Yakơ 3:4

Uănh hom lĕ kumpăn: Nđâp tơlah păng dŭt toyh jêh ri sial ktang rdu khân păng kđôi lĕ, ƀiălah knŏng du ndơ gai kumpăn dŭt jê̆ ăt tŏng nau gai păng tĭng nâm nau mĭn bunuyh gai kumpăn.

II Pêtrôs 2:18

Yorlah khân păng ngơi lĕ nau ngơi hưn mâu jêng khlay ôh, dŏng lĕ nau kơnh ŭch nglay săk gay ndơm phung bunuyh mhe klaih bơh ti phung gŭ rêh tâm nau vĭ nhhơt.

I Yôhan 2:19

Khân păng du luh jêh tă bơh nklang phung he, ƀiălah khân păng mâu jêng phung he ôh. Yorlah tơlah khân păng jêng phung he, khân păng mra gŭ ndrel ma he; nau aơ tât jêh gay tâm mpơl rah vah ma lĕ rngôch khân păng mâu jêng phung he ôh.

I Yôhan 2:26

Gâp nchih lĕ nau aơ ma khân may tât ma lĕ phung mƀruh ndơm khân may.

I Yôhan 4:1

Hơi phung gâp rŏng, lơi chroh ôh ma lĕ rngôch brah huêng, ƀiălah lŏng nâl uănh phung brah huêng nây, geh tât tă bơh Brah Ndu mâu lah mâu, yorlah geh âk nơm mbơh lor nklă mpơl jêh tâm neh ntu.

Yuđas 1:12

Phung bunuyh nây jêng ndơ ƀơ̆ tâm nau nhêt sa rŏng khân may; khân păng ăt janh nhêt sa blă blơ nhŭl ndrănh ndrăng khân păng, jêh ri knŏng gĭt rvê ma khân may nơm. Khân păng jêng ndâr tŭk mâu geh dak, sial khôm rdu; khân păng jêng lĕ tơm si mâu geh play lôch yan, bar tơ̆ khĭt, đôk tŏk lŏk reh.

Nau Tâm Mpơl 19:20

Ƀiălah bu nhŭp jêh mpô mpa dŭt janh nây jêh ri nơm mbơh lor nklă — nơm ƀư jêh lĕ nau mbên khlay tanăp mpô mpa, gay ndơm mƀruh ma phung bunuyh dơn jêh nau mbên tă bơh mpô mpa jêh ri phung bunuyh yơk mbah ma rup păng — bu nhŭp đŏng. Lĕ bar hê khân păng bu mƀăr rêh jŭr tâm nglao ŭnh mô ŭnh dôl hit.