Êphêsô 4:12 - Nau Brah Ndu Ngơi 2023

¹² gay ndrăp phung kloh ueh ma nau pah kan jêh ri ndâk njêng săk jăn Brah Krist,

Bunong Bible Latin Script Cambodian dialect

¹² Păng ăn ndơ ueh i nây gay ma kơl dâng lĕ phung ƀon lan Păng nơm blao jan kar ma Păng nơm, nđâp ma rdŏk njêng phung i nsing ma Brah Krist i jêng tâm ban ma săk jăn Păng nơm

Bunong

¹² ពាង់​អ៝ន់​នទើ​អ្វែស​អី​នៃ​គៃ​មា​កើល​ទឹង​លែៈ​ផូង​ប៝ន​លាន​ពាង់​នើម​ឞ្លាវ​ជាន​ការ​មា​ពាង់​នើម នអ៝ប់​មា​រាទ៝ក់​ញជេង​ផូង​អី​ញឆីង​មា​ឞ្រាស​ក្រីស  ​អី​ជេង​តឹម​ឞាន​មា​ឆាក់​ជាន់​ពាង់​នើម

Êphêsô 4:12 Iomraidhean Croise

Luka 22:32

Ƀiălah Gâp mbơh sơm jêh gay ma may mâu mra pưt nau chroh. Tơlah may plơ̆ sĭt, ƀư hom ma phung oh nâu may ktang.”

Kôranh Oh Mon 1:17

Yorlah păng jêng du huê tâm phung he jêh ri păng pah du ntil kan ndrel ma he.

Kôranh Oh Mon 1:25

gay ma ntrok nau kan jêh ri nau pah kan kôranh oh mon Y-Yuđas, nơm hŏ rlăng jêh gay hăn ta ntŭk prăp êng ma păng.”

Kôranh Oh Mon 11:23

Tơlah păng tât jêh ta nây jêh ri saơ nau yô̆ Brah Ndu ăn. Păng răm maak jêh ri nsŭk nsôr lĕ rngôch bunuyh nâp nuih n'hâm tĭng Kôranh Brah;

Kôranh Oh Mon 20:24

Ƀiălah gâp mâu kơp nau rêh gâp khlay ôh, knŏng tơlah lôch jêh nau rlong jêh ri nau pah kan gâp sŏk dơn tă bơh Kôranh Brah jêng Brah Yêsu, ăn gâp mbơh Nau Mhe Mhan Ueh ma nau yô̆ Brah Ndu.

Kôranh Oh Mon 20:28

Khân may njrăng hom ma khân may nơm jêh ri ma lĕ rngôch phung biăp Brah Huêng Ueh hŏ njêng jêh khân may jêng nơm mât uănh, gay chiăp leo Phung Ngih Brah Ndu Kôranh Brah, rvăt jêh ma mham Kon Păng nơm.

Kôranh Oh Mon 9:31

Pôri, Phung ngih Brah Ndu tâm n'gor Yuđa, Galilê, jêh ri Samari, geh nau đăp mpăn, văch ma toyh, hăn tâm nau klach yơk ma Kôranh Brah; yorlah Brah Huêng Ueh kơl, phung chroh jêng lơ nar lơ ntop âk.

Samƀŭt Pôl Njuăl Ăn Ma Phung Nsing Ta Ƀon Rôm 12:5

tâm ban lĕ, he geh âk bunuyh, ƀiălah knŏng jêng du săk jăn tâm Brah Krist; ăp bunuyh tâm he jêng lĕ kô̆ săk jăn ndrăng phung he.

Samƀŭt Pôl Njuăl Ăn Ma Phung Nsing Ta Ƀon Rôm 12:7

bunuyh geh nau dơi ăn pah kan, pah kan hom; bunuyh geh nau dơi ăn ntĭm nti, ntĭm nti hom;

Samƀŭt Pôl Njuăl Ăn Ma Phung Nsing Ta Ƀon Rôm 14:19

Pônây yơh, ăn he tĭng joi lĕ nau djôt leo tât nau đăp mpăn jêh ri ndâk njêng ndrăng phung he.

Samƀŭt Pôl Njuăl Ăn Ma Phung Nsing Ta Ƀon Rôm 15:14

Hơi phung oh nâu, gâp mĭn khân may geh jêh nuih n'hâm bêng nau rŏng bu, bêng nau gĭt rbăng, jêh ri geh nau blau nti nkah ndrăng khân may nơm.

Samƀŭt Pôl Njuăl Ăn Ma Phung Nsing Ta Ƀon Rôm 15:2

Ăn ăp nơm tâm phung he ƀư maak ma phung chiau meng he nơm gay kơl jêh ri ndâk njêng khân păng.

Samƀŭt Pôl Njuăl Ăn Ma Phung Nsing Ta Ƀon Rôm 15:29

Gâp gĭt tơlah gâp hăn khâl khân may, gâp mra văch hăn ndrel ma nau ueh uĭn âk ngăn bơh Brah Krist.

I Kôrintô 12:27

Khân may jêng nglay săk Brah Krist, jêh ri ăp nơm jêng du kô̆ săk jăn.

I Kôrintô 12:7

Nau Brah Huêng Ueh tâm mpơl ma ăp nơm jêng yor nau khlay ma lĕ rngôch.

I Kôrintô 14:12

Khân may tâm ban lĕ, yorlah ŭch tâm nau rêh huêng, khân may joi hom gay ma geh âk rmeh lĕ nau dơi ăn, gay ma ndâk njêng Phung Ngih Brah Ndu.

I Kôrintô 14:14

Yorlah tơlah gâp mbơh sơm ma nau ngơi êng, huêng nuih n'hâm gâp gŭ mbơh sơm, ƀiălah nau mĭn gâp mâu dơn play kao ôh.

I Kôrintô 14:26

Hơi phung oh nâu, mâm mra ƀư? Tơlah khân may tâm rƀŭn, bunuyh geh nau mprơ kloh ueh, bunuyh geh nau ntĭm nti, bunuyh geh nau tâm mpơl, bunuyh geh nau ngơi bu năch, bunuyh geh nau gĭt rblang. Ƀư hom lĕ rngôch gay ma ndâk njêng Phung Ngih Brah Ndu.

II Kôrintô 12:19

Bơh ntơm saơm, khân may mĭn ma hên koh dŏng ma hên nơm tanăp khân may. Hơi phung gâp rŏng ngăn ngên, nây jêng tanăp Brah Ndu jêh ri tâm Brah Krist hên ngơi, lĕ rngôch knŏng gay ndâk njêng khân may.

II Kôrintô 13:11

Nau lôch dŭt, hơi phung oh, răm maak hom, srôih hom gay dơi geh tât nau nŭm rĭng, n'hao hom nuih n'hâm, du ai hom nau mĭn, gŭ rêh đăp mpăn hom, ri mơ Brah Ndu nau rŏng jêh ri nau đăp mpăn mra gŭ ndrel ma khân may.

II Kôrintô 13:9

Hên răm maak yorlah tơlah hên jêng huơi, khân may jêng ktang. Nau hên mbơh sơm dăn, nây jêng khân may dơi geh tât nau nŭm rĭng.

II Kôrintô 3:8

mâm ƀư nau pah kan tă bơh Brah Huêng Ueh mâu mra tât tâm nau chrêk rmah lơn ma nây?

II Kôrintô 4:1

Pôri, tă bơh nau yô̆ nđach Brah Ndu, hên dơn nau pah kan aơ, pôri hên nuih n'hâm mâu dĭl ôh.

II Kôrintô 5:18

Lĕ rngôch nau nây luh bơh Brah Ndu, Nơm ăn ma he geh nau tâm nsĭr đah Păng tâm Brah Krist, jêh ri jao ma hên pah kan nau tâm nsĭr.

II Kôrintô 6:3

Hên mâu ƀư chêh prah ôh ma bu, gay bu mâu dơi nduyh ôh ma nau hên pah kan.

II Kôrintô 7:1

Hơi phung oh nâu gâp rŏng, yorlah geh lĕ nau ton aơ, he ƀư kloh hom he nơm bơh lĕ rngôch nau ƀơ̆ ƀơch tâm nglay săk jêh ri huêng, ƀư rah vah hom nau kloh ueh he tâm nau klach yơk ma Brah Ndu.

Êphêsô 1:23

Phung Ngih Brah Ndu jêng săk jăn Păng, jêng nau bêng ler tă bơh Nơm ƀư rĭng lĕ ntil ndơ tâm lĕ rngôch.

Êphêsô 4:16

Yor Păng, lĕ săk jăn tâm rnglăp jêh ri nkrêp nâp tă bơh lĕ rse tâm gop. Nôk ăp kô̆ ƀư kan tâm di ri mơ săk jăn mra văch ma toyh, jêh ri tâm n'hao tâm njêng êng păng nơm tâm nau rŏng.

Êphêsô 4:29

Lơi ăn du nau ngơi mhĭk luh tă bơh trôm mbung khân may ôh, ƀiălah tơlah khư ngơi, ngơi hom lĕ nau ngơi ueh, geh nau ndâk njêng gay djôt leo nau ueh tât ma phung gŭ iăt.

Êphêsô 4:4

Geh knŏng du săk jăn, du Brah Huêng Ueh, tâm ban đŏng hŏ kuăl khân may văch ma du nau kâp gân;

Kôlôh 1:24

Aƀaơ gâp răm maak tâm nau rêh ni yor khân may, jêh ri yor săk jăn Păng jêng Phung Ngih Brah Ndu, djôt leo săk jăn gâp nơm ƀư lôch jêh kô̆ hôm e tâm nau rêh ni Brah Krist.

Kôlôh 1:28

Păng yơh jêng Nơm hên mbơh nkoch. Hên sŏk lĕ nau blau mĭn gay mbơh lor lĕ rngôch bunuyh, ntĭm nti lĕ rngôch bunuyh, gay mpơl lĕ rngôch bunuyh jêng rah vah ngăn tâm Brah Krist.

Kôlôh 4:17

Nglĕ dŭt, lah hom đah Y-Archipus: “Ăn may njrăng jêh ri ƀư rĭng nau pah kan may hŏ sŏk dơn bơh Kôranh Brah.”

I Timôthê 1:12

Gâp lah ueh ma Nơm ăn jêh nau dơi ma gâp jêng Brah Yêsu Krist, Kôranh Brah he, yorlah Păng kơp gâp jêng răp jăp jêh ri dơm ăn gâp pah kan ma Păng;

II Timôthê 4:11

Knŏng hôm du huê Y-Luk gŭ ndrel ma gâp. Djôt leo hom Y-Markôs hăn tĭng ndrel ma may, yorlah Y-Markôs jêng khlay ma nau gâp pah kan.

II Timôthê 4:5

Ƀiălah ma kô̆ may, di keh hom tâm lĕ rngôch ndơ, srôih dơn nau hŏt rgănh, pah kan du huê nơm mbơh nkoch Nau Mhe Mhan Ueh jêh ri ƀư rĭng nau kan may nơm.

ហេឞ្រើ 13:17

Tông hom ma phung kôranh chiă uănh khân may jêh ri blau tông ma khân păng, yorlah khân păng mât mray huêng khân may nâm bu ăn phung mra mbơh nkoch rah vah. Kơl hom ma khân păng geh nau maak gay ƀư lôch nau kan jêh ri mâu geh nau njang bâr, yorlah nau nây mâu ăn ueh ôh ma khân may.

ហេឞ្រើ 6:1

Pôri, ăn he lơi lĕ nau nti nơih ma nau chroh bơh Brah Krist, gay hăn tât nau văch ma toyh; lơi hôm dơm lĕ nau mbon đŏng: nau tâm rmal ma lĕ nau kan khĭt, nau chroh ma Brah Ndu,