Êphêsô 3:7 - Nau Brah Ndu Ngơi 2023

⁷ Gâp dơi jêng bunuyh pah kan ma Nau Mhe Mhan Ueh tă bơh nau yô̆ Brah Ndu ăn ma gâp rgăn nau pah kan bơh nau brah Păng.

Bunong Bible Latin Script Cambodian dialect

⁷ Gâp lĕ sŏ dơn jêh jan kar mbơh nkoch nau mhe mhan ueh ma Brah Krist i nây. Kôranh Brah ăn nau jan kar i nây ma gâp yor ma nau ueh Păng nơm. Tă bơh nau dơi Păng, Păng ăn ma gâp nau jan kar i nây.

Bunong

⁷ គ៝ប់​លែៈ​ឆ៝ៈ​ទើន​ជេស​ជាន​ការ​មឞើស​ងក៝ច​នាវ​មហែ​មហាន​អ្វែស​មា​ឞ្រាស​ក្រីស  ​អី​នៃ។ កោរាញ​ឞ្រាស​អ៝ន់​នាវ​ជាន​ការ​អី​នៃ​មា​គ៝ប់​យ៝រ​មា​នាវ​អ្វែស​ពាង់​នើម។ តាៈ​ឞើស​នាវ​ទើយ​ពាង់ ពាង់​អ៝ន់​មា​គ៝ប់​នាវ​ជាន​ការ​អី​នៃ។

Êphêsô 3:7 Iomraidhean Croise

Êsai 43:13

Ngăn yơh, ntơm bơh rnôk kăl e Gâp jêng Brah Ndu yơh; Mâu geh nơm dơi klaih bơh ti Gâp ôh. Rnôk Gâp pah kan, mbu nơm dơi king Gâp?”

Kôranh Oh Mon 9:15

Ƀiălah Kôranh Brah lah: “Hăn hom, yorlah Gâp săch jêh nơm aơ jêng ndơ Gâp dŏng gay djôt leo amoh Gâp tât ma phung bu năch, phung hađăch, jêh ri phung kon Israel;

Samƀŭt Pôl Njuăl Ăn Ma Phung Nsing Ta Ƀon Rôm 1:5

Yor ma Păng, hên hŏ dơn jêh nau yô̆ jêh ri nau pah kan kôranh oh mon, gay ma yor amoh Păng njŭn leo lĕ rngôch phung mpôl băl tông ma nau chroh.

Samƀŭt Pôl Njuăl Ăn Ma Phung Nsing Ta Ƀon Rôm 12:3

Yorlah bơh nau hŏ yô̆ jêh ma gâp, gâp lah ma ăp nơm tâm khân may, lơi mĭn rlau ir ma khân may nơm, ƀiălah mĭn rvê hom di rnâng, tĭng nâm ma nau chroh Brah Ndu ăn jêh ma ăp bunuyh.

Samƀŭt Pôl Njuăl Ăn Ma Phung Nsing Ta Ƀon Rôm 15:16

gay ma jêng oh mon Brah Yêsu Krist ta nklang phung bu năch, ƀư nau kan ndơ ƀư brah ma Nau Mhe Mhan Ueh Brah Ndu, gay ma phung bu năch plơ̆ jêng ndơ nhhơr ueh nuih n'hâm Kôranh Brah, dơi ƀư kloh ueh tă bơh Brah Huêng Ueh.

I Kôrintô 15:10

Ƀiălah yor ma nau yô̆ Brah Ndu gâp dơi jêng nâm bu nar aơ, jêh ri nau yô̆ Păng ăn ma gâp mâu di jêng dơm dam ôh. Ƀiălah, gâp pah kan âk lơn ma lĕ rngôch bunuyh êng; nau nây mâu di gâp, ƀiălah jêng nau yô̆ Brah Ndu gŭ ndrel ma gâp.

I Kôrintô 3:5

Lah ndrĭ, mbu nơm jêng Y-Apôlôs? Mbu nơm jêng Y-Pôl? Khân păng knŏng jêng phung oh mon, yor ma khân păng yơh khân may chroh jêh, tĭng nâm Kôranh Brah dăp jêh ma ăp nơm.

II Kôrintô 3:6

Păng yơh ăn ma hên geh nau blau gay pah kan ma nau tâm rnglăp mhe, mâu di nau tâm rnglăp ma rplay samƀŭt nchih ôh, ƀiălah nau tâm rnglăp tâm Brah Huêng Ueh, yorlah rplay samƀŭt djôt leo nau khĭt, ƀiălah Brah Huêng Ueh ăn nau rêh.

II Kôrintô 4:1

Pôri, tă bơh nau yô̆ nđach Brah Ndu, hên dơn nau pah kan aơ, pôri hên nuih n'hâm mâu dĭl ôh.

Galati 2:8

yorlah Brah Ndu, Nơm pah kan tâm Y-Pêtrôs gay njuăl păng ƀư kôranh oh mon ma phung koh ntâu, Nơm nây pah kan tâm gâp gay njuăl gâp ƀư kôranh oh mon ma phung bu năch —

Êphêsô 1:19

jêh ri ntŭk ta nau brah dŭt toyh mâu hôm blau veh Păng đah he, jêng phung chroh, tĭng nau ƀư tâm nau brah dŭt prêh Păng.

Êphêsô 3:2

N'hêl nanê̆ khân may hŏ tăng jêh nau chiă uănh ma nau yô̆ Brah Ndu hŏ jao ma gâp yor khân may,

Êphêsô 3:20

Brah Ndu jêng Nơm pah kan tâm he ma nau brah Păng, dơi ƀư rlau lơn âk râk ma lĕ nau he mbơh sơm dăn mâu lah he mĭn ŭch.

Êphêsô 3:8

Nđâp tơlah gâp jêng bunuyh jê̆ lê̆ lơn tâm lĕ rngôch phung kloh ueh, nau yô̆ nây đŏng ăn ma gâp, gay mbơh nkoch ma phung bu năch nau rmeh ler mâu dơi kơp tă bơh Brah Krist,

Êphêsô 4:16

Yor Păng, lĕ săk jăn tâm rnglăp jêh ri nkrêp nâp tă bơh lĕ rse tâm gop. Nôk ăp kô̆ ƀư kan tâm di ri mơ săk jăn mra văch ma toyh, jêh ri tâm n'hao tâm njêng êng păng nơm tâm nau rŏng.

Kôlôh 1:29

Yor ma nau aơ gâp kan lĕ n'hâm suan jêh ri tâm lơh ma lĕ nau ktang bơh Păng ƀư ăn ktang tâm gâp.

I Têsalônik 2:13

Yor ri, hên lah ueh ma Brah Ndu mâu blau dŭt, yor nôk khân may tăng jêh ri sŏk dơn jêh nau ngơi Brah Ndu tă bơh hên, khân may mâu sŏk dơn nau ngơi nây tâm ban nau kon bunuyh ngơi, ƀiălah di ngăn jêng nau ngơi Brah Ndu, nau ngơi pah kan tâm khân may jêng phung chroh.

ហេឞ្រើ 13:21

ăn ma khân may lĕ nau ueh gay tĭng nau Păng ŭch, jêh ri ƀư nau ueh nuih n'hâm Păng ma he tâm Brah Yêsu Krist. Ăn nau chrêk rmah jêng ndơ Păng n'ho ro ƀaƀơ! Amen.