Êphêsô 3:1 - Nau Brah Ndu Ngơi 2023

¹ Yor nau nây yơh, gâp Y-Pôl, jêng bunuyh gŭ ndrung ma Brah Yêsu Krist, yor khân may jêng phung bu năch.

Bunong Bible Latin Script Cambodian dialect

¹ Yor ma dâng lĕ ndơ i nây, gâp mbơh sơm dăn Kôranh Brah ăn khân ay may. Gâp dja bunuyh geh ndrung, yor ma gâp mbơh nkoch nau Brah Krist Yêsu ăn ma phung i mâu di phung Israel.

Bunong

¹ យ៝រ​មា​ទឹង​លែៈ​នទើ​អី​នៃ គ៝ប់​មឞើស​ឆើម​ទាន់​កោរាញ​ឞ្រាស​អ៝ន់​ខាន់​អៃ​មៃ។ គ៝ប់​អ្យា​ឞូនុយ្ស​គែស​នទ្រូង យ៝រ​មា​គ៝ប់​មឞើស​ងក៝ច​នាវ​ឞ្រាស​ក្រីស​យេឆូ  ​អ៝ន់​មា​ផូង​អី​មោ​ទី​ផូង​អីឆ្រាអែល  ។

Êphêsô 3:1 Iomraidhean Croise

Luka 21:12

Ƀiălah lor ma lĕ nau nây tât geh, yorlah amoh Gâp bu mra yơr ti ƀư mhĭk, jao njŭn khân may ma ngih rƀŭn jêh ri ma ngih ndrung; bu mra njŭn khân may hăn tât tanăp măt phung hađăch jêh ri phung kôranh toyh.

Kôranh Oh Mon 21:33

Kôranh tahan hăn dăch, nhŭp Y-Pôl jêh ri đă bu kât ma bar njăr rse rvăk, jêh ri păng ôp, mbu may jêng jêh ri moh nau may hŏ ƀư.

Kôranh Oh Mon 23:18

Pôri, kôranh tahan njŭn bu klâu ndăm hăn, njŭn leo tât kôranh chiă uănh jêh ri lah: “Du huê bu nă amoh păng Y-Pôl, kuăl gâp njŭn bu klâu ndăm aơ ma may, yorlah păng geh nau ŭch mbơh ma may.”

Kôranh Oh Mon 26:29

Y-Pôl ngơi: “Nđâp tơlah gŭ jŏ mâu lah gleh, gâp dăn ma Brah Ndu, mâu di knŏng êng hađăch ôh, ƀiălah nđâp ma lĕ rngôch bunuyh phung gŭ iăt gâp nar aơ plơ̆ jêng nâm bu gâp, knŏng mâu geh rse rvăk aơ dơm.”

Kôranh Oh Mon 9:15

Ƀiălah Kôranh Brah lah: “Hăn hom, yorlah Gâp săch jêh nơm aơ jêng ndơ Gâp dŏng gay djôt leo amoh Gâp tât ma phung bu năch, phung hađăch, jêh ri phung kon Israel;

II Kôrintô 1:6

Tơlah hên geh nau rêh ni, nau nây gay ma khân may geh nau bonh leng jêh ri geh nau tâm rklaih; mâu lah tơlah hên geh nau bonh leng, nau nây gay ma khân may geh nau bonh leng, jêng nau bonh leng khân may hŏ găn jêh dôl nsrôih dơn lĕ nau rêh ni nâm bu hên geh.

II Kôrintô 10:1

Gâp yơh, Y-Pôl, vơh dăn ma khân may ma nau rdơ̆ rbăn jêh ri nau ueh bơh Brah Krist — gâp jêng bunuyh rdơ̆ rbăn tơlah tâm mâp đah khân may, ƀiălah bêng ma nau janh đah khân may tơlah gâp gŭ ngai! —

II Kôrintô 11:23

Khân păng jêng phung oh mon ma Brah Krist ƀơh? — Gâp ngơi nâm bu du huê bunuyh rluk mâl — gâp ueh lơn đah khân păng đŏng! Gâp hŏ pah kan hŏt rgănh âk lơn, gŭ ndrung âk lơn, bu dong âk lơn, âk tơ̆ bơi ma khĭt.

Galati 5:11

Hơi phung oh nâu, bi gâp, tơlah gâp hôm mbơh nkoch nau koh ntâu, mâm ƀư bu ăt ƀư mhĭk ma gâp? Tơlah di nâm pônây, si tâm rkăng mâu di jêng nau khan king ôh.

Galati 5:2

Gâp, Y-Pôl, lah ma khân may pô aơ, tơlah khân may tuy dơn nau koh ntâu, pôri Brah Krist mâu jêng khlay ma khân may ôh.

Galati 5:24

Pônây phung jêng bunuyh Brah Yêsu Krist bu pâng kđĭn jêh nglay săk ndrel ma lĕ nau kơnh hâu ir jêh ri nau kơnh ŭch khân păng nơm ta si tâm rkăng jêh.

Êphêsô 3:11

tĭng nau ŭch n'ho ro Păng hŏ ƀư lôch jêh tâm Brah Yêsu Krist, Kôranh Brah he.

Êphêsô 3:13

Yor nây, gâp dăn khân may lơi rdja nuih n'hâm yor lĕ nau rêh ni gâp dơn an ma khân may; nây jêng nau chrêk rmah ma khân may.

Êphêsô 3:8

Nđâp tơlah gâp jêng bunuyh jê̆ lê̆ lơn tâm lĕ rngôch phung kloh ueh, nau yô̆ nây đŏng ăn ma gâp, gay mbơh nkoch ma phung bu năch nau rmeh ler mâu dơi kơp tă bơh Brah Krist,

Êphêsô 4:1

Pôri, jêng du huê bunuyh gŭ ndrung tâm Kôranh Brah, gâp vơh vơl ma khân may gŭ rêh hom du nau rêh tâm di ma nau Brah Ndu kuăl jêh khân may.

Êphêsô 6:20

yor Nau Mhe Mhan Ueh nây, gâp jêng nơm mbơh tâm rse rvăk. Dăn mbơh sơm hom gay ma gâp geh nau janh mbơh Nau Mhe Mhan Ueh nây nâm bu ăn gâp ngơi.

Philip 1:7

Gâp mĭn ma lĕ rngôch khân may kơt nĕ jêng di ngăn, yorlah khân may gŭ tâm nuih n'hâm gâp. Nđâp tơlah bu hôm nkông ma rse rvăk, mâu lah tâm nau n'gang jêh ri nau koh dŏng ma Nau Mhe Mhan Ueh, khân may geh kô̆ tâm nau yô̆ hŏ ăn ma gâp.

Kôlôh 1:24

Aƀaơ gâp răm maak tâm nau rêh ni yor khân may, jêh ri yor săk jăn Păng jêng Phung Ngih Brah Ndu, djôt leo săk jăn gâp nơm ƀư lôch jêh kô̆ hôm e tâm nau rêh ni Brah Krist.

Kôlôh 4:18

Ti gâp yơh, Y-Pôl, nchih nau mbah jô̆ khâl aơ. Kah gĭt hom ma rse rvăk gâp. Dăn nau yô̆ gŭ ndrel ma khân may.

Kôlôh 4:3

Mbơh sơm hom ma hên ƀă, dăn Brah Ndu pơk mpông ma hên mbơh nkoch nau ngơi Păng, mbơh nau khlay ndâp Brah Krist yor nau khlay ndâp nây bu nkông gâp ma rse rvăk.

II Timôthê 1:16

Dăn Kôranh Brah yô̆ nđach ma rnăk vâl Y-Ônêsiphor, yorlah păng n'hao nuih jêh gâp âk tơ̆, mâu mâp đit prêng ôh dôl gâp gŭ tâm rse rvăk;

II Timôthê 1:8

Pôri, may lơi đit prêng ôh nôk mbơh nkoch Kôranh Brah he, mâu đŏng đit prêng ma gâp, nơm bu nă Păng; ƀiălah nsing hom nau brah Brah Ndu, ndrel ma gâp dơn nau rêh ni yor Nau Mhe Mhan Ueh.

ផីលេមោន 1:1

Y-Pôl, bunuyh gŭ ndrung Brah Yêsu Krist, jêh ri Y-Timôthê, oh nâu he, samƀŭt njuăl ma Y-Philêmôn, nơm hên rŏng jêh ri nơm pah kan ndrel ma hên,

ផីលេមោន 1:23

Y-Êpapras, nơm gŭ ndrung ndrel ma gâp tâm Brah Yêsu Krist, mbah jô̆ khâl đah may;

ផីលេមោន 1:9

ƀiălah yor nau rŏng, gâp vơh vơl pô aơ. Gâp nơm, Y-Pôl, lĕ ranh jêh ri aƀaơ jêng bu nă yor Brah Yêsu Krist,

Nau Tâm Mpơl 2:10

May lơi klach ôh ma lĕ nau rêh ni may bơi dơn. Aơ, brah mhĭk dăch mƀăr ƀaƀă tâm phung khân may ăn tâm ndrung gay rlong uănh khân may; jêh ri khân may mra geh nau rêh ni tâm jât nar. Gŭ răp jăp hom tât khĭt, jêh ri Gâp mra ăn ma may đon hađăch nau rêh.’