Êphêsô 2:12 - Nau Brah Ndu Ngơi 2023

¹² Kah gĭt hom rnôk nây, gŭ ta neh ntu aơ, khân may mâu geh Brah Krist ôh; mâu geh nau dơi jêng phung ƀon lan Israel ôh, jêng bu năch ma nau tâm rnglăp bơh nau ton, mâu geh nau kâp gân, mâu geh Brah Ndu ôh.

Bunong Bible Latin Script Cambodian dialect

¹² A lor nơh khân ay may hôm gŭ ngai bơh Brah Krist. Khân ay may nây Kôranh Brah mâu ôh kơih jêng phung ƀon lan Păng nơm, yơn ma phung Israel dơm Kôranh Brah lĕ kơih jêng phung ƀon lan Păng nơm. Nau ton Kôranh Brah nôk Păng tâm rnglăp ma phung Israel kăl e nơh mâu di ma khân ay may đŏng. Khân ay may gŭ rêh ta neh ntu dja mâu geh nau rnơm ma nau rklaih, ndrel ma mâu geh Kôranh Brah đŏng.

Bunong

¹² អា​ល៝រ​នើស​ខាន់​អៃ​មៃ​ហោម​គុ​ងាយ​ឞើស​ឞ្រាស​ក្រីស  ។ ខាន់​អៃ​មៃ​នៃ​កោរាញ​ឞ្រាស​មោ​អោស​កើយ្ស​ជេង​ផូង​ប៝ន​លាន​ពាង់​នើម យើន​មា​ផូង​អីឆ្រាអែល  ​ទើម​កោរាញ​ឞ្រាស​លែៈ​កើយ្ស​ជេង​ផូង​ប៝ន​លាន​ពាង់​នើម។ នាវ​ត៝ន​កោរាញ​ឞ្រាស​នោក​ពាង់​តឹម​រាង្លាប់​មា​ផូង​អីឆ្រាអែល  ​កាល់​អែ​នើស​មោ​ទី​មា​ខាន់​អៃ​មៃ​ដ៝ង់។ ខាន់​អៃ​មៃ​គុ​រេស​តា​នែស​នតូ​អ្យា​មោ​គែស​នាវ​រានើម​មា​នាវ​រាក្លាយ្ស នទ្រែល​មា​មោ​គែស​កោរាញ​ឞ្រាស​ដ៝ង់។

Êphêsô 2:12 Iomraidhean Croise

Nau Ntơm 15:18

Tâm nar nây, Brah Yêhôva ƀư nau tâm rnglăp đah Y-Abram pô aơ: “Gâp ăn noi deh may bri aơ, ntơm bơh dak krong Êjipt tât ta dak krong toyh ri, jêng dak krong Ơphrat,

II Nau Rêh Jêng 15:3

Hŏ jŏ năm jêh, phung Israel mâu chroh ngăn ôh ma Brah Ndu, mâu geh du huê kôranh ƀư brah ntĭm nti ma khân păng, ăt mâu geh lĕ nau vay.

Êsra 4:3

Ƀiălah Y-Sôrôƀaƀel, Y-Jêsua, jêh ri phung kôranh noi deh ƀaƀă Israel, plơ̆ lah ma khân păng pô aơ: “Khân may mâu geh du kô̆ ôh ndrel phung hên tâm nau ndâk du mlâm ngih brah ăn ma Brah Ndu hên. Ƀiălah, knŏng êng hên nơm dơm, mra ndâk du mlâm ngih brah ăn Yêhôva Brah Ndu phung Israel, tĭng nâm nau Y-Sirus, hađăch Persi, hŏ ntăm jêh ma hên.”

Nau Ngluh Êjipt 12:45

Bu năch gŭ njưh ƀât lât jêh ri bunuyh kan nkhôm kŏ mâu dơi sa đŏng.

Êsai 14:1

Ngăn yơh, Brah Yêhôva mra yô̆ nđach ma Yakôb jêh ri hôm du tơ̆ đŏng săch Israel. Păng mra ăn ma khân păng gŭ tâm bri khân păng nơm. Phung bu năch mra tâm rnglăp đah khân păng jêh ri mra gŭ ndrel đah ngih Yakôb.

Êsai 44:6

Brah Yêhôva jêng Hađăch jêh ri Nơm Tâm Chuai Israel, Jêng Brah Yêhôva ma phung tahan, lah: “Gâp jêng lor lơn jêh ri Nơm nglĕ dŭt; Rlau ma Gâp mâu hôm geh Brah Ndu êng ôh.

Êsai 45:20

Ơ phung ndŭl mpôl nchuăt du tâm lĕ bri dak, Tâm rƀŭn hom khân may jêh ri văch hom, văch êp ndrel n'grŭp! Phung tung rup brah trah ma si, Kuăl dăn ma brah mâu dơi rklaih bu ôh, Nanê̆ khân păng mâu gĭt rbăng ôh!

Êsai 61:5

Phung bu năch mra sâm chiăp biăp be khân may, Phung bu năch mra ƀư lŏ jêh ri tăm đang krăk ƀâu ma khân may.

Yêrêmi 14:8

Ơ Kôranh Brah, May jêng nau kâp gân ma phung Israel, Nơm tâm rklaih tâm nau rêh ni, Mâm ƀư may nâm bu du huê bu năch tâm n'gor aơ, Nâm bu du huê bu năch veh bê̆ch njưh du măng?

Yêrêmi 17:13

Ơ Brah Yêhôva, nau kâp gân ma phung Israel, Mbu nơm dun May geh nau prêng da dê! Mbu nơm plăch ndŭr kơi đah May bu mra nchih amoh ta ndruyh neh, Yorlah khân păng hŏ chalơi jêh Brah Yêhôva jêng tu dak rêh.

Êsêkiêl 13:9

Ti Gâp mra tâm rdâng đah phung nơm mbơh lor tâm saơ dơm dam, nau ƀŭk rƀên mƀruh. Khân păng mâu mra gŭ ôh tâm nau phung ƀon lan Gâp tâm rƀŭn đŏng ôh, mâu geh nchih tâm ndrom samƀŭt ngih Israel đŏng ôh, jêh ri mâu chuat lăp tâm bri Israel. Rnôk nây, khân may mra gĭt Gâp jêng Kôranh Brah Yêhôva.

Êsêkiêl 37:26

Gâp mra njêng đah khân păng du nau tâm rnglăp đăp mpăn, nây jêng du nau tâm rnglăp n'ho ro ta nklang khân păng đah Gâp. Gâp mra njêng jêh ri ƀư ăn rnoh bunuyh khân păng bĭk rơ̆. Gâp mra ndâk ngih brah kloh ueh Gâp ta nklang khân păng ƀaƀơ n'ho ro.

Êsêkiêl 47:22

Ăn khân may mra nchroh gay tâm pă drăp ndơn ăn ma khân may nơm jêh ri phung bu năch gŭ ta nklang khân may jêh ri deh kon sau ta nklang khân may. Khân may uănh khân păng nâm bu phung ƀon lan deh jêh ri văch ma toyh tâm bri Israel; khân may ăt dơi tâm pă drăp ndơn ta nklang phung mpôl băl Israel.

Ndrom Samƀŭt bơh Ôsê 3:4

Yorlah tâm năng nar jŏ jong, phung ƀon lan Israel mâu geh hađăch ôh, mâu geh kôranh chiă uănh, mâu geh mpa ƀư brah, mâu geh meh n'gâng brah, mâu geh êphôt jêh ri mâu geh têraphim.

Nau Kơp Bunuyh 18:19

Lĕ rngôch ndơ nhhơr kloh ueh phung ƀon lan Israel nhhơr ma Brah Yêhôva, Gâp ăn ma may, ma phung kon bu klâu may jêh ri phung kon bu ur may nâm du nau vay n'ho ro. Nĕ jêng du nau tâm rnglăp ma boh n'ho ro tanăp Brah Yêhôva prăp ma may jêh ri noi deh may.”

Luka 1:72

Păng tâm mpơl nuih n'hâm yô̆ nđach ma chô yau he, Jêh ri kah gĭt tay nau tâm rnglăp kloh ueh Păng,

Yôhan 10:16

Gâp hôm geh đŏng biăp êng mâu gŭ tâm n'gar aơ ôh; Gâp mra njŭn leo khân păng plơ̆ sĭt đŏng. Biăp nây mra tăng bâr Gâp, jêh nây mra knŏng geh du phung biăp jêh ri du huê rmăk dơm.

Yôhan 15:5

Gâp jêng tơm krăk ƀâu, khân may jêng n'gĭng. Mbu nơm gŭ tâm Gâp, jêh ri Gâp gŭ tâm păng, păng nây geh play âk ngăn, yorlah mâu geh Gâp khân may mâu dơi ƀư du ntil ndơ ôh.

Yôhan 4:22

Khân ay yơk mbah ma Nơm khân ay mâu gĭt năl, bi hên yơk mbah ma Nơm hên gĭt năl, yorlah nau tâm rklaih văch tă bơh phung Yuđa.

Kôranh Oh Mon 2:39

Yorlah nau ton nây prăp ma khân may, ma phung kon sau khân may, jêh ri ma lĕ rngôch bunuyh gŭ ngai, jêng lĕ rngôch bunuyh Kôranh Brah jêng Brah Ndu he mra kuăl.”

Kôranh Oh Mon 28:20

Yor nây yơh, gâp dăn tâm mâp jêh ri ngơi đah khân may; yorlah ma nau phung Israel kâp gân, gâp dơn rse rvăk nkông aơ.”

Kôranh Oh Mon 3:25

Khân may jêng kon sau phung nơm mbơh lor jêh ri nau tâm rnglăp Brah Ndu hŏ ƀư jêh đah phung chô yau he dôl Păng lah ma Y-Abraham: ‘Lĕ rngôch mpôl băl bunuyh ta klơ neh ntu mra geh nau ueh uĭn tă bơh noi deh may.’

Samƀŭt Pôl Njuăl Ăn Ma Phung Nsing Ta Ƀon Rôm 9:8

nâm bu ntĭt mâu di ôh phung kon tĭng nâm nglay săk jêng phung kon Brah Ndu, ƀiălah phung kon tă bơh nau ton dơi kơp jêng noi deh ngăn.

Galati 4:8

Kăl e, ê hŏ gĭt năl Brah Ndu, khân may jêng dĭk ma lĕ brah mâu di jêng brah.

Êphêsô 2:19

Pônây, khân may mâu hôm jêng phung bu năch ôh mâu lĕ jêng bunuyh gŭ njưh đŏng, ƀiălah jêng phung ƀon ndrel ma phung kloh ueh jêh ri jêng phung bunuyh tâm rnăk vâl Brah Ndu;

Êphêsô 4:18

Nau mĭn khân păng ngo klĕng, gŭ ngai đah nau rêh Brah Ndu, yor nau rluk mâl gŭ tâm khân păng, jêh ri nuih n'hâm khân păng men dăng.

Kôlôh 1:21

Bi phung khân may, saơm khân may ơm ngai ƀah đah Brah Ndu, plơ̆ jêng nau tâm rlăng đah Păng tâm nau mĭn jêh ri tâm kan djơh mhĭk khân may,

Kôlôh 1:27

Yor Brah Ndu ŭch khân may mpơl nau rmeh ler jêh ri nau chrêk rmah nau khlay ndâp nây ta nklang phung bu năch, nây jêng Brah Krist gŭ tâm khân may, jêng nau kâp gân ma nau chrêk rmah.

Kôlôh 1:5

yorlah nau kâp gân prăp jêh ma khân may ta klơ trôk, nau tâm rnôk ntơm saơm khâm may hŏ tăng jêh tâm nau ngơi ngăn, jêng Nau Mhe Mhan Ueh hŏ văch ta khân may.

I Têsalônik 4:13

Hơi phung oh nâu, hên mâu ŭch ôh ma khân may mâu gĭt rbăng ma nau phung bê̆ch jêh, gay ma khân may lơi rngot rvê nâm bu phung êng mâu geh nau kâp gân.

I Têsalônik 4:5

lơi tŭp tâm nau văng tĭr blă blơ nâm bu phung bu năch, jêng phung bunuyh mâu gĭt năl Brah Ndu.

II Têsalônik 2:16

Dăn Kôranh Brah he, jêng Brah Yêsu Krist nơm jêh ri Brah Ndu, Mbơ̆ he, Nơm rŏng jêh ma he, jêh ri bơh nau yô̆ ăn ma he nau bonh leng n'ho ro jêh ri nau kâp gân ueh,

I Timôthê 1:1

Y-Pôl, kôranh oh mon Brah Yêsu Krist tĭng nâm nau ntăm bơh Brah Ndu, Nơm tâm rklaih he, jêh ri bơh Brah Yêsu Krist, nau he kâp gân,

ហេឞ្រើ 11:34

nhhât lơi jêh ŭnh hit, klaih bơh mpiăt đao, dơi đah nau ji, jêng janh ktang tâm nau tâm lơh, ƀư ăn phung tahan rlăng nchuăt du.

ហេឞ្រើ 6:18

gay ma bar nau nây mâu blau rgâl — bar nau nây Brah Ndu mâu dơi ngơi mƀruh ôh — ma phung he jêng phung bunuyh nchuăt du krap ta Păng, geh nau bonh leng toyh jêh ri djôt nâp nau kâp gân hŏ dơm tanăp măt he nơm.

ហេឞ្រើ 8:6

Ƀiălah aƀaơ Brah Krist sŏk dơn jêh du nau pah kan toyh lơn, yorlah Păng jêng Nơm Tâm Nklang ma nau tâm rnglăp ueh lơn, bơh nau tâm rnglăp nây ndâk jêh ta klơ nau ton ueh lơn.

I Pêtrôs 1:21

Yor ma Păng, khân may chroh ma Brah Ndu, jêng Nơm ƀư ăn Păng dâk rêh tay tă bơh nau khĭt jêh ri ăn ma Păng nau chrêk rmah, gay ma nau chroh jêh ri nau khân may kâp gân mra dơm tâm Brah Ndu.

I Pêtrôs 1:3

Mât ton ma Brah Ndu, Mbơ̆ Kôranh Brah he jêng Brah Yêsu Krist! Yor nuih n'hâm yô̆ nđach rmeh ler tă bơh Păng, phung he dơi deh mhe tay gay geh nau kâp gân rêh, yor nau dâk rêh tay Brah Yêsu Krist tă bơh nau khĭt,

I Pêtrôs 3:15

ƀiălah ăn khân may yơk ma Brah Krist jêng kloh ueh, Kôranh Brah tâm nuih n'hâm khân may. Ăn khân may gŭ njrăng ƀaƀơ gay dơi plơ̆ lah ma nau yơk jêh ri nau rdơ̆ ma mbu nơm ôp ăn gĭt ma nau khân may kâp gân.

I Yôhan 3:3

Mbu nơm geh nau kâp gân aơ tâm Păng, ăn bunuyh nây djôt prăp nau kloh ma păng nơm, nâm bu Păng jêng kloh.