Êphêsô 1:4 - Nau Brah Ndu Ngơi 2023

⁴ Nđâp ma êlor nau rhăk njêng neh ntu, Păng săch jêh he tâm Brah Krist gay ma he jêng kloh ueh jêh ri mâu geh nau nduyh tanăp Păng.

Bunong Bible Latin Script Cambodian dialect

⁴ Bơh ntơm ê hŏ njêng neh ntu nơh, Păng lĕ ơm kơih jêh bân gay ma gŭ ndrel Brah Krist. Păng kơih bân gay ma jêng kloh ueh, mâu geh ôh nau ma nduih ta năp măt Păng. Păng jan kơt nây, yor ma Păng geh nuih n'hâm rŏng ma bân.

Bunong

⁴ ឞើស​នតើម​អេ​ហ៝ៈ​ញជេង​នែស​នតូ​នើស ពាង់​លែៈ​អើម​កើយ្ស​ជេស​ឞ៝ន់​គៃ​មា​គុ​នទ្រែល​ឞ្រាស​ក្រីស  ។ ពាង់​កើយ្ស​ឞ៝ន់​គៃ​មា​ជេង​ក្ល៝ស​អ្វែស មោ​គែស​អោស​នាវ​មា​នទុយ្ស​តា​នាប់​មាត់​ពាង់។ ពាង់​ជាន​កើត​នៃ យ៝រ​មា​ពាង់​គែស​នូយ្ស​នហ៝ម់​រ៝ង់​មា​ឞ៝ន់។

Êphêsô 1:4 Iomraidhean Croise

II Samuel 22:24

Gâp mâu geh nau bu nduyh ôh tanăp Păng, Jêh ri gâp njrăng mât êng săk nơm bơh nau mhĭk.

Nau Mprơ Ơm 135:4

Yorlah Brah Yêhôva hŏ săch jêh Yakôb ma Păng nơm, Sŏk phung Israel jêng drăp ndơn êng ma Păng.

Êsai 42:1

Aơ jêng oh mon Gâp, Nơm Gâp kâp kơl, Jêng Nơm Gâp hŏ săch jêh, jêh ri tâm Păng huêng Gâp geh nau maak. Gâp hŏ dơm jêh Brah Huêng Gâp ta klơ Păng, Jêh ri Păng mra mpơl nau sŏng ma lĕ bri dak.

Kan Lêvi 19:2

“Ntăm hom ma lĕ rngôch phung ƀon lan Israel tâm rƀŭn: ‘Ăn khân may jêng kloh ueh, yorlah Gâp jêng Yêhôva Brah Ndu khân may, jêng kloh ueh.

Kan Lêvi 20:7

Khân may prăp hom khân may nơm tâm nau kloh jêh ri dơi jêng nau kloh ueh, yorlah Gâp jêng Yêhôva Brah Ndu khân may.

Mathay 24:22

Tơlah lĕ nar nây mâu n'hŭch lơi, pôri mâu geh du huê bunuyh dơi rklaih ôh; ƀiălah yor phung bunuyh dơi săch lĕ nar nây mra n'hŭch lơi.

Mathay 24:24

Yorlah lĕ bunuyh nklă amoh Brah Krist jêh ri phung nơm mbơh lor nklă mra mpơl jêh ri ƀư lĕ nau mbên khlay, nau khlay ngăn toyh gay ndơm, jêh ri tơlah geh dơi ƀư, khân păng ndơm nđâp ma phung hŏ săch jêh.

Mathay 24:31

Păng mra njuăl phung tông mpăr Păng uh nŭng nteh ktang tâm rgum phung Păng hŏ săch jêh lam puăn njônh, ntơm bơh jâng trôk aơ tât ta jâng trôk ri.

Mathay 25:34

Nôk nây, Hađăch mra lah ma phung mpeh pa ma pô aơ: ‘Hơi phung Mbơ̆ Gâp ăn nau ueh uĭn, văch hom dơn ƀon bri hađăch klơ trôk ndrăp nkra jêh ăn ma khân may ntơm bơh rhăk njêng neh ntu.

Yôhan 10:16

Gâp hôm geh đŏng biăp êng mâu gŭ tâm n'gar aơ ôh; Gâp mra njŭn leo khân păng plơ̆ sĭt đŏng. Biăp nây mra tăng bâr Gâp, jêh nây mra knŏng geh du phung biăp jêh ri du huê rmăk dơm.

Yôhan 15:16

Mâu di khân may ôh săch Gâp, ƀiălah Gâp săch jêh khân may jêh ri njuăl khân may, gay khân may hăn, geh play âk, jêh ri play khân may ăt hôm ƀaƀơ; pôri moh nau khân may mra dăn ma Mbơ̆ tâm amoh Gâp, Păng mra ăn nau nây ma khân may.

Yôhan 17:24

Ơ Mbơ̆, Kon ŭch lĕ rngôch phung Mbơ̆ hŏ ăn jêh ma Kon gŭ ndrel ma Kon ta ntŭk Kon gŭ, pônây khân păng dơi n'gơr uănh nau chrêk rmah Mbơ̆ ăn jêh ma Kon, yorlah Mbơ̆ hŏ rŏng jêh ma Kon êlor nau rhăk njêng neh ntu.

Kôranh Oh Mon 13:48

Nôk tăng nau nây, phung bu năch răm maak, tâm rnê nau chroh ma Brah Ndu; phung bunuyh Brah Ndu tâm nal ma nau rêh n'ho ro chroh da dê.

Kôranh Oh Mon 15:18

Nây jêng lĕ nau dơi gĭt ntơm bơh rbăn rnôk kăl e.’

Kôranh Oh Mon 18:10

Gâp gŭ ndrel ma may, mâu geh du huê tâm rdâng, ƀư djơh ma may ôh, yorlah Gâp geh âk bunuyh tâm ƀon aơ.”

Samƀŭt Pôl Njuăl Ăn Ma Phung Nsing Ta Ƀon Rôm 8:33

Mbu nơm mra phong ma phung Brah Ndu săch, nôk Brah Ndu jêng Nơm kơp sŏng srăng ma phung bunuyh nây?

I Kôrintô 1:8

Brah Ndu mra djôt prăp khân may nâp tât lôch, gay ma mâu geh nau nduyh tâm nar Kôranh Brah he jêng Brah Yêsu Krist.

Galati 5:13

Hơi phung oh nâu, bu kuăl jêh khân may gay dơn nau kon me; ƀiălah lơi dŏng nau kon me nây tâm ban du mông găl gay gŭ rêh ma nglay săk, ƀiălah sŏk hom nuih n'hâm rŏng gay pah kan ndrăng khân may nơm.

Galati 5:22

Ƀiălah play bơh Brah Huêng Ueh jêng: Nau rŏng, nau maak, nau đăp mpăn, nau srôih, nau ueh, nau blau ƀư ueh, nau răp jăp, nau rdơ̆ rbăn, nau di keh.

Galati 5:6

Yorlah tâm Brah Yêsu Krist, nau geh nau khlay mâu di ƀư koh ntâu mâu lah mâu koh ntâu, ƀiălah jêng nau chroh tâm mpơl tâm nau rŏng.

Êphêsô 2:10

Yorlah he jêng kan bơh ti Păng, dơi rhăk njêng tâm Brah Yêsu Krist gay ƀư lĕ nau kan ueh Brah Ndu nkra jêh bơh lor gay ma he kơt ƀư.

Êphêsô 3:17

jêh ri bơh nau chroh, Brah Krist gŭ tâm nuih n'hâm khân may. Gâp mbơh sơm đŏng gay ma khân may hon reh jêh ri nâp tâm nau rŏng;

Êphêsô 4:2

Ăn dŭt dêh rhêt, rdơ̆ rbăn jêh ri nau srôih, ăn khân may ŭn nuih ndrăng khân may tâm nau rŏng.

Êphêsô 5:2

Hăn hom tâm nau rŏng nâm bu Brah Krist rŏng jêh ma he, Păng jao săk jăn Păng yor he, nâm bu du ndơ nhhơr jêh ri mpa ƀư brah n'hôl ƀâu kah nhhơr ma Brah Ndu.

Êphêsô 5:27

gay tâm mpơl măt ta năp Păng du Phung Ngih Brah Ndu chrêk rmah, mâu têl, mâu nsŭn, mâu geh ndơ tâm ban pônây ôh, ƀiălah kloh ueh jêh ri dŭt ueh ngăn.

Philip 2:15

gay ma khân may mâu geh nau nduyh ôh jêh ri kloh rsang, jêng kon dŭt ueh ngăn ma Brah Ndu ta nklang phung ndŭl mpôl plĕch rlăm jêh ri nau tih; ta nklang phung ndŭl mpôl nây, khân may sol hom nâm bu nau ang ta neh ntu;

Kôlôh 1:22

Ƀiălah aƀaơ Brah Ndu hŏ tâm rnglăp jêh tâm nau khĭt Kon Păng tâm nglay săk, gay ma mpơl khân may tâm nau kloh ueh, mâu geh têl khap, mâu geh nau nduyh tanăp Păng;

Kôlôh 2:2

gay ma nuih n'hâm khân păng geh nau n'hao nuih n'hâm, tâm rnglăp tâm nau rŏng, tâm ban đŏng geh âk nau gĭt rbăng rmeh ler jêh ri n'hêl nanê̆ gay gĭt năl nau khlay ndâp Brah Ndu, nâm bu ntĭt Brah Krist;

Kôlôh 3:12

Khân may jêng phung bunuyh Brah Ndu săch, jêng phung kloh ueh jêh ri phung Brah Ndu rŏng ngăn ngên. Pôri, nsoh hom nuih n'hâm yô̆ nđach, nuih n'hâm ueh, nau dêh rhêt, nau rdơ̆ rbăn, nau srôih.

I Têsalônik 3:12

Dăn Kôranh Brah ƀư ăn ma khân may lơ hô hao lơn jêh ri bêng ma nau rŏng ndrăng nơm, jêh ri ma lĕ rngôch bunuyh, nâm bu hên rŏng jêh ma khân may,

I Têsalônik 4:7

Yorlah Brah Ndu mâu kuăl ôh he ma nau ƀơ̆ ƀơch, ƀiălah ma nau kloh ueh.

II Timôthê 1:9

Brah Ndu tâm rklaih jêh he, kuăl jêh he ma nau kuăl kloh ueh, mâu di ôh yor nau he kan, ƀiălah tĭng nâm nau ŭch êng Păng jêh ri nau yô̆ Păng ăn jêh ma he ntơm bơh lor lĕ rngôch rnôk tâm Brah Yêsu Krist.

II Timôthê 2:10

Pôri, yorlah phung bunuyh geh nau săch jêh, gâp srôih dơn lĕ ntil ndơ gay ma khân păng dơn đŏng nau tâm rklaih Brah Yêsu Krist, đah nau chrêk rmah n'ho ro.

II Timôthê 2:19

Ƀiălah, nau mbon lĕ nâp Brah Ndu ăt gŭ nâp, ma nau tâp pŏng pô aơ: “Kôranh Brah gĭt năl phung bunuyh jêng phung Păng;” jêh ri: “Mbu moh kuăl mbơh sơm amoh Kôranh Brah, ăn der ngai bơh nau mâu di.”

Yakơ 2:5

Khân may iăt hom, hơi phung oh nâu gâp rŏng: Mâu di hĕ Brah Ndu săch jêh phung o ach ta neh ntu aơ gay ƀư ma khân păng jêng ndrŏng tâm nau chroh, jêh ri dơn ƀon bri hađăch Păng ton jêh ma phung rŏng ma Păng?

I Pêtrôs 1:2

tĭng nau gĭt lor tă bơh Brah Ndu jêng Mbơ̆, jêh ri geh nau ƀư kloh ueh tă bơh Brah Huêng Ueh, gay tông bâr Brah Yêsu Krist jêh ri geh kô̆ tâm nau mbrih mham Păng. Mbơh sơm dăn nau yô̆ jêh ri nau đăp mpăn lơ hô n'hao ma khân may!

I Pêtrôs 1:20

tâm nal jêh êlor rhăk njêng trôk neh ntu, ƀiălah tâm mpơl tâm rnôk nglĕ dŭt aơ yorlah khân may.

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.

II Pêtrôs 3:14

Pôri, hơi phung gâp rŏng, tâm nôk gŭ kâp lĕ nau nĕ, ăn khân may srôih lĕ nau ktang gay ma Păng saơ khân may mâu geh têl khap, mâu geh nau nduyh jêh ri rêh gŭ tâm nau đăp mpăn.

I Yôhan 4:16

He gĭt năl jêh ri chroh ma nau rŏng Brah Ndu đah he. Brah Ndu jêng nau rŏng; mbu nơm gŭ tâm nau rŏng jêng gŭ tâm Brah Ndu, jêh ri Brah Ndu gŭ tâm bunuyh nây.

Nau Tâm Mpơl 13:8

Lĕ rngôch bunuyh gŭ rêh ta neh ntu mra yơk mbah ma păng, nâm bu ntĭt phung mâu geh amoh săk nchih tâm ndrom samƀŭt nau rêh Kon Biăp bu nkhĭt jêh ntơm bơh nau rhăk njêng neh ntu.

Nau Tâm Mpơl 17:8

Mpô mpa dŭt janh may hŏ saơ jêh, bơh saơm geh jêh, aƀaơ aơ mâu geh, păng dăch hao tă bơh brŏng jru jêh ri hăn tât ntŭk roh rai. Phung ƀon lan gŭ ta neh ntu mâu geh nchih amoh tâm ndrom samƀŭt nau rêh ntơm bơh rhăk njêng neh ntu, khân păng mra hih rhâl dôl saơ mpô mpa nây; yorlah păng bơh saơm geh jêh, aƀaơ aơ mâu geh, jêh ri păng mra mpơl.