Êphêsô 1:22 - Nau Brah Ndu Ngơi 2023

²² Păng dơm jêh lĕ rngôch ndơ tâm dâng jâng Brah Krist jêh ri njêng Brah Krist jêng bôk ma lĕ ntil ndơ yorlah Phung Ngih Brah Ndu.

Bunong Bible Latin Script Cambodian dialect

²² Kôranh Brah lĕ ăn dâng lĕ ndơ gŭ ta nâm nau mât uănh Brah Krist nơm, nđâp ma ăn Păng jêng kôranh ma dâng lĕ bunuyh i nsing ma Păng. Păng tâm ban ma bôk,

Bunong

²² កោរាញ​ឞ្រាស​លែៈ​អ៝ន់​ទឹង​លែៈ​នទើ​គុ​តា​ន៝ម់​នាវ​ម៝ត់​អ្វាញ់​ឞ្រាស​ក្រីស  ​នើម នអ៝ប់​មា​អ៝ន់​ពាង់​ជេង​កោរាញ​មា​ទឹង​លែៈ​ឞូនុយ្ស​អី​ញឆីង​មា​ពាង់។ ពាង់​តឹម​ឞាន​មា​ឞោក‌

Êphêsô 1:22 Iomraidhean Croise

Nau Ntơm 3:15

Gâp mra ƀư ma may jêh ri bu ur, Noi deh may jêh ri noi deh bu ur tâm rlăng. Păng mra jot nkrâm sôt bôk may, Bi may mra kăp ndơl jâng păng.”

Nau Mprơ Ơm 110:1

Brah Yêhôva ngơi ma Kôranh Brah gâp pô aơ: “Gŭ hom pa ma Gâp. Kŏ tât Gâp ăn phung rlăng đah May jêng rnơl chrong jâng May.”

Nau Mprơ Ơm 91:13

May mra chuat hăn ta klơ yau mŭr jêh ri bêh rmâng; Bi ma yau mŭr kon jêh ri bêh may mra jot tâm dâng ma jâng.

Mathay 16:18

Bi ma, Gâp mbơh ma may pô aơ: May jêng Y-Pêtrôs, Gâp mra rdâk Phung Ngih Brah Ndu Gâp ta klơ lŭ aơ, lĕ mpông ƀon phung khĭt mâu dơi đah Phung nây ôh.

Kôranh Oh Mon 20:28

Khân may njrăng hom ma khân may nơm jêh ri ma lĕ rngôch phung biăp Brah Huêng Ueh hŏ njêng jêh khân may jêng nơm mât uănh, gay chiăp leo Phung Ngih Brah Ndu Kôranh Brah, rvăt jêh ma mham Kon Păng nơm.

I Kôrintô 11:3

Ƀiălah, gâp ŭch ăn khân may gĭt pô aơ: Brah Krist jêng bôk ma bu klâu, bu klâu jêng bôk ma bu ur, jêh ri Brah Ndu jêng bôk ma Brah Krist.

Êphêsô 3:21

Ăn Păng geh nau tâm rnê tâm Phung Ngih Brah Ndu jêh ri tâm Brah Yêsu Krist găn lĕ rngôch rô̆, ma tât ƀaƀơ n'ho ro! Amen.

Êphêsô 5:23

Yorlah sai jêng bôk ma ur păng, tâm ban ma Brah Krist jêng bôk ma Phung Ngih Brah Ndu, Phung ngih Brah Ndu jêng săk jăn Păng jêh ri Păng yơh jêng Nơm Tâm Rklaih ma Phung Ngih Brah Ndu.

Kôlôh 1:18

Păng jêng bôk ma săk jăn, nâm bu ntĭt Phung Ngih Brah Ndu. Păng jêng nau ntơm, jêng Nơm deh lor lơn bơh phung khĭt, gay tâm lĕ rngôch ndơ Păng jêng kôranh toyh da dê.

Kôlôh 1:8

jêh ri jêng bunuyh hŏ mpơl ma hên gĭt nuih n'hâm khân may rŏng tâm Brah Huêng Ueh.

Kôlôh 2:10

pô ri khân may geh bêng nŭm tâm Păng, Nơm jêng kôranh lĕ rngôch nau chiă uănh jêh ri nau dơi toyh.

Kôlôh 2:19

Khân păng mâu tâm rnglăp răp jăp đah bôk gay bơh Păng lĕ săk jăn geh nau siăm rong, geh nau tâm rnglăp ndrel bơh lĕ tâm trŭp nting, rse tâm rnglăp, jêh ri văch ma toyh tĭng nau Brah Ndu ŭch.

I Timôthê 3:15

gay tơlah gâp băt tât, pô ri may gĭt đŏng nau gŭ ngao tâm ngih Brah Ndu, jêng Phung Ngih Brah Ndu rêh, ntur jêh ri meh ma nau ngăn.

ហេឞ្រើ 2:8

Dơm jêh lĕ rngôch ndơ tâm dâng jâng Păng.” Tơlah dơm lĕ rngôch ndơ tâm dâng Brah Yêsu tâm ban pônây, Brah Ndu mâu ăn ôh du ntil ndơ tâm dâng Păng. Ƀiălah, aƀaơ aơ he ê hŏ saơ ôh lĕ rngôch ndơ tâm dâng Păng.