Êphêsô 1:18 - Nau Brah Ndu Ngơi 2023

¹⁸ Gâp dăn đŏng Păng sol ang măt nuih n'hâm khân may, gay ma khân may gĭt năl moh nau kâp gân tâm Kôranh Brah kuăl jêh khân may văch, mâm nau ndrŏng tâm drăp ndơn chrêk rmah Păng tâm phung kloh ueh,

Bunong Bible Latin Script Cambodian dialect

¹⁸ Gâp dăn Kôranh Brah kơl khân ay may, ăn khân ay may gĭt vât n'hêl ta nuih n'hâm nau mân dâng lĕ ndơ Kôranh Brah ŭch ăn ma khân ay may. Ndơ i nây khân ay may hôm rnơm ma sŏ dơn, yorlah Păng lĕ kuăl khân ay may jêng phung ƀon lan Păng nơm, ndơ i nây tâm ban ma ndơ ndrây, geh nau khlay hô ngăn, geh nau chrêk lơp đŏng.

Bunong

¹⁸ គ៝ប់​ទាន់​កោរាញ​ឞ្រាស​កើល​ខាន់​អៃ​មៃ អ៝ន់​ខាន់​អៃ​មៃ​គឹត​វ៝ត់​នហេល​តា​នូយ្ស​នហ៝ម់​នាវ​មឹន​ទឹង​លែៈ​នទើ​កោរាញ​ឞ្រាស​អុច​អ៝ន់​មា​ខាន់​អៃ​មៃ។ នទើ​អី​នៃ​ខាន់​អៃ​មៃ​ហោម​រានើម​មា​ឆ៝ៈ​ទើន យ៝រ​លាស​ពាង់​លែៈ​ក្វាល់​ខាន់​អៃ​មៃ​ជេង​ផូង​ប៝ន​លាន​ពាង់​នើម នទើ​អី​នៃ​តឹម​ឞាន​មា​នទើ​នទ្រៃ គែស​នាវ​ខ្លៃ​ហោ​ងាន់ គែស​នាវ​ច្រេក​លើប​ដ៝ង់។

Êphêsô 1:18 Iomraidhean Croise

Ndrom Samƀŭt bơh Yôp 42:5

Kăl e tôr gâp geh tăng bu nkoch ma May, Ƀiălah aƀaơ măt gâp hŏ saơ jêh May;

Nau Mprơ Ơm 119:18

Dăn may pơk an măt gâp Gay ma gâp dơi saơ ntil khlay tâm nau vay May.

Êsai 11:2

Brah Huêng Ueh Brah Yêhôva mra gŭ ta klơ Păng, Jêng brah nau gĭt mĭn jêh ri gĭt rbăng, Brah nau tâm nchră jêh ri nau brah, Brah nau gĭt rbăng jêh ri klach yơk ma Brah Yêhôva.

Êsai 29:10

Yorlah Brah Yêhôva hŏ nkhŭt brah bê̆ch hăk ma khân may; Păng hŏ nsêt jêh măt khân may jêng phung nơm mbơh lor, Păng nkŭm jêh bôk khân may, jêng phung geh nau tâm saơ.

Êsai 29:18

Tâm nar nây, phung tê̆k mra tăng Nau ngơi tâm ndrom samƀŭt, Măt phung chieh mra saơ bơh nau ngo klĕng vêt vê Jêh ri dơi saơ.

Êsai 32:3

Rnôk nây, măt phung dơi saơ mâu mra nhêp ôh, Tôr phung dơi gĭt tăng mra rkêng iăt.

Êsai 42:7

Gay pơk măt phung chieh măt, Ngluh phung bu nă bơh ndrung bu krŭng, Phung gŭ tâm nau ngo ngluh bơh ndrung bu krŭng.

Êsai 6:10

Ƀư hom ma phung ƀon lan aơ rluk mâl, Tê̆k trôm tôr, nhêp măt; Klach lah măt khân păng dơi saơ, Tôr khân păng dơi tăng, Nuih n'hâm khân păng dơi gĭt rbăng, Jêh nây khân păng plơ̆ sĭt jêh ri bu ƀư bah!”

Mathay 13:15

Yorlah nuih n'hâm phung aơ jêng brơl; Tôr lĕ rngêl, Măt lĕ nhêp, Klach măt lĕ saơ, Tôr lĕ tăng, Nuih n'hâm lĕ gĭt rbăng, Khân păng plơ̆ tay, Jêh ri Gâp mra ƀư bah an.’

Markôs 10:17

Dôl Brah Yêsu ntơm hăn nsong, geh du huê bunuyh nchuăt ran tât, chon mon panăp Păng jêh ri ôp: “Hơi Nơm Nti ueh, moh nau gâp mra ƀư gay dơn nau rêh n'ho ro?”

Luka 24:45

Nôk nây, Păng pơk nau mĭn ma phung oh mon gay gĭt vât Nau Brah Ndu Ngơi.

Kôranh Oh Mon 16:14

Geh du huê bu ur iăt hên, amoh păng H'Lidi, bơh ƀon Thiatir, vay tăch bok chăng krăk, jêng bunuyh yơk mbah ma Brah Ndu. Kôranh Brah pơk nuih n'hâm H'Lidi ƀư ăn păng rkêng tôr iăt nau Y-Pôl ngơi.

Kôranh Oh Mon 26:18

gay ma pơk an măt khân păng, ăn khân păng du bơh nau ngo hăn tâm nau ang, tă bơh nau dơi ktang Satan plơ̆ sĭt ma Brah Ndu; gay ma nau chroh ma Gâp, khân păng dơn nau yô̆ an nau tih jêh ri dơn kô̆ drăp ndơ ndrel ma phung kloh ueh.’

Samƀŭt Pôl Njuăl Ăn Ma Phung Nsing Ta Ƀon Rôm 11:29

yorlah Brah Ndu mâu rgâl ôh nau Păng ăn jêh ri ma nau Păng kuăl.

Samƀŭt Pôl Njuăl Ăn Ma Phung Nsing Ta Ƀon Rôm 2:4

Mâu lah may uănh dơm dam lĕ ma nau âk rmeh nuih n'hâm ueh, nau srôih jêh ri nau yô̆ Păng? May mâu gĭt hĕ nuih n'hâm ueh Brah Ndu njŭn leo may tâm rmal nau tih may nơm?

II Kôrintô 4:4

Brah tâm rnôk aơ ƀư chieh măt nau mĭn ma phung bunuyh mâu chroh, gay khân păng mâu saơ nau ang Nau Mhe Mhan Ueh chrêk rmah tâm Brah Krist, jêng rup Brah Ndu.

II Kôrintô 4:6

Yorlah Brah Ndu jêng Nơm lah pô aơ: “Ăn nau ang sol bơh nau ngo,” hŏ sol ang jêh tâm nuih n'hâm hên, ăn nau ang gay ma gĭt rbăng nau chrêk rmah Brah Ndu ta muh măt Brah Yêsu Krist.

Galati 5:5

Ƀiălah tă bơh nau chroh jêh ri tă bơh tâm Brah Huêng Ueh, hên gŭ kâp nau kâp gân ma nau kơp sŏng srăng.

Êphêsô 1:11

Tâm Păng đŏng, he dơi săch jêng phung sŏk dơn ndơn drăp hŏ tâm nal jêh tĭng nau Brah Ndu dăp, Nơm ƀư lôch lĕ ntil ndơ tĭng nau Păng ŭch,

Êphêsô 1:7

Yorlah tâm Brah Krist, he geh nau tâm chuai tă bơh mham Păng, geh nau yô̆ an nau tih tĭng nâm nau rmeh ler tâm nau yô̆ Păng,

Êphêsô 2:12

Kah gĭt hom rnôk nây, gŭ ta neh ntu aơ, khân may mâu geh Brah Krist ôh; mâu geh nau dơi jêng phung ƀon lan Israel ôh, jêng bu năch ma nau tâm rnglăp bơh nau ton, mâu geh nau kâp gân, mâu geh Brah Ndu ôh.

Êphêsô 3:16

Gâp mbơh sơm dăn Păng, tĭng nau ndrŏng ma nau chrêk rmah Păng, ăn ma khân may ktang tă bơh Brah Huêng Ueh Păng, gay bunuyh tâm trôm khân may plơ̆ jêng ktang;

Êphêsô 3:8

Nđâp tơlah gâp jêng bunuyh jê̆ lê̆ lơn tâm lĕ rngôch phung kloh ueh, nau yô̆ nây đŏng ăn ma gâp, gay mbơh nkoch ma phung bu năch nau rmeh ler mâu dơi kơp tă bơh Brah Krist,

Êphêsô 4:1

Pôri, jêng du huê bunuyh gŭ ndrung tâm Kôranh Brah, gâp vơh vơl ma khân may gŭ rêh hom du nau rêh tâm di ma nau Brah Ndu kuăl jêh khân may.

Êphêsô 4:4

Geh knŏng du săk jăn, du Brah Huêng Ueh, tâm ban đŏng hŏ kuăl khân may văch ma du nau kâp gân;

Êphêsô 5:8

Kăl e ri khân may jêng nau ngo, ƀiălah aƀaơ tâm Kôranh Brah, khân may jêng nau ang. Chuat hăn hom tâm ban ma phung kon nau ang;

Philip 3:14

ƀiălah gâp ăt ƀư du ntil nau; chuêl lơi lĕ nau pakơi, rduh ran ma lĕ nau panăp, gâp ntrâng nau ŭch nchuăt gay pit sŏk nau nkhôm ma nau Brah Ndu kuăl bơh klơ tâm Brah Yêsu Krist.

Kôlôh 1:12

jêh ri nhhơr nau ngơi lah ueh ma Brah Ndu Mbơ̆, jêng Nơm hŏ ƀư jêh ma khân may găl dơi geh kô̆ drăp ndơn phung kloh ueh tâm nau ang.

Kôlôh 1:23

knŏng ma khân may nau gŭ nâp tay tâm nau chroh, mâu rdja nuih ôh, mâu trơn chalơi bơh nau kâp gân Nau Mhe Mhan Ueh khân may tăng jêh, jêng Nau Mhe Mhan Ueh hŏ mbơh nkoch jêh ma lĕ rngôch bunuyh tâm dâng trôk; jêh ri gâp, Y-Pôl, hŏ jêng bunuyh pah kan ma Nau Mhe Mhan Ueh nây.

Kôlôh 1:27

Yor Brah Ndu ŭch khân may mpơl nau rmeh ler jêh ri nau chrêk rmah nau khlay ndâp nây ta nklang phung bu năch, nây jêng Brah Krist gŭ tâm khân may, jêng nau kâp gân ma nau chrêk rmah.

Kôlôh 1:5

yorlah nau kâp gân prăp jêh ma khân may ta klơ trôk, nau tâm rnôk ntơm saơm khâm may hŏ tăng jêh tâm nau ngơi ngăn, jêng Nau Mhe Mhan Ueh hŏ văch ta khân may.

Kôlôh 2:2

gay ma nuih n'hâm khân păng geh nau n'hao nuih n'hâm, tâm rnglăp tâm nau rŏng, tâm ban đŏng geh âk nau gĭt rbăng rmeh ler jêh ri n'hêl nanê̆ gay gĭt năl nau khlay ndâp Brah Ndu, nâm bu ntĭt Brah Krist;

Kôlôh 3:15

Ăn hom nau đăp mpăn bơh Brah Krist chiă uănh tâm nuih n'hâm khân may, jêng nau đăp mpăn khân may hŏ dơi kuăl tât tâm du săk jăn, jêh ri mpơl hom nuih n'hâm gĭt lah ueh.

I Têsalônik 2:12

tâm n'hao nuih n'hâm, tâm bonh leng jêh ri vơl dăn khân may gŭ rêh tâm di đah Brah Ndu, jêng Nơm kuăl khân may lăp ƀon bri hađăch jêh ri nau chrêk rmah Păng.

I Têsalônik 5:8

Ƀiălah he jêng kon nôk nar, pôri ăn di keh hom, nsoh ao loih ma nau chroh jêh ri nau rŏng, sŏk nau kâp gân ma nau tâm rklaih ƀư môk tâm lơh.

II Têsalônik 1:11

Yor ri, hên mbơh sơm ma khân may ƀaƀơ, gay ma Brah Ndu he ƀư ma khân may khư ma nau Păng kuăl, jêh ri yor ma nau brah Păng gay ƀư lôch jêh lĕ nau ŭch mĭn ueh jêh ri kan nau chroh khân may;

II Têsalônik 2:16

Dăn Kôranh Brah he, jêng Brah Yêsu Krist nơm jêh ri Brah Ndu, Mbơ̆ he, Nơm rŏng jêh ma he, jêh ri bơh nau yô̆ ăn ma he nau bonh leng n'ho ro jêh ri nau kâp gân ueh,

I Timôthê 6:12

Ăn yor ma nau chroh tâm lơh janh ktang, pit sŏk nau rêh n'ho ro, jêng nau rêh Brah Ndu kuăl jêh may, jêh ri bơh nây may geh nau mbơh nkoch ueh tanăp phung mbơh.

Titus 2:13

dôl gŭ kâp nau kâp gân ueh maak jêh ri nau tâm mpơl ma nau chrêk rmah Brah Ndu dŭt toyh, jêng Nơm Tâm Rklaih he đŏng jêng Brah Yêsu Krist,

Titus 3:7

gay ma he bơh nau Păng yô̆ dơi kơp sŏng srăng, jêng bunuyh dơn nau kâp gân ma nau rêh n'ho ro.

ហេឞ្រើ 10:32

Ƀiălah kah gĭt tay hom ma lĕ nar lor, tơlah jêh geh nau sol ang, khân may sŏk dơn jêh nau tâm lơh toyh đah âk nau hŏt rgănh:

ហេឞ្រើ 6:4

Yorlah phung bunuyh geh jêh nau sol ang du tơ̆, mâp chiăm nau ăn tă bơh trôk, geh du kô̆ ma Brah Huêng Ueh,

I Pêtrôs 1:3

Mât ton ma Brah Ndu, Mbơ̆ Kôranh Brah he jêng Brah Yêsu Krist! Yor nuih n'hâm yô̆ nđach rmeh ler tă bơh Păng, phung he dơi deh mhe tay gay geh nau kâp gân rêh, yor nau dâk rêh tay Brah Yêsu Krist tă bơh nau khĭt,

I Pêtrôs 3:9

Lơi sŏk nau mhĭk mplơ̆ sĭt nau mhĭk mâu lah sŏk nau rak rtăp mplơ̆ sĭt nau rak rtăp; ƀiălah, ăn hom nau ueh uĭn, yorlah nây khân may geh nau kuăl, gay ma khân may dơn nau ueh lăng.

I Pêtrôs 5:10

Jêh ri lah jêh khân may dơn nau rêh ni ƀât lât, Brah Ndu ma lĕ nau yô̆, Nơm kuăl jêh khân may tât nau chrêk rmah n'ho ro tă bơh Păng tâm Yêsu Krist, Păng nơm mra njêng tay, ƀư ktang, ndâk njêng jêh ri ăn nau dăng ktang ma khân may.