Daniel 9:6 - Nau Brah Ndu Ngơi 2023

⁶ Hên mâu gŭ iăt ôh ma phung oh mon May jêng phung nơm mbơh lor, lĕ phung hŏ sŏk amoh May ngơi ma phung hađăch, ma phung kôranh, jêh ri ma phung chô yau hên ndrel ma lĕ rngôch phung ƀon lan tâm n'gor bri.

Daniel 9:6 Iomraidhean Croise

II Phung Hađăch 18:12

Nau aơ tât geh yorlah khân păng mâu tông tĭng ôh nau ngơi Yêhôva Brah Ndu khân păng, ƀiălah ƀư tih ma nau tâm rnglăp Păng. Khân păng mâu ŭch iăt jêh ri mâu đŏng ƀư tĭng lĕ rngôch nau Y-Môis, oh mon Brah Yêhôva, hŏ ntăm jêh.

II Nau Rêh Jêng 33:10

Brah Yêhôva hŏ lah ma Y-Manasê jêh ri phung ƀon lan păng, ƀiălah khân păng mâu meng ôh.

Êsra 9:7

Ntơm rnôk chô yau hên kăl e tât aƀaơ aơ, hên hŏ ƀư tih toyh jêh. Yor nau djơh hên nơm, yor ri phung kon, phung hađăch, phung kôranh ƀư brah hên, lĕ jao jêh hên tâm ti phung hađăch bri bu năch, ma đao tak, bu nhŭp ƀư bu nă, bu pit in drăp ndơ, jêh ri bu gơm mưch kŏ tât ta nar aơ.

Nêhêmi 9:30

Kôranh Brah srôih nuih đah khân păng âk năm. Jêh ri mbơh ăn khân păng njrăng đah Brah Huêng jêh ri phung nơm mbơh lor May. Ƀiălah khân păng mâu rkêng tôr iăt ôh Rĭ dĭng Kôranh Brah jao khân păng tâm ti lĕ ntil mpôl bunuyh rêh gŭ tâm n'gor.

Nêhêmi 9:32

Pôri aƀaơ, hơi Brah Ndu hên, jêng Brah Ndu dŭt toyh, nơm brah, geh nau klach yơk, Djôt prăp nau tâm rnglăp jêh ri nuih n'hâm ueh, Dăn lơi uănh n'gơch nau rêh ni hŏ ăn tât ma hên, Ma phung hađăch, ma phung kôranh chiă uănh, ma phung kôranh ƀư brah, ma phung nơm mbơh lor, ma phung chô yau hên, Jêh ri ma lĕ rngôch phung ƀon lan Kôranh Brah tă bơh rnôk phung hađăch Asiri kŏ tât ta nar aơ.

Nêhêmi 9:34

Phung hađăch, phung kôranh chiă uănh, phung kôranh ƀư brah jêh ri phung chô yau hên Mâu djôt prăp ôh nau vay Kôranh Brah, Mâu lĕ tông tĭng lĕ nau vay ntăm jêh ri lĕ nau mbơh Kôranh Brah lah jêh ma khân păng.

Yêrêmi 26:5

tơlah khân may mâu iăt nau phung oh mon Gâp, jêng phung nơm mbơh lor ngơi Gâp prơh hăn tât ma khân may âk tơ̆, khân may ơm mâu ŭch iăt ôh,

Yêrêmi 29:19

Brah Yêhôva lah: “Nây jêng yor khân păng mâu ŭch iăt ôh nau Gâp nđâp lah Gâp hŏ ƀaƀơ mprơh phung oh mon Gâp, jêng phung nơm mbơh lor, tât ma khân păng.” Brah Yêhôva lah đŏng: “Bi khân may ăt mâu ŭch iăt ôh.”

Yêrêmi 44:16

“Nau may ngơi jêh ma hên tâm amoh Brah Yêhôva, hên mâu mra iăt ôh.

Yêrêmi 7:13

Brah Yêhôva lah: ‘Aƀaơ ri, yorlah khân may hŏ ƀư jêh lĕ nau nây, Gâp vay ngơi ƀaƀơ lah ma khân may ƀiălah khân may mâu iăt ôh; Gâp hŏ kuăl khân may khân may mâu plơ̆ sĭt lah.

Yêrêmi 7:24

Ƀiălah khân păng mâu iăt, mâu srâng iăt; sŏl ko chuat hăn tĭng lĕ nau mĭn êng khân păng nơm, tĭng tâm nau nuih n'hâm djơh mhĭk jêh ri dăng ko păng nơm; khân păng plơ̆ sĭt pakơi mâu hăn ôh rlet panăp.

Daniel 9:10

Hên mâu tông bâr ôh nau Yêhôva Brah Ndu hên, mâu gŭ ôh tâm nau vay May dŏng jêh phung oh mon May jêng phung nơm mbơh lor ntĭm nti ma hên.

Daniel 9:9

Nau yô̆ nđach jêh ri yô̆ an jêng tâm Kôranh Brah da dê jêng Brah Ndu hên, yorlah hên ƀư nau tâm rdâng jêh đah May.

Mathay 23:37

“Hơi Yêrusalem, Yêrusalem! May nkhĭt phung nơm mbơh lor jêh ri klŭp ma lŭ phung bu njuăl ma may! Âk tơ̆ jêh Gâp ŭch tâm rgum phung kon may tâm ban ma iăr me rtŭk kon păng, gay pôn lơi tâm dâng năr păng, ƀiălah khân may mâu ŭch ôh!

Kôranh Oh Mon 13:27

Yorlah phung ƀon lan jêh ri phung kôranh chiă uănh khân păng ta ƀon Yêrusalem, mâu gĭt năl ôh Brah Yêsu, mâu đŏng gĭt rbăng lĕ nau mbơh lor vay rŏ ăp nar saƀat. Ƀiălah, dôl phat dôih Păng, khân păng hŏ ƀư jêh ma nau mbơh lor nây tât di ngăn.