Daniel 9:5 - Nau Brah Ndu Ngơi 2023

⁵ Hên hŏ geh nau tih jêh, ƀư nau tih, gŭ ngao djơh mhĭk, hên tâm rdâng, chalơi đah lĕ nau vay ntăm jêh ri nau vay ƀư bơh May.

Daniel 9:5 Iomraidhean Croise

II Phung Hađăch 18:12

Nau aơ tât geh yorlah khân păng mâu tông tĭng ôh nau ngơi Yêhôva Brah Ndu khân păng, ƀiălah ƀư tih ma nau tâm rnglăp Păng. Khân păng mâu ŭch iăt jêh ri mâu đŏng ƀư tĭng lĕ rngôch nau Y-Môis, oh mon Brah Yêhôva, hŏ ntăm jêh.

II Phung Hađăch 21:15

yorlah ntơm bơh nar phung chô yau khân păng du luh bơh Êjipt tât ma nar aơ, khân păng ƀư jêh nau mhĭk tanăp măt Gâp jêh ri nsônh nau ji nuih Gâp.’”

Êsra 9:6

lah ma Păng: “Hơi Brah Ndu gâp, gâp prêng jêh ri brâp muh măt, mâu janh n'gơr măt uănh May jêng Brah Ndu gâp, yorlah nau djơh mhĭk hên lơ ntop âk lơn rlau bôk hên, jêh ri nau tih phung kon prêh hao tât klơ trôk.

Nau Mprơ Ơm 106:6

Hên jêh ri phung chô yau hên hŏ ƀư tih jêh; Hên ƀư nau kue jêh ri hên ƀư ma nau djơh jêh.

Nau Mprơ Ơm 119:102

Gâp mâu teng bơh lĕ nau vay May ntăm ôh, Yorlah May hŏ sâm nti jêh gâp.

Nau Mprơ Ơm 119:176

Gâp vĭ trong nâm bu biăp hăn nhhơt trong; dăn May joi hom oh mon May, Yorlah gâp mâu chuêl ôh nau vay May ntăm.

Nau Mprơ Ơm 18:21

Yorlah gâp djôt prăp lĕ trong ndô̆ Brah Yêhôva, Mâu ƀư nau mhĭk jêh ri mâu chalơi Brah Ndu gâp.

Êsai 53:6

Lĕ rngôch he tâm ban ma biăp hăn nhhơt, Ăp nơm he teng tĭng trong păng nơm; Brah Yêhôva hŏ ƀư lĕ rngôch nau tih he N'gân klơ Păng da dê.

Êsai 59:13

Hên hŏ tâm rdâng jêh ri dun Brah Yêhôva, Rle ndŭr kơi mâu tĭng ndô̆ ôh Brah Ndu hên. Hên ngơi ma nau tŭn jot jêh ri nau tâm rdâng, Mpơl lĕ nau ngơi mƀruh hên hŏ prăp tâm nuih n'hâm.

Êsai 64:4

Bơh rnôk ơm, bu mâu mâp tăng ôh, Tôr mâu mâp tăng, măt mâu mâp saơ, Rlau ma May, Mâu geh Brah Ndu êng ôh, Nơm hŏ pah kan kơl kơt nĕ ma phung gŭ kâp Păng.

Yêrêmi 14:20

Ơ Brah Yêhôva, hên gĭt saơ jêh nau djơh mhĭk hên, Jêh ri nau tih phung chô yau hên, Yorlah hên hŏ ƀư tih jêh đah May.

Yêrêmi 14:7

“Ơ Brah Yêhôva, nđâp lah nau mhĭk hên ƀư mbơh nau tâm rdâng đah hên, Ăn yor amoh May ƀư yơh! Yorlah âk tơ̆ hên mâu răp jăp đah May; Hên hŏ ƀư tih đah may jêh.

Yêrêmi 3:25

Hên di ma lâng bê̆ch tâm nau bêk prêng, Ntâk klơ hên nau bêk prêng. Yorlah lĕ rngôch hên nđâp ma chô yau hên Hŏ ƀư tih đah Yêhôva Brah Ndu da dê; Ntơm bơh hôm mom ndăm tât aƀaơ, Phung hên mâu ŭch iăt nau Yêhôva Brah Ndu hên.”

Yêrêmi 30:14

Lĕ rngôch phung rŏng ma may hŏ chuêl jêh may, Mâu meng tât ma may: Yorlah Gâp hŏ dong may kŏ sôt nâm bu du huê rlăng dong, Nduyh nkra may nâm bu phung ƀai nduyh nkra, Yorlah nau may tih toyh ngăn, Nau djơh mhĭk may âk ngăn.

Yêrêmi 44:3

Tă bơh nau ƀai khân păng hŏ ƀư tih jêh gay ƀư nsônh nuih Gâp. Khân păng nhhơr ndơ ƀâu kah jêh ri mbah ma phung brah êng, khân păng tâm ban ma phung khân may jêh ri ma phung chô yau khân may mâu mâp gĭt ôh.

Nau Nhĭm Vơl 1:18

“Brah Yêhôva jêng Nơm sŏng srăng, Yorlah gâp hŏ tâm rdâng jêh đah nau păng ntĭnh. Iăt hom, hơi lĕ rngôch phung ƀon lan, Uănh hom ma nau rêh ni gâp! Phung bu klâu ndăm, bu ur druh gâp Lĕ hăn ƀư bu nă jêh.

Nau Nhĭm Vơl 1:20

Ơ Brah Yêhôva, dăn uănh hom! Dôl gâp geh nau rêh ni ngăn; Proch khŭng gâp rung răng; nuih n'hâm gâp uh ah ngăn. Yorlah gâp dăng bôk dŭt n'hâm ngăn! Tâm trong sâng geh tak đao ntâp nkhĭt Tâm ngih vâl geh nau khĭt âk ngăn.

Nau Nhĭm Vơl 3:42

“Hên hŏ ƀư tih jêh ri tâm rdâng jêh, May mâu yô̆ an ôh!

Êsêkiêl 5:6

Ƀiălah păng tâm rdâng đah nau vay ƀư bơh Gâp, ƀư nau ƀai rlau lơn ma lĕ bri dak êng, păng dun nau vay dăp Gâp rlau lơn ma bri dak gŭ jŭm păng yorlah khân păng chalơi nau vay ƀư bơh Gâp jêh ri mâu tĭng nau vay dăp Gâp ôh.

Êsêkiêl 6:9

Phung bunuyh hŏ dơi klaih jêh tâm khân may mra kah gĭt ma Gâp dôl gŭ tâm lĕ bri dak bu leo khân păng hăn tât, jêh ri khân păng gĭt nuih n'hâm Gâp ji ngăn yor nau khân păng văng tĭr hŏ ƀư ma khân păng chalơi Gâp jêh ri măt nau văng tir khân păng rle ma rup brah khân păng nơm. Rnôk nây, khân păng tâm rmot êng khân păng nơm ma lĕ nau mhĭk khân păng hŏ ƀư jêh ri ma lĕ nau kan ƀơ̆ ƀơch khân păng.

Daniel 9:11

Lĕ rngôch phung Israel ƀư tih da dê nau vay May, rle ndŭr kơi, mâu ŭch tông bâr May ôh. Yorlah pônây, lĕ nau rtăp rak jêh ri nau ton nchih tâm nau vay Y-Môis, oh mon Brah Ndu, hŏ nkhŭt jêh ta klơ hên yorlah hên ƀư tih jêh đah May.

Daniel 9:15

Aƀaơ aơ, ơ Kôranh Brah jêng Brah Ndu hên, May sŏk jêh ma ti brah njŭn leo phung ƀon lan May luh bơh n'gor Êjipt, hŏ ƀư lư n'găr jêh amoh May nâm bu nar aơ; bi ma hên ƀư tih jêh, hŏ ƀư jêh nau ƀai.

Daniel 9:9

Nau yô̆ nđach jêh ri yô̆ an jêng tâm Kôranh Brah da dê jêng Brah Ndu hên, yorlah hên ƀư nau tâm rdâng jêh đah May.

Ndrom Samƀŭt bơh Ôsê 1:2

Tơlah Brah Yêhôva ntơm lah ma Y-Ôsê, Brah Yêhôva lah ma păng: “Hăn hom nđăp du huê bu ur văng tĭr jêh ri deh phung kon ma nau văng tĭr, yorlah bri dak aơ ƀư tih nau văng tĭr nôk chalơi Brah Yêhôva.”

Malachi 3:7

Ntơm bơh rnôk chô yau khân may, khân may nkhah du jêh bơh nau vay Gâp dăp, jêh ri mâu djôt prăp. Plơ̆ sĭt hom ma Gâp, pôri mơ Gâp plơ̆ sĭt ndrel ma khân may.” Brah Yêhôva ma phung tahan lah pônây. Ƀiălah khân may lah: “Mâm nau hên ƀư mra plơ̆ sĭt?”

ហេឞ្រើ 3:12

Hơi phung oh nâu, njrăng hom, klach lah geh nơm tâm phung khân may geh nuih n'hâm mhĭk jêh ri mâu chroh kŏ tât chalơi Brah Ndu rêh.