Daniel 9:24 - Nau Brah Ndu Ngơi 2023

²⁴ Geh pơh jât năng pơh tâm nal jêh ma phung ƀon lan may jêh ri ma ƀon kloh ueh may gay ma ăn lôch lơi nau ƀư tih, ngroh lơi nau tih, ntrok chuai nau ƀai jêh ri djôt ăn nau sŏng srăng n'ho ro, gay ma nau tâm saơ jêh ri nau mbơh lor geh tât ngăn, jêh ri tŏ dak ƀâu kah ăn ma Ntŭk Dŭt Kloh Ueh.

Daniel 9:24 Iomraidhean Croise

II Nau Rêh Jêng 29:24

Phung kôranh ƀư brah nkhĭt khân păng jêh ri dâng sŏk mham nsrih klơ nơng gay ƀư brah chuai nau tih ăn ma lĕ rngôch phung Israel, yorlah hađăch ntĭnh kơt aơ nhhơr ndơ ƀư brah gŭch jêh ri ndơ ƀư brah chuai nau tih ma lĕ rngôch phung Israel.

Nau Mprơ Ơm 2:6

Păng lah: “Gâp yơh, Gâp hŏ ndâk Hađăch Gâp hŏ săch Ta klơ Siôn, jêng yôk kloh ueh Gâp.”

Nau Mprơ Ơm 45:7

May rŏng nau sŏng srăng jêh ri tâm rmot nau djơh mhĭk. Yor nây Brah Ndu jêng Brah Ndu may Hŏ tŏ dak ngi nau maak ma may, jêh ri dơm may ta klơ phung hađăch êng,

Êsai 42:4

Păng mâu mra hŏt rgănh, mâu rdja nuih ôh Kŏ tât nôk Păng ndâk jêh nau di ta klơ neh ntu; Lĕ rngôch gôl dak mƀŭt mra kâp gân nau vay Păng.

Êsai 51:6

N'gơr hom măt khân may klơ lĕ ndâr trôk, Jêh ri uănh hom ta neh; Yorlah lĕ ndâr trôk mra lêk yơh nâm bu nhhŭk ŭnh, Neh ntu mra ơm nâm bu mlâm ao, Phung ƀon lan gŭ ta nây mra khĭt tâm ban ma rhuay. Ƀiălah nau Gâp tâm rklaih mra hôm n'ho ro, Nau sŏng srăng Gâp mâu blau lôch ôh.

Êsai 51:8

Yorlah nchiăr mra sa khân păng tâm ban ma sa bok ao, Rhai mra sa khân păng tâm ban ma sa rsau biăp. Ƀiălah nau sŏng Gâp mra gŭ mro mrăng, Nau Gâp tâm rklaih mra hôm e ntơm bơh rnôk aơ tât rnôk ri.”

Êsai 56:1

Brah Yêhôva lah: “Djôt prăp hom nau sŏng Jêh ri ƀư hom nau sŏng srăng, Yorlah nau Gâp tâm rklaih dăch jêh, Nau sŏng srăng Gâp dăch tâm mpơl jêh.

Êsai 61:1

Brah Huêng Ueh Kôranh Brah Yêhôva gŭ ta klơ Gâp, Yorlah Brah Yêhôva tŏ jêh dak ƀâu kah ma Gâp Gay mbơh nkoch nau mhe mhan ueh ma phung o ach. Păng njuăl jêh Gâp văch gay ƀư bah phung geh nuih n'hâm rngot; Gay mbơh nau kon me ma phung bu nă, Jêh ri pơk ngih bu nă ma phung bu krŭng;

Nau Nhĭm Vơl 4:22

Hơi kon bu ur ƀon Siôn, nau tâm rmal ay hŏ lôch jêh, Păng mâu nkân ay ta ntŭk jêng bu nă đŏng ôh! Ƀiălah, hơi kon bu ur Êđôm, Păng mra tâm rmal ay; Mpơl nau mhĭk ay!

Êsêkiêl 28:12

“Hơi kon bunuyh, ƀư hom du nau mprơ rngot ma hađăch Tyre jêh ri ngơi ma hađăch nây pô aơ: Kôranh Brah Yêhôva lah: ‘May jêng du ntil nau rup, Ma nau blau mĭn jêh ri nau ueh rah vah ngăn.

Êsêkiêl 4:5

Yorlah Gâp hŏ nal jêh ma may, mrô nar tâm ban đah mrô năm khân păng ƀư tih, nây jêng pe rhiăng sĭn jât nar. Pônây may mra anh nau tih ma ngih Israel.

Êsêkiêl 4:6

Tơlah lôch jêh nar nây, may mra bê̆ch nkêng rle pa ma jêh ri anh nau tih ăn ma ngih Yuđa tâm puăn jât nar Gâp nal ăn may, du nar jêng du năm.

Kan Lêvi 25:8

‘Ăn khân may kơp pơh pơh năm, nâm bu ntĭt pơh tơ̆ pơh năm yơh; mông nar tâm pơh năm nây mra jêng puăn jât ma sĭn năm.

Kan Lêvi 8:15

Y-Môis nkhĭt păng, jêh nây dŏng nglau ti sŏk mham mhĭng ta lĕ nke jŭm nơng ƀư brah, ƀư kloh nơng ƀư brah, jêh ri nkhŭt mham hôm e tâm dâng jâng nơng ƀư brah. Kơt nĕ, Y-Môis hŏ prăp êng nơng ƀư brah ăn kloh ueh gay ƀư nau rƀŭn chuai nau tih ta nây.

Sakari 4:14

Tông mpăr lah: “Nây jêng bar hê bunuyh hŏ tŏ dak ngi gay ma pah kan ăn ma Kôranh Brah tâm lĕ neh ntu.”

Nau Kơp Bunuyh 14:34

Khân may hăn n'hut uănh ndah âk nar, jêng puăn jât nar, pôri khân may mra anh nau rmal yorlah nau tih khân may nơm dôl puăn jât năm, ăp nar ntrok ma du năm. Dôl nây khân may mra gĭt nau rmal Gâp.

Mathay 1:21

Păng mra deh du huê kon bu klâu; may mra tâm amoh Yêsu, yorlah kon nây mra tâm rklaih phung ƀon lan păng nơm bơh nau tih.”

Mathay 11:13

Yorlah lĕ rngôch phung nơm mbơh lor jêh ri nau vay hŏ lah nau mbơh lor tât ta rnôk Y-Yôhan.

Mathay 4:5

Brah mhĭk njŭn leo Păng tât ta ƀon kloh ueh, n'gân Păng ta klơ chor ngih brah,

Markôs 1:24

nter huy: “Ơ Brah Yêsu bunuyh ƀon Nasaret, moh nau hên geh đah May? May văch gay ƀư rai hên ƀơh? Gâp gĭt jêh mbu May jêng, jêng Nơm Kloh Ueh tă bơh Brah Ndu.”

Luka 1:35

Tông mpăr plơ̆ lah: “Brah Huêng Ueh mra gŭ ta klơ ay, jêh ri nau brah tă bơh Nơm Dŭt Prêh mra nkŭm nkâm ay; yor nây nau jŭr deh kon kloh ueh bu mra kuăl jêng Kon Brah Ndu.

Luka 21:22

Yorlah rnôk nây jêng nar nau tâm plơng nglay săk, gay ma nanê̆ lĕ nau nchih jêh.

Yôhan 1:41

Lor lơn, păng joi nâu păng jêng Y-Simôn jêh ri lah: “Hên hŏ mâp jêh Nơm Mêsi” (nâm bu ntĭt Brah Krist).

Yôhan 3:34

Yorlah Nơm Brah Ndu hŏ njuăl văch jêh mbơh knoch nau ngơi Brah Ndu, yorlah Brah Ndu ăn Brah Huêng Ueh ma Păng mâu geh dŭt.

Kôranh Oh Mon 3:14

Khân may dun jêh Nơm Kloh Ueh jêh ri Nơm Sŏng Srăng, ƀiălah khân may dăn yô̆ an ma khân may du huê nơm vay nkhĭt bunuyh.

Kôranh Oh Mon 3:22

N'hêl nanê̆ ngăn, Y-Môis lah jêh: ‘Kôranh Brah jêng Brah Ndu khân may mra n'hao tâm phung oh nâu khân may du huê Nơm mbơh lor tâm ban ma gâp jêh ri khân may mra iăt tĭng lĕ nau păng ngơi ma khân may.

Kôranh Oh Mon 4:26

Phung hađăch ta neh ntu dâk tâm lơh, Phung kôranh chiă uănh tâm rgum tay, Tâm rdâng đah Kôranh Brah jêh ri đah Nơm dơn nau tŏ dak ƀâu kah ăn Păng.’

Samƀŭt Pôl Njuăl Ăn Ma Phung Nsing Ta Ƀon Rôm 5:10

Yorlah tơlah dôl he jêng bunuyh tâm rdâng đah Brah Ndu, ƀiălah yor ma nau khĭt Kon Păng, he hôm dơi geh tâm rnglăp đah Brah Ndu, pôri rlau lơn ma nar aơ hŏ geh nau tâm rnglăp jêh, he lơ hô dơi tâm rklaih yor nau rêh Kon Păng.

I Kôrintô 1:30

Yor ma Păng khân may gŭ jêh tâm Yêsu Krist, Nơm Brah Ndu hŏ njêng nau blau mĭn, nau sŏng srăng, nau kloh ueh, jêh ri nau tâm chuai ma he;

Philip 3:9

jêh ri dơi gŭ tâm Păng. Dơi nâm nđĕ mâu di tă bơh nau sŏng srăng gâp nsing tâm nau vay, ƀiălah bơh nau chroh tâm Brah Krist, nau sŏng srăng luh bơh Brah Ndu nsing ma nau chroh,

Kôlôh 1:20

Jêh ri ma mham Păng hoch jêh ta si tâm rkăng, Brah Ndu ăn nau đăp mpăn jêh ri tâm njĭr lĕ rngôch mpa ta neh ntu jêh ri tâm trôk ăn tâm rnglăp đah Păng Nơm.

Kôlôh 2:14

Păng chalơi jêh pŏk samƀŭt rnon tâm rdâng he đah lĕ nau vay tâm nchâp đah he. Păng mƀăr lơi ma nau pâng kđĭn păng ta si tâm rkăng.

ហេឞ្រើ 10:14

Yorlah bơh du mpa ƀư brah knŏng nguay, Păng ƀư ma phung bunuyh geh nau kloh ueh jêng dŭt ueh ngăn mro mrăng.

ហេឞ្រើ 2:17

Pôri, Păng jêng tâm ban ma phung oh nâu Păng tâm lĕ rngôch ndơ, gay ma jêng kôranh ƀư brah toyh nuih n'hâm bêng ma nau yô̆ nđach jêh ri răp jăp tâm nau pah kan ma Brah Ndu, gay tâm chuai nau tih ma lĕ rngôch bunuyh.

ហេឞ្រើ 7:26

N'hêl nanê̆ ngăn, Păng jêng kôranh ƀư brah toyh jêng Nơm he ŭch: kloh ueh, mâu geh nau tih, mâu geh nau ƀơ̆, tâm nkhah jêh đah phung tih, geh nau n'hao prêh rlau lơn ma lĕ ndâr trôk.

ហេឞ្រើ 9:26

Yorlah pônây, bơh ntơm rhăk njêng neh ntu kŏ tât nar aơ, Păng dơn jêh nau rêh ni âk tơ̆. Ƀiălah aƀaơ, Păng tâm mpơl jêh knŏng du tơ̆ rĭng jêh tâm nglĕ dŭt tâm lĕ rnôk rô̆ gay nhhơr Păng nơm ƀư mpa ƀư brah sŏk lơi nau tih.

II Pêtrôs 1:1

Y-Simôn Pêtrôs, oh mon jêh ri kôranh oh mon Brah Yêsu Krist, nchih njuăl ma phung tă bơh nau sŏng srăng Brah Ndu he jêh ri tă bơh Nơm Tâm Rklaih jêng Brah Yêsu Krist, sŏk dơn jêh ndrel du nau chroh khlay nâm bu hên.

I Yôhan 3:8

Mbu nơm ƀư tih jêng bunuyh brah mhĭk; yorlah brah mhĭk ƀư tih jêh ntơm bơh saơm. Yor nĕ Kon Brah Ndu tâm mpơl jêh gay ƀư rai kan brah mhĭk.

Nau Tâm Mpơl 14:6

Jêh nây gâp saơ du huê tông mpăr êng mpăr ta nklang trôk, geh Nau Mhe Mhan Ueh n'ho ro gay mbơh ma phung gŭ ta neh ntu, ma lĕ rngôch bri dak, phung ndŭl mpôl, lĕ rngôch nau ngơi, lĕ rngôch phung ƀon lan.

Nau Tâm Mpơl 3:7

“Nchih hom ma phung tông mpăr Phung Ngih Brah Ndu ta ƀon Philađelphi: Aơ jêng nau ngơi tă bơh Nơm Kloh Ueh jêh ri Nanê̆ Ngăn, jêng Nơm geh keh khuă Y-Đavit, jêng Nơm pơk mâu hôm geh bunuyh dơi nchăng, Nơm nchăng mâu hôm geh bunuyh dơi pơk: