Daniel 9:20 - Nau Brah Ndu Ngơi 2023

²⁰ Gâp thoi tay nau nkoch bri jêh ri mbơh sơm, mbơh nau tih gâp tâm ban lĕ nau tih phung ƀon lan Israel gâp jêh ri tâm mpơl tanăp Yêhôva Brah Ndu gâp nau vơh vơl ăn ma yôk kloh ueh Brah Ndu gâp.

Daniel 9:20 Iomraidhean Croise

Êsra 10:1

Tâm nôk Y-Êsra mbơh sơm, nhĭm n'ho mbơh nau tih jêh ri chon mon panăp ngih Brah Ndu, geh du phung ƀon lan Israel, nđâp phung bu ur jêh ri bu klâu jêh ri phung kon se jê̆ tâm rƀŭn du ntŭk gŭ jŭm păng, tâm ban đŏng nhĭm rngot da dê.

Nêhêmi 1:6

Dăn măt Kôranh Brah treng uănh jêh ri tôr Kôranh Brah iăt nau gâp mbơh sơm gâp jêng oh mon Kôranh Brah, nau gâp mbơh sơm ăp nar nâm măng yor phung ƀon lan Israel, jêng phung oh mon Kôranh Brah gŭ tanăp măt Kôranh Brah jêh ri mbơh lĕ nau tih hên jêng phung ƀon lan Israel, hŏ ƀư tih jêh đah May. N'hêl nanê̆, gâp jêh ri phung chô yau gâp hŏ ƀư tih.

Nau Mprơ Ơm 145:18

Brah Yêhôva gŭ dăch đah lĕ rngôch phung kuăl mbơh sơm ma Păng, Jêng gŭ dăch phung kuăl mbơh sơm ma Păng ma nau nanê̆ ngăn.

Nau Mprơ Ơm 32:5

Gâp mbơh jêh nau tih ma May, Gâp mâu pôn ôh nau djơh mhĭk gâp; Gâp lah: “Gâp mra mbơh lĕ nau gâp ƀư tih ma Brah Yêhôva, Jêh ri May yô̆ an nau tih gâp.” (Sêla)

Nơm Nti 7:20

N'hêl nanê̆, mâu geh du huê bunuyh sŏng srăng ta klơ neh Ƀư nau ueh ƀaƀơ mâu mâp tih ôh.

Êsai 56:7

Pôri Gâp mra djôt khân păng leo ta yôk kloh ueh Gâp, Jêh ri ăn khân păng răm maak tâm ngih Gâp mbơh sơm. Khân păng nhhơr ndơ ƀư brah gŭch jêh ri mpa ƀư brah ta nơng ƀư brah Gâp Mra dơi dơn; Yorlah ngih Gâp bu mra kuăl jêng ngih mbơh sơm Ma lĕ rngôch mpôl băl bunuyh.

Êsai 58:9

Rnôk nây, khân may kuăl, Brah Yêhôva mra plơ̆ sĭt lah; May kuăl rklaih, Păng mra lah: ‘Aơ ta aơ Gâp!’ Tơlah may mƀăr lơi mâng mbăk bơh khân may, Mâu tâm rlăch jêh ri mâu ngơi nau janh ƀai;

Êsai 6:5

Gâp kuăl huy ro: “Rêh ni ngăn ma gâp! Gâp khĭt roh! Yorlah gâp jêng bunuyh geh mpiăt ƀơ̆ ƀơch ta nklang gŭ rêh ta nklang du phung ƀon lan geh mpiăt ƀơ̆ ƀơch, yorlah măt gâp saơ jêh Hađăch, jêng Brah Yêhôva ma phung tahan!”

Êsai 65:24

Êlor ma khân păng kuăl mbơh sơm, Gâp mra dơn ro; Dôl khân păng hôm ngơi, Gâp tăng jêh.

Daniel 10:12

Păng lah ma gâp: “Ơ Y-Daniel, lơi klach ôh. Ntơm bơh nar nôk lor lơn, may geh nuih n'hâm ŭch gĭt rbăng jêh ri ntrŭnh êng may nơm tanăp Brah Ndu may, pôri Păng tăng lĕ nau may ngơi, jêh ri gâp văch jêh yor nau may ngơi nây.

Daniel 10:2

Rnôk nây gâp, jêng Y-Daniel, gŭ rngot klâng lĕ pe pơh.

Daniel 11:45

Păng mra rdâk ngih bok ngih hađăch păng ta vah vang ta nklang dak mƀŭt jêh ri ta yôk kloh ueh chrêk rmah. Ƀiălah mrô nar nglĕ dŭt păng mra tât mâu geh du huê nơm sâm kơl ôh.”

Daniel 9:16

Ơ Kôranh Brah, tĭng nâm lĕ nau sŏng srăng May, gâp dăn ma May djoh ji nuih jêh ri rlu nau ji nuih đah ƀon Yêrusalem May, nây jêng yôk kloh ueh May, yorlah nau tih hên jêh ri nau mhĭk phung chô yau hên, lĕ rngôch phung gŭ jŭm hên ngơi djơh ma ƀon Yêrusalem jêh ri phung ƀon lan May.

Sakari 8:3

Brah Yêhôva lah: “Gâp mra plơ̆ sĭt đŏng ma Siôn jêh ri gŭ ta nklang ƀon Yêrusalem. Rnôk nây bu ntơ ƀon Yêrusalem jêng ƀon Nanê̆ Ngăn, yôk Brah Yêhôva ma phung tahan bu mra ntơ Yôk Kloh Ueh.”

Kôranh Oh Mon 4:31

Lôch jêh mbơh sơm, ntŭk khân păng tâm rƀŭn mpât n'gơ, lĕ rngôch khân păng bêng ma Brah Huêng Ueh da dê, mbơh nau Brah Ndu ngơi ma nau nănh.

Samƀŭt Pôl Njuăl Ăn Ma Phung Nsing Ta Ƀon Rôm 3:23

yorlah lĕ rngôch bunuyh ƀư tih da dê jêh, kƀah nau chrêk rmah Brah Ndu;

Yakơ 3:2

Lĕ rngôch he tih da dê tâm âk ntil nau. Mbu nơm mâu tih ôh tâm nau ngơi, păng jêng bunuyh rĭng jêh, mra dơi chiă uănh lĕ săk jăn păng nơm.

Nau Tâm Mpơl 21:10

Brah Huêng Ueh ntrŭt ntrôl gâp jêh ri tông mpăr njŭn leo gâp tât ta yôk toyh dŭt prêh, jêh ri ntĭm ma gâp saơ ƀon kloh ueh jêng ƀon Yêrusalem jŭr tă bơh ntŭk Brah Ndu klơ trôk,

Nau Tâm Mpơl 21:2

Gâp saơ đŏng ƀon kloh ueh, jêng Yêrusalem mhe, jŭr tă bơh ntŭk Brah Ndu ta klơ trôk, ndrăp nkra jêh nâm bu du huê bu ur mhe nkrơ̆ gŭ kâp sai păng nơm.