Daniel 9:18 - Nau Brah Ndu Ngơi 2023

¹⁸ Ơ Brah Ndu gâp, rkêng tôr iăt hom, ăn lin măt uănh ma nau hên jêng rngot njăp jêh ri ƀon toyh bu kuăl ma amoh May! Hên mâu vơl dăn ma May nsing yor nau sŏng srăng hên nơm, ƀiălah yor nau yô̆ May mâu blau lôch.

Daniel 9:18 Iomraidhean Croise

I Phung Hađăch 8:29

Dăn măt Kôranh Brah nar jêh ri măng uănh treng ngih aơ, jêng ntŭk Kôranh Brah hŏ lah pô aơ: ‘Amoh Gâp gŭ ta nây,’ gay tăng nau mbơh sơm oh mon May rle mpeh ntŭk aơ.

II Phung Hađăch 19:16

Ơ Brah Yêhôva, dăn ma may rkêng hom tôr jêh ri iăt! Ơ Brah Yêhôva, dăn ma may lin hom măt jêh ri uănh treng! Iăt hom lĕ nau ngơi Y-Sênakêrip njuăl tât gay mưch rmot ma Brah Ndu gŭ rêh mro mrăng.

Nau Mprơ Ơm 116:1

Gâp rŏng ma Brah Yêhôva Yorlah Păng iăt bâr gâp jêh ri nau gâp vơh vơl.

Nau Mprơ Ơm 25:6

Ơ Brah Yêhôva, ăn kah gĭt nau yô̆ nđach jêh ri nuih n'hâm ueh May. Yorlah bar ntil nau nây geh bơh kăl e.

Nau Ngluh Êjipt 3:7

Brah Yêhôva lah: “Gâp hŏ saơ nanê̆ ngăn nau rêh ni phung ƀon lan Gâp tâm n'gor Êjipt jêh ri gâp hŏ tăng jêh nau khân păng lŭng nter yor phung kôranh uănh kan khân păng. Di ngăn, Gâp gĭt jêh nau nđêh nji khân păng.

Êsai 37:17

Ơ Brah Yêhôva, rkêng hom tôr jêh ri iăt! Ơ Brah Yêhôva, lin hom măt jêh ri uănh treng! Iăt hom lĕ rngôch nau ngơi Y-Sênakêrip njuăl tât gay mưch rmot ma Brah Ndu gŭ rêh mro mrăng.

Êsai 43:7

Jêng lĕ rngôch mbu nơm bu kuăl ma amoh Gâp, Gâp hŏ rhăk njêng jêh khân may yor nau chrêk rmah Gâp, Gâp hŏ njêng jêh jêh ri hŏ ƀư jêng khân may.”

Êsai 64:12

Ơ Brah Yêhôva, lĕ kơt aơ nau tât, Mâm nuih n'hâm May hôm dun? Mâm May hôm gŭ rklăk Gay ƀư rêh ni hên rlau keh?

Êsai 64:6

Lĕ rngôch hên jêng jêh tâm ban ma ndơ ƀơ̆ ƀơch, Lĕ kan sŏng srăng hên jêng tâm ban ma bok ao ƀơ̆ jêh; Lĕ rngôch phung hên nhop kro tâm ban ma n'ha si, Jêh ri nau kue hên khôm rdu hên tâm ban ma sial.

Yêrêmi 14:7

“Ơ Brah Yêhôva, nđâp lah nau mhĭk hên ƀư mbơh nau tâm rdâng đah hên, Ăn yor amoh May ƀư yơh! Yorlah âk tơ̆ hên mâu răp jăp đah May; Hên hŏ ƀư tih đah may jêh.

Yêrêmi 14:9

Mâm ƀư May nâm bu bunuyh phit phơr, Nâm bu du huê dăng ktang mâu dơi yơr ti tâm rklaih bu ôh? Ƀiălah, ơ Kôranh Brah, May hôm e gŭ ta nklang hên, Hên dơi ntơ ma amoh May, Lơi ta chalơi hên ôh!”

Yêrêmi 15:16

Mâp geh nau May ngơi, gâp hŏ sa rvăn jêh; Nau May ngơi jêng nau răm maak, hâk maak ma nuih n'hâm gâp; Yorlah gâp dơi ntơ ma amoh May, Ơ Yêhôva Brah Yêhôva ma phung tahan.

Yêrêmi 25:29

Yorlah aơ, ƀon ri jêng ƀon bu ntơ ma amoh Gâp ƀiălah Gâp ntơm ăn tât nau mhĭk, pônây khân may mra klaih ma nau tâm rmal lĕ? Mâu! Khân may mâu mra klaih ôh ma nau tâm rmal, yorlah Gâp kuăl đao tât ma lĕ rngôch phung gŭ ta neh ntu,’” Brah Yêhôva ma phung tahan lah pônây:

Yêrêmi 36:7

Klăp lah khân păng mra plơ̆ tay vơh vơl ma Brah Yêhôva jêh ri chalơi trong mhĭk păng, yorlah nau nuih jêh ri hao nuih Brah Yêhôva hŏ mbơh jêh tâm rdâng đah ƀon lan aơ jêng krit toyh ngăn.”

Yêrêmi 37:20

Rnôk aơ, Ơ hađăch jêng kôranh gâp dăn maak nuih n'hâm rkêng tôr iăt jêh ri sŏk dơn nau gâp vơl dăn. Lơi ta mplơ̆ sĭt tay gâp ma ngih kôranh nchih samƀŭt Y-Jônathan, klach lah gâp mra khĭt ta nây.”

Êsêkiêl 36:22

Yor nây, lah hom ma ngih Israel pô aơ: ‘Kôranh Brah Yêhôva lah: Hơi ngih Israel, mâu di yor ma khân may dĭng Gâp ƀư nau nây, ƀiălah yor amoh kloh ueh Gâp khân may hŏ ƀư mhĭk jêh tâm nklang lĕ phung ƀon lan jêng ntŭk khân may hŏ tât.

Êsêkiêl 36:32

Kôranh Brah Yêhôva lah: ‘Mâu di yor khân may dĭng Gâp ƀư nâm pônây, ăn khân may gĭt nau nây. Hơi ngih Israel, ăn khân may saơ nau bêk prêng jêh ri đit ngăn yor trong khân may nơm!’

Daniel 9:7

Ơ Kôranh Brah, nau sŏng srăng jêng ndơ May bi ma nau bêk jêng ma hên, nâm bu nar aơ, jêng ma phung Yuđa, phung gŭ tâm ƀon Yêrusalem, lĕ rngôch phung Israel, phung gŭ dăch tâm ban lĕ nâm bu phung gŭ ngai, tâm lĕ rngôch bri dak May nsot jêh khân păng văch yor nau djơh mhĭk khân păng hŏ ƀư jêh đah May.

Nau Kơp Bunuyh 6:27

Ăn khân păng dơm amoh Gâp ta klơ phung ƀon lan Israel, tâm ban pônây Gâp mra ăn nau ueh uĭn ma Phung ƀon lan aơ.”

I Kôrintô 1:2

nchih njuăl ma Phung Ngih Brah Ndu ta ƀon Kôrintô jêh ri ma phung geh nau kloh ueh jêh tâm Brah Yêsu Krist, dơi rnha jêng phung kloh ueh, nđâp ma lĕ rngôch phung gŭ lam ntŭk dôl mbơh sơm ma amoh Kôranh Brah he jêng Brah Yêsu Krist, Kôranh Brah khân păng jêh ri Kôranh Brah he.