Daniel 9:16 - Nau Brah Ndu Ngơi 2023

¹⁶ Ơ Kôranh Brah, tĭng nâm lĕ nau sŏng srăng May, gâp dăn ma May djoh ji nuih jêh ri rlu nau ji nuih đah ƀon Yêrusalem May, nây jêng yôk kloh ueh May, yorlah nau tih hên jêh ri nau mhĭk phung chô yau hên, lĕ rngôch phung gŭ jŭm hên ngơi djơh ma ƀon Yêrusalem jêh ri phung ƀon lan May.

Daniel 9:16 Iomraidhean Croise

Nêhêmi 9:8

Kôranh Brah saơ nuih n'hâm păng răp jăp tanăp măt Kôranh Brah Jêh ri May hŏ ƀư jêh nau tâm rnglăp đah păng Ton ăn ma noi deh păng tâm n'gor phung ƀon lan Kanaan, phung ƀon lan Hitit, phung ƀon lan Amôrit, phung ƀon lan Pêrisit, phung ƀon lan Jêbusit, jêh ri phung ƀon lan Girgasit. Kôranh Brah hŏ ƀư tât di ngăn jêh nau Kôranh Brah ton, yorlah Kôranh Brah jêng sŏng srăng.

Nau Mprơ Ơm 143:1

Ơ Brah Yêhôva, iăt hom nau gâp mbơh sơm, Rkêng hom tôr iăt nau gâp vơl dăn; Yor nau răp jăp jêh ri nau sŏng srăng May Dăn plơ̆ sǐt lah ma gâp.

Nau Mprơ Ơm 31:1

Ơ Brah Yêhôva, gâp gŭ krap tâm May; Lơi ăn gâp mâp nau bêk prêng ôh; Dăn sŏk nau sŏng srăng May jêh ri tâm rklaih gâp.

Nau Mprơ Ơm 41:13

Mât ton ma Brah Yêhôva Brah Ndu phung Israel, Ntơm bơh rnôk n'ho ro tât rnôk n'ho ro Amen! Amen!

Nau Mprơ Ơm 71:2

Dăn sŏk nau sŏng srăng May tâm chuai gâp jêh ri rklaih gâp; Rkêng tôr May ma gâp, jêh ri tâm rklaih gâp.

Nau Mprơ Ơm 79:4

Hên jêng ndơ bu tâm rmot jêh ma phung chiau meng hên, Ndơ suai rak jêh ri ndơ gơm mưch ma phung gŭ jŭm hên.

Nau Mprơ Ơm 85:4

Ơ Brah Ndu jêng nau tâm rklaih hên, Dăn rdâk njêng hên jêh ri nsrŭng nau ji nuih ta klơ hên.

Nau Mprơ Ơm 89:51

Ơ Brah Yêhôva, nây jêng nau bêk phung rlăng May dŏng jêh Gay ƀư nau bêk ăp nhuat bunuyh May troch jêh dak ngi.

Nau Ngluh Êjipt 20:5

May mâu dơi chon mon ta rup nây mâu lah yơk mbah khân păng; yorlah Gâp jêng Yêhôva Brah Ndu may, jêng Brah Ndu blau ntôn. Đah phung bunuyh tâm rmot Gâp, yor nau tih chô yau Gâp mra tâm rmal ma kon sau khân păng tât rô̆ tal pe, tal puăn.

Êsai 5:25

Yor nây, Brah Yêhôva hŏ ji nuih đah phung ƀon lan Păng. Păng yơr jêh ti tâm rdâng đah khân păng jêh ri dong khân păng, Yôk n'găr mpât da dê. Săk jăn khĭt khân păng jêng tâm ban ma ndŏk ta nklang trong. Nđâp lah kơt nĕ, nau Păng ji nuih ê bah ôh, Ƀiălah ti Păng ăt hôm yơr ƀư ƀaƀơ.

Yêrêmi 24:9

Gâp mra njêng ăn khân păng plơ̆ jêng nau nkrit, du nau mhĭk tât ma lĕ rngôch ƀon bri hađăch ta neh ntu; du nau prêng, du nau bu gơm mưch, du nau ngơi mhĭk, du nau bu rak rtăp tâm lĕ rngôch ntŭk Gâp mprơh khân păng tât.

Yêrêmi 29:18

Gâp mra njuăl ma đao, nau sât ji ngot, jêh ri nau ji tưp tĭng khân păng. Gâp mra njêng khân păng du ntil ndơ nkrit ngăn ma lĕ rngôch ƀon bri hađăch ta neh ntu, du ntil ndơ bu rak rtăp, du ntil nau ntêh rmot, du ntil nau gơm mưch, du ntil nau bêk prêng ta nklang lĕ rngôch mpôl băl bunuyh Gâp hŏ mprơh jêh khân păng.”

Yêrêmi 32:31

Ntơm bơh nar bu dơi ndâk kŏ tât nar aơ, ƀon aơ hŏ ƀư ma Gâp ji nuih jêh ri nuih hâu ngăn. Gâp ŭch mƀăr lơi păng bơh măt Gâp

Yêrêmi 32:32

Yorlah lĕ rngôch nau mhĭk phung kon sau Israel jêh ri phung kon sau Yuđa, khân păng nơm yơh, phung hađăch, phung kôranh, lĕ phung kôranh ƀư brah, lĕ phung nơm mbơh lor khân păng, nđâp ma phung Yuđa jêh ri phung ƀon lan gŭ tâm Yêrusalem gay ƀư nsônh nuih Gâp,

Êsêkiêl 22:4

May jêng tih jêh yor nau may ƀư pling mham, jêh ri jêng ƀơ̆ ƀơch ma yor lĕ rup brah may hŏ ƀư jêh. Pônây may hŏ ƀư ăn lĕ nar may dăch lơn jêh ri lĕ năm may mra tât gơnh lơn. Yor ri, Gâp hŏ ƀư jêh ăn may jêng ndơ prêng ma ntil mpôl bunuyh, ƀư ăn lĕ rngôch bri dak bu gơm mưch.

Êsêkiêl 5:14

Gâp mra njêng may ntŭk rngol jêh ri plơ̆ jêng nau bêk prêng tâm lĕ bri dak văr jŭm may jêh ri tanăp măt phung prot rgăn.

Daniel 11:45

Păng mra rdâk ngih bok ngih hađăch păng ta vah vang ta nklang dak mƀŭt jêh ri ta yôk kloh ueh chrêk rmah. Ƀiălah mrô nar nglĕ dŭt păng mra tât mâu geh du huê nơm sâm kơl ôh.”

Daniel 9:20

Gâp thoi tay nau nkoch bri jêh ri mbơh sơm, mbơh nau tih gâp tâm ban lĕ nau tih phung ƀon lan Israel gâp jêh ri tâm mpơl tanăp Yêhôva Brah Ndu gâp nau vơh vơl ăn ma yôk kloh ueh Brah Ndu gâp.

Yôel 3:17

“Rnôk nây, khân may mra gĭt Gâp jêng Yêhôva Brah Ndu khân may, Nơm gŭ ta Siôn, jêng yôk kloh ueh Gâp. Yêrusalem mra jêng ƀon kloh ueh Jêh ri phung bu năch mâu mra hôm pit in păng đŏng ôh.”

Sakari 8:3

Brah Yêhôva lah: “Gâp mra plơ̆ sĭt đŏng ma Siôn jêh ri gŭ ta nklang ƀon Yêrusalem. Rnôk nây bu ntơ ƀon Yêrusalem jêng ƀon Nanê̆ Ngăn, yôk Brah Yêhôva ma phung tahan bu mra ntơ Yôk Kloh Ueh.”

II Têsalônik 1:6

Tĭng nau sŏng Brah Ndu, nanê̆ Păng mra sŏk nau rêh ni har plơng ma phung ƀư rêh ni ma khân may;

I Yôhan 1:9

Tơlah he mbơh nau tih he nơm, Păng jêng Nơm răp jăp jêh ri sŏng mra yô̆ an nau tih ma he jêh ri ƀư kloh he bơh lĕ rngôch nau kue.

I Samuel 2:7

Brah Yêhôva ƀư ăn o ach, jêh ri ƀư ăn ndrŏng kuăng; Păng ntrŭnh bu, jêh ri Păng n'hao tay bu tâm ban lĕ. Djôt leo bunuyh o ach luh bơh ndruyh neh, Jêh ri pư bunuyh ndĭt trơi hao tă bơh mbŭch ŭnh buh, Dơm ăn khân păng gŭ ndrel ma phung kôranh, Jêh ri ăn ma khân păng dơn ntŭk chrêk rmah;