Daniel 9:13 - Nau Brah Ndu Ngơi 2023

¹³ Lĕ rngôch nau mhĭk aơ ăn tât jêh ta klơ hên di nâm bu nchih jêh tâm nau vay Y-Môis. Nđâp tơlah pônây, hên ăt mâu vơl dăn ôh nau yô̆ bơh Yêhôva Brah Ndu hên gay chalơi nau djơh mhĭk jêh ri rle nuih n'hâm ma nau răp jăp May.

Daniel 9:13 Iomraidhean Croise

II Phung Hađăch 22:16

Brah Yêhôva lah: ‘Gâp mra ăn tât nau mhĭk ma ntŭk aơ jêh ri ma phung ƀon lan păng, di tĭng nâm lĕ rngôch nau ngơi bu hŏ nchih tâm ndrom samƀŭt hađăch Yuđa hŏ răk.

Ndrom Samƀŭt bơh Yôp 36:13

Nuih n'hâm phung mâu chroh rŏng ma nau ji nuih; Lah geh Păng kât se rvăk mâu đŏng nter gay ăn bu kơl an.

Nau Mprơ Ơm 119:18

Dăn may pơk an măt gâp Gay ma gâp dơi saơ ntil khlay tâm nau vay May.

Nau Mprơ Ơm 119:27

Ăn gâp gĭt rbăng trong nau vay ntăm bơh May, Pôri gâp mra gŭ mĭn ma lĕ nau kan khlay May.

Nau Mprơ Ơm 119:73

Mbang ti May rhăk jêh gâp jêh ri mon jêh gâp; Ăn ma gâp nau gĭt rbăng, gay ma gâp dơi nti nau vay May ntăm.

Nau Mprơ Ơm 85:4

Ơ Brah Ndu jêng nau tâm rklaih hên, Dăn rdâk njêng hên jêh ri nsrŭng nau ji nuih ta klơ hên.

Êsai 31:1

Rêh ni ngăn ma phung hăn jŭr ta bri Êjipt ŭch geh nau kơl, Rnơm ma seh ndơ tâm lơh, Rnơm ma ndeh seh âk, Jêh ri rnơm ma phung tahan ncho seh dăng ktang, Ƀiălah mâu uănh ôh ma Nơm Kloh Ueh Israel, Jêh ri mâu joi dăn Brah Yêhôva!

Êsai 42:9

Aơ, lĕ nau ta lor tât ngăn jêh, Aƀaơ aơ Gâp lŏ mbơh tay lĕ nau mhe ma khân may; Gâp ăn khân may gĭt Êlor nau nây tât.”

Êsai 43:22

Ƀiălah ơ Yakôb, may mâu mâp kuăl mbơh Gâp ôh! Ơ phung Israel, may dĭl jêh đah Gâp!

Êsai 64:6

Lĕ rngôch hên jêng jêh tâm ban ma ndơ ƀơ̆ ƀơch, Lĕ kan sŏng srăng hên jêng tâm ban ma bok ao ƀơ̆ jêh; Lĕ rngôch phung hên nhop kro tâm ban ma n'ha si, Jêh ri nau kue hên khôm rdu hên tâm ban ma sial.

Êsai 64:7

Mâu geh nơm kuăl mbơh sơm ma amoh May, Mâu lah nsrôih kuăn May; Yorlah May pôn jêh muh măt bơh hên, Gay ma hên rai lôch tâm nau kue hên.

Êsai 9:13

Yor nây, knŏng tâm du nar, Brah Yêhôva mra koh lơi bơh phung Israel Nđâp bôk jêh ri chiăng, nđâp ma n'gĭng tơm jŏk ndrel ma tơm rpho.

Yêrêmi 2:30

“Gâp hŏ dong jêh phung kon khân may mâu khlay ôh, Khân păng mâu ŭch dơn nau nkra nti, Đao khân may hŏ nkhĭt lĕ phung nơm mbơh lor Nâm bu yau mŭr sa hêk mpa.

Yêrêmi 30:14

Lĕ rngôch phung rŏng ma may hŏ chuêl jêh may, Mâu meng tât ma may: Yorlah Gâp hŏ dong may kŏ sôt nâm bu du huê rlăng dong, Nduyh nkra may nâm bu phung ƀai nduyh nkra, Yorlah nau may tih toyh ngăn, Nau djơh mhĭk may âk ngăn.

Yêrêmi 31:18

Nanê̆, Gâp hŏ tăng jêh nau phung Êphraim vah vơl: May hŏ nduyh nkra jêh gâp, jêh ri bu nduyh nkra gâp Nâm bu du mlâm ndrôk kon ê hŏ bên mâng mbăk. Ăn Kôranh Brah njŭn gâp sĭt, pôri gâp mra geh nau plơ̆ sĭt; Yorlah Kôranh Brah jêng Yêhôva Brah Ndu gâp!

Yêrêmi 44:23

Yorlah khân ay may hŏ su ndơ ƀâu kah jêh ri ƀư tih jêh ma Brah Yêhôva, mâu tông ôh bâr Brah Yêhôva, jêh ri mâu gŭ rêh tĭng nau vay, jêh ri nau vay dăp jêh ri nau Păng nkah nti, yor ri nau mhĭk aơ hŏ tât jêh ma khân ay may nar aơ.”

Yêrêmi 44:27

Aơ, Gâp mra gŭ rngeh gay ƀư nau mhĭk tât ăn ma khân păng mâu di ƀư nau ueh ôh; lĕ rngôch phung bu klâu Yuđa dôl gŭ tâm bri Êjipt mra khĭt da dê ma đao jêh ri nau sât ji ngot kŏ tât khân păng rai lôch lĕ.

Yêrêmi 5:3

Mbah Brah Yêhôva, măt Păng mâu treng uănh nau nanê̆ ngăn hĕ? May dong khân păng, Ƀiălah khân păng mâu saơ rngot klâng, May ƀư rai khân păng, Ƀiălah khân păng mâu dơn nau nduyh nkra. Khân păng ƀư ăn muh măt nơm dăng lơn ma lŭ, Mâu ŭch plơ̆ sĭt.

Nau Nhĭm Vơl 5:21

Ơ Brah Yêhôva, njêng tay hom hên gay ma hên dơi plơ̆ sĭt tay! Dăn ƀư mhe tay nar khay hên nâm bu kăl e!

Êsêkiêl 16:43

Yorlah ay mâu kah gĭt ôh ma rnôk ay druh mom, ƀiălah duh nuih tâm rdâng đah Gâp tâm ăp ntil kan, yor ri, di yơh, Gâp mra ƀư ăn trong ay nkhŭt ta klơ bôk ay nơm,’ Kôranh Brah Yêhôva lah pônây. Mâu di hĕ ay ntop jêh nau tih văng tĭr tâm lĕ rngôch nau Gâp tâm rmot ma ay?

Daniel 9:11

Lĕ rngôch phung Israel ƀư tih da dê nau vay May, rle ndŭr kơi, mâu ŭch tông bâr May ôh. Yorlah pônây, lĕ nau rtăp rak jêh ri nau ton nchih tâm nau vay Y-Môis, oh mon Brah Ndu, hŏ nkhŭt jêh ta klơ hên yorlah hên ƀư tih jêh đah May.

Ndrom Samƀŭt bơh Ôsê 7:10

Nau sưr Israel plơ̆ mbơh ma păng; Nđâp tơlah pônây, khân păng ăt mâu plơ̆ sĭt ôh ndrel ma Yêhôva Brah Ndu khân păng, Jêh ri mâu tĭng joi Păng tâm ban lĕ!

Ndrom Samƀŭt bơh Ôsê 7:14

Khân păng mâu lĕ nuih n'hâm kuăl mbơh sơm ma Gâp, Ƀiălah gŭ nter klơ sưng bê̆ch khân păng; Khân păng rek tor êng khân păng nơm gay dăn ba ƀlê jêh ri ndrănh mhe; Khân păng ƀư rlăng ma Gâp.

Ndrom Samƀŭt bơh Ôsê 7:7

Lĕ rngôch khân păng duh da dê nâm bu năk ŭnh Sa rvăn phung kôranh phat dôih khân păng. Lĕ rngôch phung hađăch khân păng lĕ rlâm tŭp da dê Mâu geh ôh du huê tâm phung khân păng kuăl mbơh sơm ma Gâp.

Luka 24:45

Nôk nây, Păng pơk nau mĭn ma phung oh mon gay gĭt vât Nau Brah Ndu Ngơi.

Yôhan 10:35

Lah nau vay bu kuăl ma phung sŏk dơn Nau Brah Ndu Ngơi jêng brah, jêh ri nau Brah Ndu Ngơi bu mâu dơi chalơi ôh

Yôhan 6:45

Lĕ ndrom samƀŭt mbơh lor geh nchih: ‘Lĕ phung nây Brah Ndu hŏ ntĭm nti da dê.’ Mbu nơm hŏ iăt jêh ri nti ta Mbơ̆ mra văch ma Gâp.

Yôhan 8:32

Khân may mra gĭt nau ngăn, jêh ri nau ngăn mra rklaih ma khân may.”

Êphêsô 4:21

Yorlah khân may tăng jêh ma nau Păng jêh ri khân may nti jêh tâm Păng di nâm nau ngăn tâm Brah Yêsu.

Nau Vay Nkah Tay 29:4

Ƀiălah kŏ tât ta nar aơ Brah Yêhôva ê hŏ ăn ôh ma khân may nuih n'hâm gay gĭt, măt gay saơ mâu lah tôr gay tăng.

Yakơ 1:5

Tơlah mbu nơm tâm phung khân may pưt nau blau mĭn, vơh vơl hom ma Brah Ndu, Păng mra ăn ro, yorlah Brah Ndu jêng Nơm ăn ma lĕ rngôch bunuyh ma nuih n'hâm lŏng, mâu geh nau nduyh ôh.