Daniel 9:12 - Nau Brah Ndu Ngơi 2023

¹² May ƀư ngăn jêh lĕ nau mbơh ma hên jêh ri lĕ phung kôranh phat dôih hŏ phat dôih jêh hên, nkhŭt nau rêh ni toyh ta klơ hên, nkrit toyh kŏ tât lam neh ntu mâu mâp geh ôh nau mhĭk tâm ban nau mhĭk hŏ ăn tât jêh ta klơ ƀon Yêrusalem.

Daniel 9:12 Iomraidhean Croise

I Phung Hađăch 3:9

Pôri, dăn ma Kôranh Brah ăn ma oh mon May nuih n'hâm gĭt mĭn gay phat nkra dôih phung ƀon lan May jêh ri tâm nkhah nau di jêh ri nau mâu di; yorlah mbu nơm dơi phat nkra dôih phung ƀon lan Kôranh Brah âk râk aơ?”

II Phung Hađăch 22:16

Brah Yêhôva lah: ‘Gâp mra ăn tât nau mhĭk ma ntŭk aơ jêh ri ma phung ƀon lan păng, di tĭng nâm lĕ rngôch nau ngơi bu hŏ nchih tâm ndrom samƀŭt hađăch Yuđa hŏ răk.

Ndrom Samƀŭt bơh Yôp 12:17

Păng ƀư ăn phung nchră hăn jâng dơm, Lĕ kôranh phat dôih jêng nkhơng rluk mâl,

Nau Mprơ Ơm 148:11

Phung hađăch neh ntu jêh ri lĕ rngôch phung ƀon lan, Phung kôranh toyh jêh ri phung kôranh phat dôih neh ntu,

Nau Mprơ Ơm 2:10

Pônây yơh ơ phung hađăch, ăn khân may geh nau blau mĭn! Ơ phung kôranh phat dôih neh ntu, iăt hom nau mbơh!

Nau Hôr 8:16

Tă bơh gâp, lĕ phung kôranh chiă uănh jêh ri phung ndrŏng gĭt nau blau chiă uănh, Lĕ rngôch chiă uănh ma nau sŏng srăng da dê.

Êsai 43:28

Yor nây, Gâp mra ƀư bêk phung kôranh tâm ntŭk kloh ueh; Gâp jao Yakôb ma nau ƀư rai, Jêh ri jao Israel ma nau bu suai rak.

Êsai 44:26

Brah Ndu ƀư nanê̆ nau oh mon Păng ngơi, Ăn tât moh nau phung Păng hăn mbơh Lah ma ƀon Yêrusalem pô aơ: ‘Bu mra gŭ tâm păng’ Jêh ri ma lĕ ƀon bri Yuđa pô aơ: ‘Bu mra rdâk tay păng. Gâp mra ndâk tay lĕ ntŭk roh rai păng.’

Yêrêmi 30:7

Rêh ni ngăn! Nar nây klach krit ngăn Mâu mâp geh nar tâm ban ma nar nây; Nây jêng rơh nau rêh ni tât ma phung Yakôb, Ƀiălah păng mra dơi rklaih bơh nar nây.’

Yêrêmi 32:23

Khân păng hŏ lăp jêh ri dơn bri aơ ƀư drăp ndơn, ƀiălah khân păng mâu ŭch tông bâr May ôh, mâu rêh tĭng nau vay May, mâu ƀư tĭng ôh du ntil tâm lĕ rngôch nau May ntĭnh. Yor nây, May ăn tât jêh lĕ nau mhĭk aơ ma khân păng.

Yêrêmi 39:16

“May mâp hom jêh ri lah ma Y-Êbet-Mêlek, bunuyh Êthiôpi, pô aơ: ‘Brah Yêhôva ma phung tahan, Brah Ndu Israel, lah: Aơ, Gâp dăch ƀư jêh nau Gâp lah ma ƀon aơ nây jêng nau mhĭk mâu di ăn nau ueh uĭn ôh. Tât nar nĕ, lĕ nau nây mra jêng nau nanê̆ tanăp măt may.’

Yêrêmi 44:23

Yorlah khân ay may hŏ su ndơ ƀâu kah jêh ri ƀư tih jêh ma Brah Yêhôva, mâu tông ôh bâr Brah Yêhôva, jêh ri mâu gŭ rêh tĭng nau vay, jêh ri nau vay dăp jêh ri nau Păng nkah nti, yor ri nau mhĭk aơ hŏ tât jêh ma khân ay may nar aơ.”

Nau Nhĭm Vơl 1:12

“Hơi lĕ rngôch mbu nơm hăn rgăn ta aơ! khân may mâu meng ôh hĕ? Văch hom jêh ri uănh! Geh đŏng nau rngot dơi rđĭl Đah nau rngot Brah Yêhôva jŭr jêh ta klơ gâp, Păng hŏ tâm rmal jêh gâp Tâm nar Păng ji nuih ngăn hĕ?

Nau Nhĭm Vơl 2:13

Hơi bu ur druh Yêrusalem, Moh ndơ gâp ƀư gay mbơh nkoch ăn ma may? Mbu đah ay tâm rđĭl? Hơi bu ur druh Siôn, Moh ndơ gâp sŏk tâm rđĭl đah may gay ma bonh leng ay? Nau mhĭk may toyh nâm bu dak mƀŭt. Mbu nơm dơi ƀư bah?

Nau Nhĭm Vơl 2:17

Brah Yêhôva ƀư ngăn jêh nau Păng ŭch ƀư, Ƀư nau Păng hŏ lah jêh; Nâm bu nau Păng ntĭnh bơh jŏ kăl e, Păng hŏ n'glưh lơi jêh mâu geh nau yô̆ ôh; Păng ƀư ăn ma phung rlăng may maak yor ma may, N'hao prêh nke phung rlăng may.

Nau Nhĭm Vơl 4:6

Nau tih kon bu ur phung ƀon lan gâp Rlau lơn nau tih Sôdôm Jêng ƀon bu n'glưh ƀât lât dơm, Mâu geh ôh du mpang ti kơl tâm rklaih.

Êsêkiêl 13:6

Khân păng hŏ saơ jêh nau dơm dam jêh ri ƀư nau ƀŭk rƀên mƀruh. Khân păng lah pô aơ: “Brah Yêhôva lah”, ƀiălah Brah Yêhôva mâu mâp prơh khân păng hăn ôh, pôri khân păng ŭch ma Păng ƀư ăn nau khân păng ngơi jêng nau tât ngăn.

Êsêkiêl 5:9

Yorlah lĕ rngôch nau tâm ƀơ̆ bơch may, Gâp mra ƀư ma may nau Gâp ê hŏ mâp ƀư ôh, jêh ri du nar pakơi taơ mâu mra ƀư đŏng ôh.

Daniel 12:1

“Tâm rnôk nây, tông mpăr toyh Mikel, nơm king n'gang ma phung ƀon lan may mra dâk. Jêh ri mra geh du rơh uh ah mâu mâp saơ ôh bơh ntơm ndâk njêng bri dak kŏ tât ta rnôk nây. Ƀiălah rnôk nây lĕ, mbu nơm tâm phung ƀon lan may geh amoh tâm ndrom samƀŭt ri mra dơi geh nau tâm rklaih.

Yôel 2:2

Nây jêng du nar ngo kleng chuê chuăng, Du nar tŭk krăk mbâl ngăn! Yorlah geh du phung mpôl bunuyh âk ngăn jêh ri ktang văch tât Luh nchrat lam jŭm yôk nâm bu ang ơm ôi; Ntơm bơh kăl e nau kơt nây mâu hŏ mâp geh, Jêh ri lĕ rngôch rnôk kăndơ̆ ăt mâu mra geh tâm ban pônây đŏng ôh.

Amôt 3:2

Gâp knŏng gĭt khân may dơm Tâm lĕ rngôch phung băl mpôl bunuyh ta neh ntu; Yor nây, Gâp mra tâm rmal khân may Yor lĕ nau kue khân may.

Sakari 1:6

Ƀiălah, lĕ nau Gâp ngơi jêh ri nau vay Gâp ƀư hŏ ntĭm jêh ma phung oh mon Gâp jêng phung nơm mbơh lor, mâu di bơh lĕ nau nây ban jêh ma phung chô yau khân may? Yor rĭ dĭng khân păng rmal nau tih jêh ri lah: ‘Lĕ rngôch nau Brah Yêhôva ma phung tahan hŏ ton mĭn jêh ma hên tĭng trong jêh ri kan pah bơh hên ƀư, pôri Păng hŏ nkra jêh ma hên di kơt nây.’”

Sakari 1:8

Dôl bri măng, Gâp saơ geh du huê ncho seh chăng, dâk ta nklang lĕ tơm si mirtơ ta du ntŭk tâm rlŭng. Mpeh pakơi păng geh phung seh chăng, seh guh, seh nglang.

Sakari 7:12

Khân păng ƀư ăn nuih n'hâm jêng dăng nâm bu lŭ diamôn, gay mâu tăng nau vay jêh ri lĕ nau ngơi Brah Yêhôva ma phung tahan hŏ njuăl jêh ma Huêng Brah Păng ăn ma phung nơm mbơh lor kăl e ri. Yor nây Brah Yêhôva ma phung tahan geh nau ji nuih toyh ngăn.

Mathay 24:21

yorlah nôk nây mra geh nau rêh ni toyh ngăn, kŏ tât ntơm bơh rnôk rhăk trôk neh ntu n'ho tât ma aƀaơ aơ, mâu prot geh, jêh ri pakơi taơ mâu đŏng geh tâm ban pônây.

Mathay 5:18

Yorlah nanê̆, Gâp lah ma khân ay may, êlor trôk jêh ri neh ntu ê hŏ rlau, mâu mra roh du ntil mâu lah du rplay samƀŭt dŭt jê̆ tâm nau vay ôh, kŏ tât lĕ rngôch nau nây mra dơi lôch jêh.

Markôs 13:19

Yorlah tâm lĕ nar nây mra geh nau rêh ni ntơm bơh rnôk rhăk trôk neh ntu, rnôk Brah Ndu rhăk njêng trôk neh ntu n'ho tât ma aƀaơ aơ, mâu prot geh, jêh ri pakơi taơ mâu đŏng geh tâm ban pônây.

Luka 21:22

Yorlah rnôk nây jêng nar nau tâm plơng nglay săk, gay ma nanê̆ lĕ nau nchih jêh.

Samƀŭt Pôl Njuăl Ăn Ma Phung Nsing Ta Ƀon Rôm 15:8

Gâp lah, Brah Krist jêng nau ngăn Brah Ndu, ƀiălah plơ̆ jêng oh mon ma phung bunuyh koh ntâu, gay ƀư n'hêl nanê̆ lĕ nau ton ăn jêh ma phung chô yau,