Daniel 8:8 - Nau Brah Ndu Ngơi 2023

⁸ Be nkuăng plơ̆ jêng dŭt toyh ngăn. Ƀiălah nôk păng jêng ktang pôri nke toyh nây pă, jêh ri ta ntŭk nke deh nây geh puăn mlâm nke rô̆ luh tĭng mpeh sail puăn njônh trôk.

Daniel 8:8 Iomraidhean Croise

II Nau Rêh Jêng 26:16

Ƀiălah tơlah Y-Usia hŏ geh jêng jêh, păng geh nuih n'hâm sưr ƀư ăn ma păng nơm roh rai. Păng ƀư tih đah Yêhôva Brah Ndu păng, yorlah păng hŏ lăp tâm ngih Brah Yêhôva gŭch ndơ ƀâu kah ta Nơng ƀư brah gŭch ndơ ƀâu kah.

Êsther 9:4

Y-Môrdêkai geh nau dơi toyh tâm ngih hađăch, nau lư n'găr păng hăn lam lĕ rngôch n'gor; nau dơi Y-Môrdêkai lơ nar lơ hao toyh.

Yêrêmi 49:36

Gâp mra ƀư sial tă bơh puăn njônh khôm tât ma bri Êlam. Gâp mra ƀư ma khân păng du chah rai pru pra ăp puăn njônh sial nây; mâu geh bri dak mâu geh phung bu mprơh tă bơh ma Êlam.

Yêrêmi 5:27

Ngih vâl khân păng bêng ma nau mƀruh nchơt, Nâm bu ndrung bêng sĭm; Yor ri khân păng jêng ndrŏng geh jêh ri geh nau dơi,

Êsêkiêl 16:7

Gâp hŏ ƀư ăn ma ay ntop âk nâm bu tơm si hon tâm mir. Ay hŏ chăt jêng, văch ma toyh jêh ri jêng druh ueh ngăn. Toh ay bŭt jêh, sŏk ay lĕ jong ƀiălah ay ăt hôm e rhôk.

Êsêkiêl 28:9

Tanăp phung nkhĭt may, May dơi janh lah pô aơ lĕ “gâp jêng brah”? Dôl may gŭ tâm ti phung ƀư rmanh may Pôri may jêng bunuyh đŏng mâu di hĕ jêng brah.

Daniel 11:4

Ƀiălah tơlah hađăch nây hŏ nâp jêh pôri ƀon bri hađăch păng mra nchah rai jêh ri tâm pă mpeh puăn njônh sial tâm trôk, ƀiălah mâu dơi nkoch tay ma phung kon sau păng ôh, mâu lĕ di dŏng nau dơi ntơm saơm gay ma chiă uănh đŏng ôh. Ƀon bri hađăch păng mra rôk lĕ jêh ri ăn ma phung êng mâu di noi deh păng ôh.

Daniel 4:31

Nau hađăch ngơi ê hŏ dŭt tă bơh trôm mbung pônây geh bâr ngơi bơh trôk lah: “Hơi Y-Nêbukatnetsar, aơ jêng nau mbơh ăn ma may gĭt: Ƀon bri hađăch du jêh tă bơh may.

Daniel 5:20

Ƀiălah tơlah nuih n'hâm jêng sưr, nuih n'hâm dăng ktang, pôri păng ƀư ma nau brơl; yor nây bu n'glưh jêh păng bơh sưng hađăch jêh ri sŏk lơi nau chrêk rmah.

Daniel 7:2

Y-Daniel lah: “Dôl măng, tâm nau tâm saơ, gâp saơ sial lam puăn njônh trôk ƀư mpât dak mƀŭt.

Daniel 7:6

Jêh ma nây, gâp hôm uănh pôri, geh du mlâm mpô mpa êng tâm ban ma yau brăch, ta ndŭr kơi geh puăn plơp năr sĭm. Mpô mpa geh puăn mlâm bôk jêh ri dơi ăn nau chiă uănh.

Daniel 8:22

Bi nke deh jêh ri puăn mlâm nke êng hon ntrok ta ntŭk nây, nây jêng puăn ƀon bri hađăch luh tă bơh bri dak nây ƀiălah mâu geh nau ktang kơt bri dak nây ôh.

Daniel 8:5

Dôl gâp nchrâng mĭn uănh pôri, du mlâm be nkuăng văch tă bơh mpeh nhâp nar, hăn rgăn lam neh ntu jâng mâu nđĭl ta neh ôh. Be nkuăng nây geh du mlâm nke toyh rô̆ ta vah vang bar măt.

Daniel 8:7

Gâp saơ păng hăn dăch biăp nkuăng jêh ri ji nuih ngăn gĕ biăp nkuăng ƀư deh lơi bar mlâm nke. Biăp nkuăng mâu hôm dơi geh nau ktang tâm rdâng ôh; be ƀư prah păng ta neh jêh ri jot ta klơ, jêh ri mâu geh bunuyh dơi tâm rklaih biăp nkuăng bơh păng ôh.

Mathay 24:31

Păng mra njuăl phung tông mpăr Păng uh nŭng nteh ktang tâm rgum phung Păng hŏ săch jêh lam puăn njônh, ntơm bơh jâng trôk aơ tât ta jâng trôk ri.

Markôs 13:27

Păng mra njuăl phung tông mpăr tâm rgum phung Păng hŏ săch jêh lam puăn njônh, ntơm bơh bôl trôk tât ma bôl dŭt neh.

Nau Vay Nkah Tay 31:20

Yorlah Gâp mra njŭn phung ƀon lan aơ lăp tâm n'gor Gâp hŏ ton ăn jêh ma phung chô yau khân păng, jêng n'gor bêng ma dak toh jêh ri dak sŭt; ƀiălah tơlah khân păng sa kŏ tât hơm bêng jêh ri lay dăng khân păng mra nchuăt tĭng phung brah êng jêh ri pah kan ma khân păng, mưch ma Gâp jêh ri rlau nau tâm rnglăp đah Gâp.

Nau Tâm Mpơl 7:1

Jêh nau nĕ, gâp saơ puăn nuyh tông mpăr dâk ta puăn njônh neh ntu, khân păng nkân lơi puăn chiông sial gay mâu geh sial khôm ta klơ neh ntu, ta klơ dak mƀŭt mâu lah klơ ăp tơm si.