Daniel 8:4 - Nau Brah Ndu Ngơi 2023

⁴ Rnôk nây, Gâp saơ biăp nkuăng sŏk nke gĕ mpeh nhâp nar, mpeh pa lơ jêh ri mpeh pa dâng. Mâu geh du mlâm mpô mpa dơi tâm rdâng đah păng ôh jêh ri mâu dơi geh ndơ klaih bơh ti păng ôh. Păng ƀư tĭng nâm păng ŭch jêh ri ƀrư̆ nar văch ma toyh ktang.

Daniel 8:4 Iomraidhean Croise

I Phung Hađăch 22:11

Y-Sêdêkia, kon Y-Kênana, hŏ ƀư du kôp nke ma loih, jêh ri lah: “Brah Yêhôva lah: ‘Ma lĕ nke aơ, may mra tâm lơh đah phung Aram kŏ tât ƀư rai khân păng.’”

Ndrom Samƀŭt bơh Yôp 10:7

Nđâp lah May lĕ gĭt gâp mâu ƀư tih, Jêh ri mâu geh ôh bunuyh dơi klaih bơh ti May?

Nau Mprơ Ơm 44:5

Yor May, hên mra ăn phung rlăng rŭch plơ̆; Ma amoh May, hên jot sôt phung rlăng.

Nau Mprơ Ơm 50:22

Hơi phung chuêl Brah Ndu, sek uănh hom! Tơlah mâu, Gâp hêk hăch may jêh ri mâu geh nơm dơi rklaih.

Nau Mprơ Ơm 7:2

Klach lah khân păng hêk gâp nâm bu yau mŭr hêk mpa sa, Jêh ri ƀư săk jăn gâp jêng gâl rngơl ƀiălah mâu geh ôh nơm dơi rklaih an.

Êsêkiêl 34:21

Yorlah khân may mbeng ma pŭng vĕ jêh ri ntrôl ma săng nglik, gĕ ma nke lĕ rngôch biăp lĕ hươi kŏ tât nôk khân may ƀư nchah rai nhhơt khân păng luh padih.

Daniel 11:16

Hađăch mpeh pa lơ mra hăn tâm lơh ƀư tĭng nâm păng nơm ŭch, jêh ri mâu geh nơm dơi tâm rdâng đah hađăch nây. Păng mra gŭ tâm bri chrêk rmah, djôt nau dơi ƀư nkhĭt tâm ti.

Daniel 11:36

Hađăch mpeh pa lơ mra ƀư tĭng nâm păng ŭch, păng mra n'hao êng păng nơm, yơk păng nơm ta klơ lơn ma lĕ rngôch brah. Păng mra ngơi nau sưr tâm rdâng đah Brah Ndu ma lĕ rngôch brah. Păng mra dơi kŏ tât lôch nau ji nuih, yorlah moh nau Brah Ndu lĕ nal pôri mra dơi ƀư ngăn.

Daniel 5:19

Yorlah Brah Ndu ăn nau dơi chiă uănh jêng toyh Kôranh Brah ăn jêh mbơ̆ may ma lĕ rngôch phung ƀon lan, bri dak, lĕ rngôch nau ngơi klach râm sâr da dê tanăp hađăch nây. Păng ŭch nkhĭt lơi mbu nơm păng ŭch jêh ri păng om gŭ rêh mbu nơm păng ŭch, păng ŭch n'hao mâu lah n'glưh mbu nơm păng ŭch.

Daniel 5:30

Măng nây ro, bu nkhĭt Belsasar, hađăch phung Kaldê.

Daniel 7:5

Aơ geh du mlâm mpô mpa êng mpơl, mpô mpa rơh bar, tâm ban ma kau, păng gŭ nkêng mpeh du đah, trôm mbung păng glŏm pe gâl nting rpaih ta nklang neng păng. Bu lah ma păng: ‘Dâk hom, sa âk puăch.’

Daniel 8:7

Gâp saơ păng hăn dăch biăp nkuăng jêh ri ji nuih ngăn gĕ biăp nkuăng ƀư deh lơi bar mlâm nke. Biăp nkuăng mâu hôm dơi geh nau ktang tâm rdâng ôh; be ƀư prah păng ta neh jêh ri jot ta klơ, jêh ri mâu geh bunuyh dơi tâm rklaih biăp nkuăng bơh păng ôh.

Mika 5:8

Ti Kôranh Brah yơr ƀư ma phung rlăng păng, Jêh ri phung rlăng Păng mra rai yot!

Nau Vay Nkah Tay 33:17

Păng geh nau rnam tâm ban ma ndrôk nkuăng păng deh dak bôk, Ma bar đah nke dăng ktang ndrôk bri! Păng dŏng nke nây dong cha lôt lĕ rngôch ntil mpôl bunuyh, Kŏ tât ta phung ƀon lan gŭ dŭt bôl neh ntu; Nây jêng âk rmưn tahan Êphraim, Âk rbăn nuyh Manasê.”