Daniel 8:3 - Nau Brah Ndu Ngơi 2023

³ Gâp n'gơr măt uănh jêh ri saơ du mlâm biăp nkuăng geh bar mlâm nke gŭ ta meng kơh dak krong. Lĕ bar mlâm nke prêh da dê, ƀiălah du mlâm prêh lơn ma du mlâm ri; jêh ri nke prêh lơn hon pakơi lơn.

Daniel 8:3 Iomraidhean Croise

I Nau Rêh Jêng 21:16

Y-Đavit n'gơr uănh, saơ tông mpăr Brah Yêhôva dâk vah vang neh đah trôk, ti păng djôt đao yơr ta klơ Yêrusalem. Y-Đavit jêh ri phung bu ranh dôl nsoh ao ƀau, chon mon tâm neh.

Êsra 1:2

“Y-Sirus, hađăch Persi, lah: ‘Brah Yêhôva, Brah Ndu klơ lĕ ndâr trôk, ăn jêh lĕ rngôch bri dak lam ta neh ntu jêh ma gâp, jêh ri Păng nơm yơh hŏ ntăm jêh ma gâp ndâk ăn Păng du rplay ngih brah ta ƀon Yêrusalem, tâm n'gor Yuđa.

Êsra 4:5

Khân păng nkhôm phung kơl nchră kan tâm rdâng đah phung Yuđa, gay ƀư rai lơi nau khân păng ŭch mĭn ƀư, dôl rnôk chiă uănh Y-Sirus, hađăch Persi, kŏ tât rnôk Y-Darius, hađăch Persi.

Êsther 1:3

Tâm năm rơh pe păng chiă uănh, păng nkra du nau nhêt sông toyh ma lĕ rngôch kôranh chiă uănh păng jêh ri phung oh mon păng. Phung kôranh tahan n'gor bri Persi jêh ri n'gor Mêdơ, phung ndrŏng nđâp ma phung kôranh chiă uănh n'gor gŭ panăp păng da dê.

Êsai 13:17

Aơ, Gâp mra ƀư ma phung Mêdơ tâm rdâng đah khân păng; Phung nây mâu chrê ma prăk, Mâu đŏng ŭch mah.

Êsai 21:2

Geh du nau tâm saơ klach krit hŏ mpơl ma gâp: Nơm mâu gŭ răp jăp dôl ƀư rlăng, Nơm ƀư rai dôl ƀư rai! “Ơ phung Êlam, hăn hao hom! Ơ phung Mêdơ, nchueng jŭm hom! Gâp mra ƀư lôch Lĕ nau păng lŭng nter.”

Êsai 44:28

Păng jêng Nơm hŏ lah pô aơ: ‘Sirus jêng rmăk biăp Gâp, Păng mra ƀư lĕ nau Gâp ŭch;’ Jêng nơm lah ma ƀon Yêrusalem pô aơ: ‘Păng mra ndâk tay,’ Jêh ri ma ngih brah pô aơ: ‘Păng mra n'gân tay mbon.’ ”

Yêrêmi 51:11

Lanh hom hăr ăn mplônh, Kuăn khêl ăn nâp! Brah Yêhôva hŏ nsônh jêh nuih n'hâm phung hađăch bri Mêdơ, yorlah nau Păng ŭch ƀư jêng nau ƀư rai lơi ƀon Babilôn. Aơ jêng nau Brah Yêhôva plơng bôk, Păng plơng bôk ma ngih brah Păng.

Daniel 10:5

Gâp n'gơr măt uănh aơ geh du huê bunuyh nsoh ao mhay, vân rse bŭt ma mah kloh bơh n'gor Uphas.

Daniel 2:39

Ƀiălah pakơi hađăch, mra geh du rplay ƀon bri hađăch êng, jê̆ lơn ma bri hađăch; lôch nây geh đŏng ƀon bri hađăch tal pe, jêng bri hađăch ma kông, mra chiă uănh lam neh ntu.

Daniel 5:31

Y-Darius, bunuyh Mêdơ, chiă uănh ƀon bri hađăch păng, Y-Darius geh prao jât ma bar năm jêh.

Daniel 6:28

Y-Daniel geh nau tâm n'hao dôl rnôk hađăch Darius jêh ri hađăch Sirus, phung Persi.

Daniel 7:5

Aơ geh du mlâm mpô mpa êng mpơl, mpô mpa rơh bar, tâm ban ma kau, păng gŭ nkêng mpeh du đah, trôm mbung păng glŏm pe gâl nting rpaih ta nklang neng păng. Bu lah ma păng: ‘Dâk hom, sa âk puăch.’

Daniel 8:2

Tâm nau tâm saơ, gâp saơ gâp dôl gŭ ta ƀon ngih hađăch Susa, tâm n'gor bri Êlam, jêh ri tâm ban lĕ nau tâm saơ, gâp saơ gâp dôl gŭ êp kêng dak krong Ulai.

Daniel 8:20

Biăp nkuăng may saơ jêh geh bar mlâm nke jêng phung hađăch Mêdơ jêh ri hađăch Persi.

Sakari 1:18

Jêh ma nây, gâp n'gơr măt uănh, jêh ri saơ, geh puăn mlâm nke.

Sakari 2:1

Gâp n'gơr măt uănh, jêh ri aơ, geh du huê bunuyh djôt rse veh tâm ti.

Sakari 5:1

Gâp n'gơr măt uănh jêh ri saơ geh du ndrom samƀŭt ntâu dôl mpăr.

Sakari 5:5

Tông mpăr nơm ngơi đah gâp hăn rlet panăp jêh ri lah: “Aƀaơ ri n'gơr hom măt uănh leo klơ moh ndơ luh du aơ.”

Sakari 5:9

Gâp n'gơr uănh, jêh ri saơ mpơl bar hê bu ur, nting năr khân păng lĭ tâm sial; nting năr khân păng nâm bu nting năr klang kreo. Khân păng chông lơi bĭ vah vang trôk đah neh.

Sakari 6:1

Gâp n'gơr đŏng măt jêh ri uănh saơ, geh puăn mlâm ndeh seh luh tă bơh ta nklang bar mlâm yôk, lĕ yôk nây jêng yôk ma kông.

Nau Kơp Bunuyh 24:2

Y-Balaam n'gơr uănh, păng saơ Israel ndâk ngih bok tĭng nâm ăp ndŭl mpôl, Huêng Brah Brah Ndu văch gŭ ta păng

Yôsuê 5:13

Dôl Y-Yôsuê gŭ dăch Yêrikô, păng n'gơr măt uănh, păng saơ du huê bunuyh djôt đao rnglay dâk tra năp măt păng. Y-Yôsuê hăn văch dăch ma păng jêh ri ôp: “May mpeh ma hên mâu lah mpeh ma phung rlăng hên?”

Nau Tâm Mpơl 13:11

Gâp saơ du mlâm mpô mpa dŭt janh êng văch tă bơh neh. Păng geh bar mlâm nke nâm bu nke Kon Biăp, jêh ri păng ngơi nâm bu bêh nhŭk nhăk.

Nau Tâm Mpơl 5:6

Gâp saơ du mlâm Kon Biăp tâm ban ma bu nkhĭt jêh, dôl dâk ta nklang sưng hađăch, gŭ jŭm geh puăn mlâm mpa rêh jêh ri phung kôranh bu ranh. Kon Biăp geh pơh mlâm nke jêh ri pơh mlâm măt, jêng pơh huêng Brah Ndu njuăl hăn jêh lam neh ntu.