Daniel 8:27 - Nau Brah Ndu Ngơi 2023

²⁷ Rnôk nây, gâp, Y-Daniel, rgănh suan ngăn jêh ri ji kuet tâm âk nar. Jêh nau nây gâp dâk jêh ri pah kan ma hađăch. Gâp hih rhâl ma nau tâm saơ nây jêh ri ăt mâu dơi gĭt rbăng lĕ ôh nau khlay.

Daniel 8:27 Iomraidhean Croise

Daniel 10:16

Aơ, geh du huê nơm săk jăn tâm ban ma lĕ kon bunuyh văch pah mbung gâp. Gâp hă trôm mbung ro jêh ri dơi ngơi. Gâp lah ma nơm gŭ tanăp gâp: “Ơ kôranh, nau tâm saơ ƀư ma gâp ji ngăn jêh ri gâp hŏ huăr ngăn jêh.

Daniel 10:8

Pôri, hôm gâp du huê gŭ êng jêh ri saơ nau tâm saơ toyh nây. Gâp mâu hôm geh nau ktang ôh. Muh măt gâp êr tâm ban bunuyh dăch khĭt. Gâp hŏ huăr ngăn jêh.

Daniel 4:19

Rnôk nây, Y-Daniel, ăt rnha Y-Beltisasar, mâu dơi ngơi tâm ƀât lât. Lĕ nau mĭn ƀư ma păng rŭng răng. Hađăch lah: “Hơi Y-Beltisasar, lơi ăn nau mbơi jêh ri nau rblang ƀư rŭng may ôh.” Y-Beltisasar plơ̆ lah: “Ơ kôranh gâp, ăn nau mbơi aơ tât ma phung tâm rmot ma may, jêh ri nau rblang prăp ma phung rlăng đah may!

Daniel 5:14

Gâp tăng bu lah may geh huêng phung brah gŭ tâm may yor ri may geh nau ang, nau gĭt rbăng jêh ri nau blau mĭn êng lơn.

Daniel 7:28

Nau nkoch bri lôch ta aơ. Bi gâp, Y-Daniel, lĕ nau mĭn ƀư ma gâp rŭng răng ngăn, muh măt rgâl jêng êr; ƀiălah gâp ăt djôt prăp lĕ nau nây tâm nuih n'hâm.”

Daniel 8:17

Nơm nây, văch êp ro ntŭk gâp gŭ dâk. Saơ nơm nây tât, gâp klach ngăn jêh ri păn muh măt ta neh. Ƀiălah nơm nây lah ma gâp: “Hơi kon bunuyh, gĭt rbăng hom nau tâm saơ aơ di ma rnôk nglĕ dŭt.”

Daniel 8:2

Tâm nau tâm saơ, gâp saơ gâp dôl gŭ ta ƀon ngih hađăch Susa, tâm n'gor bri Êlam, jêh ri tâm ban lĕ nau tâm saơ, gâp saơ gâp dôl gŭ êp kêng dak krong Ulai.

Daniel 8:7

Gâp saơ păng hăn dăch biăp nkuăng jêh ri ji nuih ngăn gĕ biăp nkuăng ƀư deh lơi bar mlâm nke. Biăp nkuăng mâu hôm dơi geh nau ktang tâm rdâng ôh; be ƀư prah păng ta neh jêh ri jot ta klơ, jêh ri mâu geh bunuyh dơi tâm rklaih biăp nkuăng bơh păng ôh.

Habakuk 3:16

Tăng lĕ nau aơ, lam săk jăn gâp râm sâr, Toh yoi gâp mprâm ngăn, Nting gâp nâm bu bơi rmuk ôm, Jêh ri jâng gâp chuat ndĭt ndiu. Gâp mra gŭ rklăk gay kâp nar rêh ni, Jêng nar geh phung ƀon lan văch lơh hên.

I Samuel 3:15

Y-Samuel gŭ bê̆ch tât ôi, jêh nây păng pơk lĕ mpông ngih Brah Yêhôva. Y-Samuel klach mâu nănh nkoch tay nau tâm saơ nây ma Y-Êli.