Daniel 8:25 - Nau Brah Ndu Ngơi 2023

²⁵ Tă bơh nau plĕch rlăm, Hađăch nây ƀư dơi jêng lĕ nau nchră ndơm. Hađăch mra geh nuih n'hâm sưr n'hao êng păng nơm, Hađăch ƀư rai ndal âk bunuyh, Jêh ri janh hao tâm rdâng đah Kôranh ma lĕ kôranh. Ƀiălah hađăch nây bu mra ƀư rai Nđâp tơlah mâu yor tă bơh ti kon bunuyh ôh.

Daniel 8:25 Iomraidhean Croise

Ndrom Samƀŭt bơh Yôp 34:20

Tâm ƀât lât, klong măng khân păng khĭt da dê; Phung ƀon lan n'gơ n'găr jêh ri khĭt roh, Phung dăng rai lôch đŏng ƀiălah mâu bơh ti kon bunuyh ôh.

Yêrêmi 48:26

Ăn hom păng nhêt ndrănh kŏ nhŭl, yorlah păng n'hao êng păng nơm ŭch tâm rdâng đah Brah Yêhôva. Ăn hom Môap pung păng nơm tâm ndơ păng hok jrih luh jêh ri ƀư nau gơm mưch ăn ma neh ntu.

Nau Nhĭm Vơl 4:6

Nau tih kon bu ur phung ƀon lan gâp Rlau lơn nau tih Sôdôm Jêng ƀon bu n'glưh ƀât lât dơm, Mâu geh ôh du mpang ti kơl tâm rklaih.

Daniel 11:12

Tơlah tâm lơh dơi jêh đah phung tahan nây, hađăch mpeh pa dâng geh nuih n'hâm sưr. Păng mra nkhĭt âk rbăn, âk rmưn phung rlăng ƀiălah păng mâu dơi ôh.

Daniel 11:45

Păng mra rdâk ngih bok ngih hađăch păng ta vah vang ta nklang dak mƀŭt jêh ri ta yôk kloh ueh chrêk rmah. Ƀiălah mrô nar nglĕ dŭt păng mra tât mâu geh du huê nơm sâm kơl ôh.”

Daniel 7:26

Ƀiălah phung phat dôih mra phat dôih Jêh ri nau dơi chiă uănh păng bu mra sŏk lơi Gay nkhĭt lơi jêh ri ƀư rai n'ho ro nau dơi nây.

Daniel 7:8

Dôl gâp mĭn ma lĕ nke nây, pôri geh du mlâm nke êng, jê̆ lơn, hon ta nklang nke nây; pe mlâm tâm lĕ nke geh lor bu tŏk lŏk lơi lĕ tanăp măt păng. Nke jê̆ aơ geh âk măt tâm ban ma măt bunuyh jêh ri mbung ngơi ma nau sưr.

Daniel 8:11

Păng n'hao păng nơm jêng tâm ban ma Kôranh Chiă Uănh ma phung tahan, mƀăr lơi ndơ ƀư brah gŭch nhhơr ƀaƀơ bơh Păng jêh ri ƀư rai ntŭk kloh ueh Păng.

Daniel 9:25

Pônây ăn may gĭt jêh ri gĭt rbăng ntơm bơh geh nau ntrŭnh njêng tay jêh ri rdâk tay ƀon Yêrusalem kŏ Nơm Dơn Tŏ Dak Ƀâu Kah tât, pôri geh pơh năng pơh jêh ri prao jât ma bar năng pơh. Ƀon nây bu dơi rdâk tay, geh trong jêh ri pôih nâp, dôl rnôk jêr jŏt ngăn.

Kôranh Oh Mon 12:23

Ƀât lât, geh du huê tông mpăr Kôranh Brah dong hađăch Hêrôt yorlah hađăch mâu ăn nau chrêk rmah ma Brah Ndu. Hađăch khĭt yor ma rhai sa.

II Têsalônik 2:3

Lơi ăn bu ndơm mƀruh khân may. Yorlah mƀăr lơi nau chroh mra tât lor, jêh ri kon bunuyh djơh mhĭk, kon nau rai roh, mra tâm mpơl;

II Têsalônik 2:8

Rnôk nây phung djơh mhĭk mra tâm mpơl, jêh ri Kôranh Brah jêng Brah Yêsu mra nkhĭt ăn khĭt păng ma n'hâm bơh trôm mbung Păng, ƀư rai păng ma nau chrêk rmah nôk Păng plơ̆ văch.

Nau Tâm Mpơl 17:14

Khân păng mra tâm lơh đah Kon Biăp jêh ri Kon Biăp mra dơi đah khân păng, yorlah Kon Biăp jêng hađăch ma phung hađăch, Kôranh Brah ma lĕ rngôch kôranh brah; jêh ri phung gŭ ndrel ma Păng, jêng phung bunuyh geh nau kuăl jêh, nau săch jêh, jêh ri gŭ răp jăp, ăt mra dơi.”

Nau Tâm Mpơl 19:16

Ta ao jêh ri ta tơm blu Păng geh nchih du amoh: HAĐĂCH MA PHUNG HAĐĂCH, KÔRANH BRAH MA PHUNG KÔRANH BRAH.