Daniel 8:24 - Nau Brah Ndu Ngơi 2023

²⁴ Nau dơi hađăch nây jêng bĭk rơ̆, ƀiălah mâu di ôh yor nau ktang păng nơm. Hađăch nây mra ƀư lĕ nau rai yot toyh Jêh ri dơi jêng tâm lĕ kan păng ƀư. Hađăch nây ăt ƀư rai phung dăng ktang Ndrel ma phung ƀon lan kloh ueh.

Daniel 8:24 Iomraidhean Croise

Nau Mprơ Ơm 37:35

Gâp mâp saơ phung mhĭk geh nau ktang toyh, Jêng toyh tâm ban ma tơm si jŏ năm ndrêh ueh.

Daniel 11:23

Jêh ƀư nau tâm rnglăp đah lĕ bri dak êng, hađăch nây ƀư ma lĕ nau ndơm mƀruh gay ƀư ktang phung tahan, nđâp lah bri dak jê̆ lê̆.

Daniel 12:7

Gâp tăng bunuyh nsoh bok mhay dâk ta klơ dak krong, yơr ti ma jêh ri ti chiau leo pa trôk, sŏk amoh Nơm gŭ rêh mro mrăng sơm ton pô aơ: “Mra dơi rgăn du gưl, bar gưl jêh ri n'gul gưl, jêh ri nau ktang phung kloh ueh mra dŭt pôri lĕ nau aơ mra lôch ngăn jêh.”

Daniel 7:25

Hađăch aơ mra ngơi djơh ma Nơm Dŭt Prêh, Ƀư huănh hươi phung kloh ueh Nơm Dŭt Prêh. Hađăch ŭch mĭn rgâl rnôk jêh ri nau vay. Phung kloh ueh bu mra jao tâm ti hađăch nây Kŏ tât du gưl, bar gưl jêh ri n'gul gưl.

Daniel 8:10

Păng văch ma toyh tât ma phung tahan tâm trôk, ƀư ăn ma du kô̆ tâm phung tahan jêh ri du kô̆ tâm phung mănh tŭp ta neh ntu, jêh nây jot plên klơ khân păng.

Daniel 8:11

Păng n'hao păng nơm jêng tâm ban ma Kôranh Chiă Uănh ma phung tahan, mƀăr lơi ndơ ƀư brah gŭch nhhơr ƀaƀơ bơh Păng jêh ri ƀư rai ntŭk kloh ueh Păng.

Daniel 8:12

Yor nau ƀai bu jao phung tahan ăn ma păng ndrel ndơ ƀư brah gŭch nhhơr ƀaƀơ. Nke nây klŭp lơi nau ngăn ta neh. Păng dơi jêng tâm lĕ kan păng ƀư.

Daniel 8:23

Ta nglĕ dŭt rnôk khân păng chiă uănh, Tơlah nau ƀai hŏ rlau jêh, Du huê hađăch geh muh măt janh ƀai, âk nau ndơm mƀruh plĕch rlăm ngăn, Mra luh mpơl.

Nau Tâm Mpơl 16:6

Yorlah khân păng ƀư nkhŭt jêh mham phung kloh ueh jêh ri phung nơm mbơh lor, Pôri May ăn jêh ma khân păng nhêt mham. Nĕ mơ tâm di!”

Nau Tâm Mpơl 17:17

Yorlah Brah Ndu ƀư ăn khân păng mĭn ntrâng ƀư nau Păng mĭn tâm du ai nuih n'hâm ndrăng khân păng jao ƀon bri hađăch khân păng nơm ma mpô mpa dŭt janh, ma tât nôk nau ngơi Brah Ndu lĕ tât di ngăn.

Nau Tâm Mpơl 17:6

Gâp saơ bu ur nĕ nhŭl mham phung kloh ueh jêh ri mham phung mbơh nkoch ma Brah Yêsu. Tơlah gâp saơ păng, gâp hih rhâl hâu ngăn.

Nau Tâm Mpơl 19:2

Yorlah lĕ nau Păng phat dôih jêng nanê̆ ngăn jêh ri sŏng. Păng phat dôih jêh bu ur văng tĭr toyh, nơm hŏ sŏk nau păng văng tĭr ƀư djơh tâm neh ntu; jêh ri Brah Ndu plơng bôk jêh yor mham phung oh mon Păng bơh bu ur văng tir nây ƀư nkhŭt jêh.”