Daniel 8:19 - Nau Brah Ndu Ngơi 2023

¹⁹ jêh ri lah: “Aơ, gâp mra ăn may gĭt moh nau mra tât ta nglĕ dŭt nau ji nuih, yorlah nau nây di ma rnôk nglĕ dŭt tâm nal jêh.

Daniel 8:19 Iomraidhean Croise

Nau Mprơ Ơm 102:13

May mra gơnh yô̆ nđach ma ƀon Siôn; Yorlah jêng mông May ăn nau yô̆ ma păng. Jêh ri mông tât jêh.

Daniel 11:27

Bi ma bar hê hađăch nây, tâm nuih n'hâm ŭch mĭn ƀư mhĭk ndrăng khân păng nơm; khân păng gŭ ndrel du mlâm sưng sông sa ƀiălah khân păng tâm ngơi ma nau ndơm. Ƀiălah nau ngơi nây mâu jêng yorlah nau nglĕ dŭt mra tât tâm rnôk tâm nal jêh.

Daniel 12:4

Bi may, hơi Y-Daniel, nchăng hom nau aơ jêh ri tâp pŏng lơi ndrom samƀŭt aơ kŏ tât ta rnôk nglĕ dŭt. Âk bunuyh mra nsong ta aơ ta ri jêh ri nau gĭt rbăng mra hao lơn.”

Daniel 8:23

Ta nglĕ dŭt rnôk khân păng chiă uănh, Tơlah nau ƀai hŏ rlau jêh, Du huê hađăch geh muh măt janh ƀai, âk nau ndơm mƀruh plĕch rlăm ngăn, Mra luh mpơl.

Habakuk 2:3

Yorlah nau tâm saơ hôm e kâp rnôk tât geh nau tâm di; Păng văch gơnh hăn tât ntŭk nglĕ dŭt, mâu mƀruh ôh. Tơlah păng băt tât, ăn gŭ kâp ƀât; N'hêl nanê̆ păng mra tât, mâu mbrĕ mbrơi ôh.

Luka 21:23

Tâm lĕ nar nây, rêh ni ngăn yơh ma bu ur bă ntreo nđâp ma bu ur hôm ăn kon pu toh! Yorlah mra geh nau rêh ni toyh ngăn tâm n'gor nây, jêh ri nau ji nuih ma phung ƀon lan nây.

Nau Tâm Mpơl 1:1

Nau Yêsu Krist tâm mpơl tĭng nâm Brah Ndu ăn ma Păng gay tâm mpơl ma phung oh mon Păng lĕ nau kan bơi tât. Păng njuăl tông mpăr hăn tât gay tâm mpơl ma Y-Yôhan, oh mon Păng,

Nau Tâm Mpơl 10:7

Ƀiălah tât lĕ nar tông mpăr rơh pơh uh nŭng, nau khlay ndâp tă bơh Brah Ndu mra lôch jêh, nâm bu Păng mbơh jêh ma phung oh mon Păng jêng phung nơm mbơh lor.”

Nau Tâm Mpơl 11:18

Phung mpôl băl bunuyh ji nuih hâu ngăn; Ƀiălah nau May ji nuih tât jêh, Jêng mông phat dôih ma phung khĭt, Ăn nau nkhôm ma phung oh mon May, phung nơm mbơh lor, phung kloh ueh, Jêh ri phung klach yơk ma amoh May, Lĕ phung jê̆ nđâp ma phung toyh, Jêh ri ƀư rai phung ƀư rai neh ntu.”

Nau Tâm Mpơl 15:1

Gâp saơ tâm trôk du nau mbên khlay êng ta klơ trôk dŭt toyh jêh ri khlay ngăn: Pơh tông mpăr djôt pơh ntil nau rêh ni nglĕ dŭt, yor ma lĕ ntil nau rêh ni aơ, nau Brah Ndu ji nuih lôch jêh.

Nau Tâm Mpơl 17:17

Yorlah Brah Ndu ƀư ăn khân păng mĭn ntrâng ƀư nau Păng mĭn tâm du ai nuih n'hâm ndrăng khân păng jao ƀon bri hađăch khân păng nơm ma mpô mpa dŭt janh, ma tât nôk nau ngơi Brah Ndu lĕ tât di ngăn.