Daniel 8:15 - Nau Brah Ndu Ngơi 2023

¹⁵ Tơlah gâp, jêng Y-Daniel, saơ jêh nau tâm saơ nây jêh ri dôl tĭng joi ŭch gĭt rbăng jêh ri di nôk aơ đŏng geh nâm bu du huê bunuyh rup bu klâu gŭ tanăp gâp.

Daniel 8:15 Iomraidhean Croise

Êsai 9:6

Nau dơi Păng chiă uănh ăt hao n'ho ro, Jêh ri nau đăp mpăn mâu mra lôch ôh Ta sưng hađăch Y-Đavit jêh ri ma ƀon bri hađăch Păng, Ƀư ăn nâp jêh ri ăn jŏ jong bri nây Tâm nau di jêh ri nau sŏng srăng, Bơh nar nây tât ƀaƀơ n'ho ro. Nau gơih nđơr tâm Brah Yêhôva ma phung tahan Mra ƀư nau nây!

Daniel 10:16

Aơ, geh du huê nơm săk jăn tâm ban ma lĕ kon bunuyh văch pah mbung gâp. Gâp hă trôm mbung ro jêh ri dơi ngơi. Gâp lah ma nơm gŭ tanăp gâp: “Ơ kôranh, nau tâm saơ ƀư ma gâp ji ngăn jêh ri gâp hŏ huăr ngăn jêh.

Daniel 10:18

Rnôk nây, nơm geh săk jăn tâm ban bu klâu pah ta gâp jêh ri ntop nau ktang ăn ma gâp.

Daniel 10:5

Gâp n'gơr măt uănh aơ geh du huê bunuyh nsoh ao mhay, vân rse bŭt ma mah kloh bơh n'gor Uphas.

Daniel 12:8

Gâp tăng ƀiălah gâp mâu gĭt rbăng ôh, yor ri gâp ôp: “Ơ kôranh gâp, mâm mra jêng nau nglĕ dŭt ma nau aơ?”

Daniel 7:13

Tâm lĕ nau tâm saơ dôl măng Gâp saơ geh du huê tâm ban ma kon bunuyh Văch ndrel ma ndâr tŭk bơh trôk. Nơm nây văch dăch Jêh ri bu njŭn tât na năp măt Nơm Gŭ Rêh Bơh Rnôk Kăl E.

Daniel 7:28

Nau nkoch bri lôch ta aơ. Bi gâp, Y-Daniel, lĕ nau mĭn ƀư ma gâp rŭng răng ngăn, muh măt rgâl jêng êr; ƀiălah gâp ăt djôt prăp lĕ nau nây tâm nuih n'hâm.”

Daniel 8:1

Năm rơh pe rnôk hađăch Belsasar chiă uănh geh du nau tâm saơ mpơl tât ma gâp, Y-Daniel. Nau tâm saơ aơ tât pakơi nau tâm saơ gâp saơ jêh lor.

Daniel 8:19

jêh ri lah: “Aơ, gâp mra ăn may gĭt moh nau mra tât ta nglĕ dŭt nau ji nuih, yorlah nau nây di ma rnôk nglĕ dŭt tâm nal jêh.

Sakari 1:9

Gâp ôp tông mpăr dôl ngơi đah gâp: “Hơi kôranh gâp, mbu moh phung ncho seh nây?” Tông mpăr nsĭt lah: “Gâp mra ăn may gĭt moh khân păng jêng.”

Mathay 13:36

Nôk Păng ăn ma phung ƀon lan plơ̆ sĭt, Brah Yêsu lăp tâm ngih. Phung oh mon hăn dăch, lah ma Păng: “Dăn Kôranh rblang ma hên nau hôr ma gơ̆ mhĭk tâm mir lŏ.”

Mathay 24:15

Tơlah khân may saơ nau ƀơ̆ ƀơch ngăn ƀư nau rai ma Ntŭk Kloh Ueh, nâm nau nơm mbơh lor Y-Đaniel hŏ lah (mbu moh rŏ nau aơ gĭt hom),

Mathay 24:30

Nôk nây, nau mbên ma Kon Bunuyh mra tâm mpơl ta klơ trôk, Lĕ rngôch mpôl băl bunuyh ta klơ neh ntu mra nter nhĭm nhhiăng, jêh ri mra saơ Kon Bunuyh văch tâm ndâr tŭk ta klơ trôk ma nau brah toyh jêh ri nau chrêk rmah toyh.

Markôs 13:14

Ƀiălah tơlah khân may saơ nau ƀơ̆ ƀơch ngăn ƀư nau rai ta ntŭk mâu dơi vay ƀư ôh (mbu rŏ mra gĭt vât), pôri mbu dôl gŭ tâm n'gor Yuđa nchuăt du hom klơ yôk;

Markôs 4:12

gay ăn: Uănh ăt uănh, ƀiălah mâu saơ, Tăng ăt tăng, ƀiălah mâu gĭt rbăng ôh; Klach lah khân păng rmal nau tih jêh ri geh nau yô̆ an.”

Yôsuê 5:14

Păng plơ̆ lah: “Mâu gŭ mpeh bu aơ bu ri ôh, ƀiălah aƀaơ gâp văch jêng kôranh chiă uănh ma phung tahan Brah Yêhôva.” Y-Yôsuê păn ro muh măt ta neh, yơk mbah jêh ri ôp: “Moh nau Kôranh Brah ntăm ma oh mon May?”

Nau Tâm Mpơl 1:13

ta nklang lĕ jâng kađen geh du huê tâm ban ma Kon Bunuyh nsoh ao jâr jong, rêt ma rse mah ta ntang ntơh.

Nau Tâm Mpơl 13:18

Tâm nau geh aơ ăn geh nau blau mĭn. Mbu nơm jêng bunuyh gĭt rbăng, kơp hom mrô mpô mpa dŭt janh, yorlah nây jêng mrô rnha du huê bunuyh; mrô nĕ jêng prao rhiăng prao jât ma prao.