Daniel 8:11 - Nau Brah Ndu Ngơi 2023

¹¹ Păng n'hao păng nơm jêng tâm ban ma Kôranh Chiă Uănh ma phung tahan, mƀăr lơi ndơ ƀư brah gŭch nhhơr ƀaƀơ bơh Păng jêh ri ƀư rai ntŭk kloh ueh Păng.

Daniel 8:11 Iomraidhean Croise

Êsai 37:23

Ma mbu nơm may mưch rmot jêh ri ngơi djơh tât? Ma mbu nơm may tâm rdâng ma bâr nter Jêh ri n'gơr măt ma nau sưr? May janh tâm rdâng đah Nơm Kloh Ueh phung Israel hĕ!

Êsai 37:29

Yorlah may ji nuih jêh tâm rdâng đah Gâp, Jêh ri nau ngơi ƀlăch ƀlêr may hŏ hao tât ta tôr Gâp Pôri Gâp nklĕ ndar ta trôm muh may, Dơm kang thao tâm trôm mbung may, Gâp mra ƀư ăn ma may plơ̆ sĭt Tĭng trong may hŏ văch jêh.’

Yêrêmi 48:26

Ăn hom păng nhêt ndrănh kŏ nhŭl, yorlah păng n'hao êng păng nơm ŭch tâm rdâng đah Brah Yêhôva. Ăn hom Môap pung păng nơm tâm ndơ păng hok jrih luh jêh ri ƀư nau gơm mưch ăn ma neh ntu.

Yêrêmi 48:42

Bri Môap mra rai, mâu hôm jêng du mpôl bunuyh đŏng ôh, Yorlah păng hŏ n'hao êng nơm tâm rdâng đah Brah Yêhôva.”

Êsêkiêl 46:14

Ăp ôi, hađăch mra nhhơr biăp kon nây ndrel du kô̆ tâm prao êpha rnih, ndrel ma du kô̆ tâm pe hin dak ngi ôlive gay pot đah rnih. Ndơ ƀư brah rnih môi nhhơr ma Brah Yêhôva ăp nar jêng nau vay ƀư n'ho ro.

Daniel 11:22

Phung tahan bu năch lăp ler nâm bu dak lip mra geh dak bŭk jêh ri nchah rai tanăp hađăch nây, nđâp kôranh ma nau tâm rnglăp tâm ban lĕ.

Daniel 11:31

Phung tahan yor ma hađăch nây njuăl hăn gŭ jêh ri ƀư ƀơ̆ pôih kloh ueh. Khân păng chalơi nhhơr ndơ ƀư brah gŭch ƀaƀơ jêh ri ndâk njêng nau ƀơ̆ ăn jêng rngot njăp.

Daniel 12:11

Ntơm bơh mông bu ăn chalơi nhhơr ndơ ƀư brah gŭch ƀaƀơ jêh ri bu rdâk nau ƀơ̆ ƀơch ƀư ăn jêng rngot njăp, mra geh du rbăn bar rhiăng sĭn jât nar.

Daniel 5:23

Ƀiălah, may n'hao êng may nơm tâm rdâng đah Kôranh Brah tâm trôk, đă bu njŭn kachok khăl bơh ngih Kôranh Brah ăn ma may nhêt ndrănh ma phung kôranh may, phung ur may jêh ri phung ur yông may. Hađăch tâm rnê jêh phung brah ƀư ma prăk, mah, kông, loih, si jêh ri lŭ, phung brah mâu blau saơ mâu gĭt tăng mâu gĭt rbăng ôh, ƀiălah mâu yơk mbah ôh ma Brah Ndu jêng nơm djôt tâm ti Păng n'hâm nsôr jêh ri lĕ rngôch trong may.

Daniel 7:25

Hađăch aơ mra ngơi djơh ma Nơm Dŭt Prêh, Ƀư huănh hươi phung kloh ueh Nơm Dŭt Prêh. Hađăch ŭch mĭn rgâl rnôk jêh ri nau vay. Phung kloh ueh bu mra jao tâm ti hađăch nây Kŏ tât du gưl, bar gưl jêh ri n'gul gưl.

Daniel 8:12

Yor nau ƀai bu jao phung tahan ăn ma păng ndrel ndơ ƀư brah gŭch nhhơr ƀaƀơ. Nke nây klŭp lơi nau ngăn ta neh. Păng dơi jêng tâm lĕ kan păng ƀư.

Daniel 8:24

Nau dơi hađăch nây jêng bĭk rơ̆, ƀiălah mâu di ôh yor nau ktang păng nơm. Hađăch nây mra ƀư lĕ nau rai yot toyh Jêh ri dơi jêng tâm lĕ kan păng ƀư. Hađăch nây ăt ƀư rai phung dăng ktang Ndrel ma phung ƀon lan kloh ueh.

Daniel 8:25

Tă bơh nau plĕch rlăm, Hađăch nây ƀư dơi jêng lĕ nau nchră ndơm. Hađăch mra geh nuih n'hâm sưr n'hao êng păng nơm, Hađăch ƀư rai ndal âk bunuyh, Jêh ri janh hao tâm rdâng đah Kôranh ma lĕ kôranh. Ƀiălah hađăch nây bu mra ƀư rai Nđâp tơlah mâu yor tă bơh ti kon bunuyh ôh.

Daniel 9:25

Pônây ăn may gĭt jêh ri gĭt rbăng ntơm bơh geh nau ntrŭnh njêng tay jêh ri rdâk tay ƀon Yêrusalem kŏ Nơm Dơn Tŏ Dak Ƀâu Kah tât, pôri geh pơh năng pơh jêh ri prao jât ma bar năng pơh. Ƀon nây bu dơi rdâk tay, geh trong jêh ri pôih nâp, dôl rnôk jêr jŏt ngăn.

Nau Kơp Bunuyh 28:3

Pôri may lah hom ma phung ƀon lan Israel pô aơ: ‘Aơ jêng ndơ ƀư brah ăn ŭnh sa khân may mra nhhơr ma Brah Yêhôva: Ăp nar bar mlâm biăp kon nkuăng du năm deh, mâu geh ntŭk mhĭk ôh, jêng ndơ ƀư brah gŭch mro mrăng.

Luka 21:24

Bu mra nkhĭt khân păng ma đao bu njŭn khân păng jêng bu nă tâm lĕ rngôch mpôl băl, jêh ri phung bu năch mra jot ƀon Yêrusalem tâm dâng jâng khân păng, tât rnôk phung bu năch mra ƀư lĕ.

II Têsalônik 2:4

nâm bu ntĭt nơm tâm rdâng, n'hao êng păng nơm ta klơ ma lĕ rngôch nau bu rnha jêng brah mâu lah ma ndơ bu yơk mbah, kŏ tât păng gŭ tâm ngih Brah Ndu, kơp êng păng nơm jêng Brah Ndu.

ហេឞ្រើ 2:10

Yorlah lĕ rngôch ndơ tâm mpơl jêng bơh Brah Ndu jêh ri yor ma Brah Ndu, tơlah Păng ŭch njŭn leo âk kon sau tât ma nau chrêk rmah, Păng ƀư ăn Nơm jêng tơm nau yô̆ tâm rklaih khân păng tâm nau rêh ni gay ma dơn nau ueh rah vah ngăn jêng nau tâm di.

Nau Tâm Mpơl 17:14

Khân păng mra tâm lơh đah Kon Biăp jêh ri Kon Biăp mra dơi đah khân păng, yorlah Kon Biăp jêng hađăch ma phung hađăch, Kôranh Brah ma lĕ rngôch kôranh brah; jêh ri phung gŭ ndrel ma Păng, jêng phung bunuyh geh nau kuăl jêh, nau săch jêh, jêh ri gŭ răp jăp, ăt mra dơi.”