Daniel 7:4 - Nau Brah Ndu Ngơi 2023

⁴ Mpa bri rơh nguay tâm ban ma yau mŭr ƀiălah geh năr klang ƀŭng. Gâp uănh kŏ tât lĕ năr păng bu nkê̆ch pă, bu pư păng bơh neh jêh ri ăn păng dâk râng ma bar mlâm jâng tâm ban ma bunuyh; bu ăn ma păng nau mĭn bunuyh.

Daniel 7:4 Iomraidhean Croise

II Samuel 1:23

Y-Sôl jêh ri Y-Jônathan rŏng ndrăng khân păng âk ngăn, Tâm nau rêh jêh ri tâm nau khĭt, khân păng mâu tâm nkhah ôh: Khân păng prăl lơn klang lêl, Ktang lơn yau mŭr!

Ndrom Samƀŭt bơh Yôp 25:6

N'hơn lah kon bunuyh knŏng tâm ban ndrŭng, Phung kon bunuyh mâu êng đŏng ma du ntil ndrŭng!”

Nau Mprơ Ơm 9:20

Ơ Brah Yêhôva; ƀư ăn khân păng klach krit. Ăn phung ƀon lan gĭt khân păng jêng knŏng bunuyh nglay săk. (Sêla)

Yêrêmi 25:38

Nâm bu yau mŭr luh bơh trôm, Yorlah neh khân păng hŏ jêng nau tâm rmot Tâm dâng mpiăt đao tŭn jot, Jêh ri nau ji nuih hâu ngăn.”

Yêrêmi 4:13

Aơ, păng văch tât nâm bu ndâr tŭk, Ndeh seh păng nâm bu phŭt chuănh đô̆, Seh ndơ tâm lơh păng prăl lơn nâm bu klang ƀŭng. Rêh ni ăn ma hên yorlah phung hên roh rai jêh!

Yêrêmi 4:7

Yau mŭr hŏ luh tă bơh bri krŏng, Nơm ƀư rai lĕ bri dak hŏ hăn jêh, Hŏ du bơh ntŭk păng, Gay ƀư ăn bri dak may jêng rngot njăp; Lĕ rngôch ƀon toyh may rai ƀhiau Mâu hôm du huê bunuyh.

Yêrêmi 48:40

Brah Yêhôva lah: “Aơ, phung rlăng Môap Gâp nter vơl seng nâm bu klang ƀŭng, Lĭ nting năr nkŭm lam bri Môap.

Yêrêmi 49:19

Nâm bu yau mŭr tă bơh lĕ bri krŏng dak krong Yurdan hăn tât ma ndrêch gơ̆ nse ƀaƀơ, Ƀât lât Gâp mra ƀư ăn ma phung Êđôm nchuăt du jêh ri njêng bunuyh Gâp hŏ săch jêh gay chiă uănh păng. Yorlah mbu moh nâm bu Gâp? Mbu nơm mra dơi ntrŭnh ăn ma Gâp? Mbu rmăk biăp nănh tâm rdâng đah Gâp?”

Nau Nhĭm Vơl 4:19

Phung groi tĭng hên Prăl lơn ma klang ƀŭng tâm trôk ta klơ. Khân păng hăn tĭng hên ta klơ lĕ yôk, Grem kâp hên tâm bri rdah.

Êsêkiêl 17:3

Lah hom pô aơ: ‘Kôranh Brah Yêhôva lah: Geh du mlâm klang lêl, tĭng năr huy, rsau nting năr jong, săk bêng ma rsau âk ntil dak, tât ma n'gor bri Liban jêh ri nkê̆ch chiông tơm si sêdar.

Êsêkiêl 28:2

“Hơi kon bunuyh, lah hom ma hađăch Tyre pô aơ: Kôranh Brah Yêhôva lah: ‘Yorlah nuih n'hâm may sưr ngăn, May lah pô aơ: “Gâp jêng du huê brah, Gâp gŭ ta sưng hađăch lĕ brah, Ta nklang dak mƀŭt.” Ƀiălah may knŏng jêng bunuyh mâu di jêng brah ôh, Nđâp tơlah n'hao êng nuih n'hâm may nơm Tâm ban ma nuih n'hâm brah kloh ueh.

Êsêkiêl 28:9

Tanăp phung nkhĭt may, May dơi janh lah pô aơ lĕ “gâp jêng brah”? Dôl may gŭ tâm ti phung ƀư rmanh may Pôri may jêng bunuyh đŏng mâu di hĕ jêng brah.

Daniel 2:38

Păng jao jêh tâm ti may phung kon bunuyh, mpô mpa tâm bri jêh ri sĭm tâm trôk; nđâp lah ta ntŭk khân păng ăt păng ăn may chiă uănh lĕ rngôch. Pônây, May jêng bôk nây ƀư ma mah.

Daniel 4:36

Mông nây nau gĭt rbăng gâp plơ̆ sĭt tay. Gâp joi geh tay nau chrêk rmah ma ƀon bri hađăch gâp, nau rnam jêh ri nau chrêk rmah sĭt tay ma gâp. Phung kôranh tâm nchră jêh ri phung kôranh toyh văch tanăp gâp da dê. Dơi ndâk tay gâp chiă uănh tâm ƀon bri hađăch jêh ri ntop đŏng ma gâp jêng toyh lơn ntơm saơm.

Daniel 7:12

Lĕ mpô mpa hôm e ăt bu sŏk lơi nau dơi chiă uănh ƀiălah dơi njong jŏ nau rêh ntop du rô̆ jêh ri du gưl.

Daniel 7:5

Aơ geh du mlâm mpô mpa êng mpơl, mpô mpa rơh bar, tâm ban ma kau, păng gŭ nkêng mpeh du đah, trôm mbung păng glŏm pe gâl nting rpaih ta nklang neng păng. Bu lah ma păng: ‘Dâk hom, sa âk puăch.’

Mathay 24:28

Ta ntŭk geh săk jăn khĭt, klang grât rgum ta nây.

Nau Vay Nkah Tay 28:49

Brah Yêhôva mra njŭn leo du ndŭl mpôl bơh ntŭk dŭt ngai tât, bơh dŭt bri dŭt neh, tâm ban klang ƀŭng mpăr ngăch ngăn jŭr gay nhŭp khân may, du phung ƀon lan khân may mâu gĭt rbăng ôh nau ngơi khân păng,

Nau Tâm Mpơl 13:2

Mpô mpa dŭt janh gâp uănh saơ nâm bu yau brăch; jâng păng nâm bu jâng kau, mbung nâm bu mbung yau mŭr. Bêh nhŭk nhăk ăn ma păng nau dơi ktang, sưng hađăch jêh ri nau dơi toyh.