Daniel 7:28 - Nau Brah Ndu Ngơi 2023

²⁸ Nau nkoch bri lôch ta aơ. Bi gâp, Y-Daniel, lĕ nau mĭn ƀư ma gâp rŭng răng ngăn, muh măt rgâl jêng êr; ƀiălah gâp ăt djôt prăp lĕ nau nây tâm nuih n'hâm.”

Daniel 7:28 Iomraidhean Croise

Nau Ntơm 37:10

Nôk păng nkoch tay nau mbơi nây ma mbơ̆ păng jêh ri ma phung oh nâu păng, mbơ̆ păng nduyh păng jêh ri lah: “Moh nau mbơi may geh kơt nây? Lah ndrĭ ngăn mâu nđâp ma gâp, me may, jêh ri phung oh nâu may mra văch chon mon tanăp măt may ƀơh?”

Nau Ntơm 37:11

Phung nâu tâm rmot ma păng, bi mbơ̆ păng kah gĭt nau ngơi nây.

Daniel 10:16

Aơ, geh du huê nơm săk jăn tâm ban ma lĕ kon bunuyh văch pah mbung gâp. Gâp hă trôm mbung ro jêh ri dơi ngơi. Gâp lah ma nơm gŭ tanăp gâp: “Ơ kôranh, nau tâm saơ ƀư ma gâp ji ngăn jêh ri gâp hŏ huăr ngăn jêh.

Daniel 10:8

Pôri, hôm gâp du huê gŭ êng jêh ri saơ nau tâm saơ toyh nây. Gâp mâu hôm geh nau ktang ôh. Muh măt gâp êr tâm ban bunuyh dăch khĭt. Gâp hŏ huăr ngăn jêh.

Daniel 11:27

Bi ma bar hê hađăch nây, tâm nuih n'hâm ŭch mĭn ƀư mhĭk ndrăng khân păng nơm; khân păng gŭ ndrel du mlâm sưng sông sa ƀiălah khân păng tâm ngơi ma nau ndơm. Ƀiălah nau ngơi nây mâu jêng yorlah nau nglĕ dŭt mra tât tâm rnôk tâm nal jêh.

Daniel 12:13

Bi may, ăn mât răp jăp kŏ tât rnôk nglĕ dŭt. May mra dơi rlu jêh ri tât lĕ nar nglĕ dŭt, may mra dâk tâm drăp ndơn ma may.”

Daniel 12:9

Bunuyh nây plơ̆ lah: “Ơ Y-Daniel, lơi mĭn rvê êng, yorlah lĕ nau ngơi aơ nchăng jêh, jêh ri tâp pŏng jêh kŏ tât rnôk nglĕ dŭt.

Daniel 4:16

Ăn tâm rgâl lơi nau mĭn păng Tă bơh nau mĭn bunuyh jêng nau mĭn mpô mpa bri, Jêh ri ăn păng nâm pônây dôl tâm pơh năng.

Daniel 4:19

Rnôk nây, Y-Daniel, ăt rnha Y-Beltisasar, mâu dơi ngơi tâm ƀât lât. Lĕ nau mĭn ƀư ma păng rŭng răng. Hađăch lah: “Hơi Y-Beltisasar, lơi ăn nau mbơi jêh ri nau rblang ƀư rŭng may ôh.” Y-Beltisasar plơ̆ lah: “Ơ kôranh gâp, ăn nau mbơi aơ tât ma phung tâm rmot ma may, jêh ri nau rblang prăp ma phung rlăng đah may!

Daniel 5:6

Rnôk nây muh măt păng êr, nau păng mĭn rŭng răng, nting nđăng ra ai, bar đah kômâk râm nsâr.

Daniel 7:15

“Gâp, Y-Daniel, huêng gâp rŭng răng, lĕ nau tâm saơ tâm bôk ƀư ma gâp klach ngăn.

Daniel 8:1

Năm rơh pe rnôk hađăch Belsasar chiă uănh geh du nau tâm saơ mpơl tât ma gâp, Y-Daniel. Nau tâm saơ aơ tât pakơi nau tâm saơ gâp saơ jêh lor.

Daniel 8:17

Nơm nây, văch êp ro ntŭk gâp gŭ dâk. Saơ nơm nây tât, gâp klach ngăn jêh ri păn muh măt ta neh. Ƀiălah nơm nây lah ma gâp: “Hơi kon bunuyh, gĭt rbăng hom nau tâm saơ aơ di ma rnôk nglĕ dŭt.”

Daniel 8:19

jêh ri lah: “Aơ, gâp mra ăn may gĭt moh nau mra tât ta nglĕ dŭt nau ji nuih, yorlah nau nây di ma rnôk nglĕ dŭt tâm nal jêh.

Daniel 8:27

Rnôk nây, gâp, Y-Daniel, rgănh suan ngăn jêh ri ji kuet tâm âk nar. Jêh nau nây gâp dâk jêh ri pah kan ma hađăch. Gâp hih rhâl ma nau tâm saơ nây jêh ri ăt mâu dơi gĭt rbăng lĕ ôh nau khlay.

Markôs 9:15

Nôk nây đŏng saơ Păng, lĕ rngôch phung ƀon lan hih rhâl ngăn, nchuăt hăn ran mbah Brah Yêsu.

Luka 2:19

Bi H'Mari djôt prăp lĕ nau ngơi nây jêh ri mĭn rvê tâm nuih n'hâm.

Luka 2:51

Păng hăn tĭng mbơ̆ mê̆ plơ̆ sĭt ta Nasaret jêh ri Păng tông bâr khân păng. Mê̆ Păng kah gĭt prăp lĕ nau nây tâm nuih n'hâm.

Luka 9:44

“Phung kon iăt nanê̆ hom lĕ nau aơ: Kon Bunuyh mra jao tâm ti bu.”