Daniel 7:19 - Nau Brah Ndu Ngơi 2023

¹⁹ Rnôk nây, gâp ŭch gĭt nau nanê̆ ma mpô mpa rơh puăn, jêng êng đah lĕ mpô mpa êng, janh dŭt n'hâm ngăn đah neng loih jêh ri nheh kông. Păng kăp sa rvăn, nchah hăch jêh ri sŏk jâng jot lĕ ndơ hôm e klen.

Daniel 7:19 Iomraidhean Croise

Daniel 7:20

Tâm ban lĕ gâp ŭch gĭt đŏng ma jât mlâm nke ta klơ bôk păng jêh ri ma nke êng hon ƀư ma pe mlâm nke tŭp tanăp măt păng, jêng nke geh măt jêh ri mbung ngơi nau sưr jêh ri uănh păng tâm ban ma ktang lơn ma lĕ nke êng.

Daniel 7:7

Jêh ma nây, tâm nau tâm saơ dôl măng gâp saơ tay du mlâm mpô mpa rơh puăn, uănh janh, krit ngăn jêh ri ktang ngăn. Păng geh neng loih toyh; păng rvăn jêh ri ƀư nchah, jêh nây jot plên ma jâng ndơ hôm e. Păng jêng êng đah lĕ mpô mpa tât lor jêh ri păng geh jât mlâm nke.

Daniel 7:8

Dôl gâp mĭn ma lĕ nke nây, pôri geh du mlâm nke êng, jê̆ lơn, hon ta nklang nke nây; pe mlâm tâm lĕ nke geh lor bu tŏk lŏk lơi lĕ tanăp măt păng. Nke jê̆ aơ geh âk măt tâm ban ma măt bunuyh jêh ri mbung ngơi ma nau sưr.