Daniel 7:15 - Nau Brah Ndu Ngơi 2023

¹⁵ “Gâp, Y-Daniel, huêng gâp rŭng răng, lĕ nau tâm saơ tâm bôk ƀư ma gâp klach ngăn.

Daniel 7:15 Iomraidhean Croise

Nau Ntơm 41:8

Ang ôi taơ, huêng hađăch uh ah, hađăch đă bu kuăl lĕ rngôch phung rƀên jêh ri phung gĭt blau tâm Êjipt văch. Pharaôn nkoch bri nau mbơi ma khân păng, ƀiălah mâu geh ôh du huê dơi gĭt rblang nau mbơi nây ma Pharaôn.

Yêrêmi 17:16

Bi ma gâp, gâp mâu gơnh chalơi ôh nau pah kan rmăk biăp ƀiălah tĭng May yơh. May gĭt, gâp mâu kâp gân ôh nau mhĭk tât. Nau ngơi luh ta bơh bâr mbung gâp Gŭ tanăp măt May da dê.

Daniel 10:16

Aơ, geh du huê nơm săk jăn tâm ban ma lĕ kon bunuyh văch pah mbung gâp. Gâp hă trôm mbung ro jêh ri dơi ngơi. Gâp lah ma nơm gŭ tanăp gâp: “Ơ kôranh, nau tâm saơ ƀư ma gâp ji ngăn jêh ri gâp hŏ huăr ngăn jêh.

Daniel 2:1

Năm tal bar rnôk Y-Nêbukatnetsar chiă uănh, hađăch geh nau mbơi ƀư ăn ma nau mĭn păng rung răng, mâu dơi hăk bê̆ch ôh.

Daniel 2:3

Hađăch lah ma khân păng: “Gâp geh nau mbơi jêh ri nau mĭn gâp rung răng yorlah ŭch gĭt rbăng nau rblang mbơi nây.”

Daniel 4:19

Rnôk nây, Y-Daniel, ăt rnha Y-Beltisasar, mâu dơi ngơi tâm ƀât lât. Lĕ nau mĭn ƀư ma păng rŭng răng. Hađăch lah: “Hơi Y-Beltisasar, lơi ăn nau mbơi jêh ri nau rblang ƀư rŭng may ôh.” Y-Beltisasar plơ̆ lah: “Ơ kôranh gâp, ăn nau mbơi aơ tât ma phung tâm rmot ma may, jêh ri nau rblang prăp ma phung rlăng đah may!

Daniel 4:5

pôri gâp saơ du ntil nau mbơi ƀư nkrit gâp. Lĕ nau mĭn mhĭk ngăn ta klơ sưng bê̆ch jêh ri lĕ rup tâm bôk ƀư ma gâp mâu đăp gŭ.

Daniel 7:1

Năm rơh nguay rnôk rô̆ hađăch Belsasar, n'gor bri Babilôn, dôl gŭ bê̆ch ta klơ sưng bê̆ch, Y-Daniel saơ nau mbơi jêh ri nau tâm saơ tâm bôk păng. Păng nchih gay nkoch tay nau mbơi nây.

Daniel 7:28

Nau nkoch bri lôch ta aơ. Bi gâp, Y-Daniel, lĕ nau mĭn ƀư ma gâp rŭng răng ngăn, muh măt rgâl jêng êr; ƀiălah gâp ăt djôt prăp lĕ nau nây tâm nuih n'hâm.”

Daniel 8:2

Tâm nau tâm saơ, gâp saơ gâp dôl gŭ ta ƀon ngih hađăch Susa, tâm n'gor bri Êlam, jêh ri tâm ban lĕ nau tâm saơ, gâp saơ gâp dôl gŭ êp kêng dak krong Ulai.

Daniel 8:27

Rnôk nây, gâp, Y-Daniel, rgănh suan ngăn jêh ri ji kuet tâm âk nar. Jêh nau nây gâp dâk jêh ri pah kan ma hađăch. Gâp hih rhâl ma nau tâm saơ nây jêh ri ăt mâu dơi gĭt rbăng lĕ ôh nau khlay.

Habakuk 3:16

Tăng lĕ nau aơ, lam săk jăn gâp râm sâr, Toh yoi gâp mprâm ngăn, Nting gâp nâm bu bơi rmuk ôm, Jêh ri jâng gâp chuat ndĭt ndiu. Gâp mra gŭ rklăk gay kâp nar rêh ni, Jêng nar geh phung ƀon lan văch lơh hên.

II Pêtrôs 1:14

yorlah gâp gĭt hŏ tât jêh nôk gâp mra du gơnh bơh ngih njưh aơ, nâm bu Kôranh Brah he jêng Brah Yêsu Krist tâm mpơl jêh ma gâp.