Daniel 7:13 - Nau Brah Ndu Ngơi 2023

¹³ Tâm lĕ nau tâm saơ dôl măng Gâp saơ geh du huê tâm ban ma kon bunuyh Văch ndrel ma ndâr tŭk bơh trôk. Nơm nây văch dăch Jêh ri bu njŭn tât na năp măt Nơm Gŭ Rêh Bơh Rnôk Kăl E.

Daniel 7:13 Iomraidhean Croise

Nau Mprơ Ơm 110:2

Bơh ƀon Siôn, Brah Yêhôva mra pơk huy Kôranh Brah May. Chiă uănh hom ta klơ phung rlăng May.

Nau Mprơ Ơm 2:8

Dăn hom tă bơh Gâp, Gâp mra ăn lĕ bri dak jêng drăp ndơn ma Kon, Jêh ri lam lĕ rplay neh jêng drăp ndơ ma Kon.

Nau Mprơ Ơm 47:5

Brah Ndu hao gŭ nklang bâr troh maak, Brah Yêhôva hao gŭ tâm bâr nŭng.

Yêrêmi 49:19

Nâm bu yau mŭr tă bơh lĕ bri krŏng dak krong Yurdan hăn tât ma ndrêch gơ̆ nse ƀaƀơ, Ƀât lât Gâp mra ƀư ăn ma phung Êđôm nchuăt du jêh ri njêng bunuyh Gâp hŏ săch jêh gay chiă uănh păng. Yorlah mbu moh nâm bu Gâp? Mbu nơm mra dơi ntrŭnh ăn ma Gâp? Mbu rmăk biăp nănh tâm rdâng đah Gâp?”

Êsêkiêl 1:26

Ta klơ đôr panăp ta klơ bôk lĕ mpa rêh geh ndơ nâm bu sưng hađăch lŭ khlay saphir, jêh ri ta sưng hađăch nây geh ndơ nâm bu rup du huê bunuyh.

Daniel 2:44

Tâm rnôk phung hađăch aơ, Brah Ndu tâm trôk mra rdâk du rplay ƀon bri hađăch mâu mra mâp rai lôch ôh, nau chiă uănh ƀon bri hađăch nây mâu mra tŭp ma phung ndŭl mpôl êng. Ƀon bri hađăch nây mra dong nchah jêh ri ƀư rai lĕ rngôch ƀon bri hađăch êng, păng nơm mra hôm n'ho ro.

Daniel 7:12

Lĕ mpô mpa hôm e ăt bu sŏk lơi nau dơi chiă uănh ƀiălah dơi njong jŏ nau rêh ntop du rô̆ jêh ri du gưl.

Daniel 7:2

Y-Daniel lah: “Dôl măng, tâm nau tâm saơ, gâp saơ sial lam puăn njônh trôk ƀư mpât dak mƀŭt.

Daniel 7:22

kŏ Nơm Gŭ Rêh Bơh Rnôk Kăl E tât gŭ, ndâk nau phat dôih gay koh dŏng phung kloh ueh Nơm Dŭt Prêh, jêh ri tât rnôk phung kloh ueh sŏk dơn ƀon bri hađăch.

Daniel 7:9

Gâp uănh kŏ tât Lĕ sưng hađăch dơi dăp ueh djrêp, Geh Nơm Gŭ Rêh Bơh Rnôk Kăl E gŭ ta klơ nây. Ao Păng nglang nâm bu pler, Sŏk ta klơ bôk Păng nâm bu rsau biăp kloh. Sưng hađăch Păng jêng mpiăt ŭnh Geh lĕ jâng ndeh ŭnh sa hit.

Daniel 8:15

Tơlah gâp, jêng Y-Daniel, saơ jêh nau tâm saơ nây jêh ri dôl tĭng joi ŭch gĭt rbăng jêh ri di nôk aơ đŏng geh nâm bu du huê bunuyh rup bu klâu gŭ tanăp gâp.

Mathay 13:41

Kon Bunuyh mra njuăl phung tông mpăr Păng nhŭp lĕ rngôch phung ƀư mhĭk jêh ri lĕ rngôch phung ƀư djơh ngluh lơi bơh ƀon bri hađăch Păng,

Mathay 24:30

Nôk nây, nau mbên ma Kon Bunuyh mra tâm mpơl ta klơ trôk, Lĕ rngôch mpôl băl bunuyh ta klơ neh ntu mra nter nhĭm nhhiăng, jêh ri mra saơ Kon Bunuyh văch tâm ndâr tŭk ta klơ trôk ma nau brah toyh jêh ri nau chrêk rmah toyh.

Mathay 25:31

“Tơlah Kon Bunuyh mra văch tâm nau chrêk rmah Păng, ndrel ma lĕ rngôch phung tông mpăr, Păng mra gŭ ta klơ sưng hađăch chrêk rmah.

Mathay 26:64

Brah Yêsu plơ̆ lah: “May lah jêh nau nây. Ƀiălah Gâp lah ma khân may, pakơi aơ khân may mra saơ Kon Bunuyh gŭ mpeh pa ma Nơm Nau Brah jêh ri plơ̆ văch ta ndâr tŭk klơ trôk.”

Mathay 28:18

Brah Yêsu hăn tât jêh ri lah ma khân păng pô aơ: “Lĕ rngôch nau dơi ta klơ trôk jêh ri ta neh ntu hŏ jao jêh ma Gâp.

Mathay 8:20

Brah Yêsu plơ̆ lah: “Phung mpik geh trôm, phung sĭm klơ trôk geh rsuăn, ƀiălah Kon Bunuyh mâu geh ntŭk dâm bôk.”

Markôs 13:26

Nôk nây bu mra saơ Kon Bunuyh sŏk nau dơi toyh jêh ri nau chrêk rmah toyh văch ta nklang ndâr tŭk.

Luka 21:27

Nôk nây lĕ rngôch bunuyh mra saơ Kon Bunuyh văch tâm ndâr tŭk ma nau dơi toyh jêh ri ma nau chrêk rmah toyh ngăn.

Luka 21:36

Pôri, rngeh njrăng jêh ri mbơh sơm ƀaƀơ hom, gay khân may tŏng n'hâm suan der luh bơh lĕ nau mra tât geh jêh ri dâk tanăp Kon Bunuyh.”

Luka 24:27

Jêh nây ntơm tă bơh Y-Môis tât ma lĕ rngôch phung nơm mbơh lor, Păng rblang ma khân păng lĕ nau knŏng ma Păng tâm lĕ Nau Brah Ndu Ngơi.

Yôhan 12:34

Phung âk nây lah: “Hên hŏ tăng jêh tâm nau vay lah ma Brah Krist hôm gŭ ƀaƀơ n'ho ro. Mâm ƀư May lah, bu mra yông Kon Bunuyh ta klơ? Lah ndrĭ mbu nơm Kon Bunuyh nây?”

Yôhan 3:13

Ê hŏ geh du huê hao ta klơ trôk, ƀiălah knŏng geh Nơm jŭr tă bơh trôk, jêng Kon Bunuyh.

Yôhan 5:27

Mbơ̆ hŏ ăn jêh nau dơi ƀư nau phat dôih ma Kon, yorlah Kon jêng Kon Bunuyh.

Kôranh Oh Mon 7:56

Păng lah: “Ri, gâp saơ lĕ ndâr trôk pơk mpơl jêh ri Kon Bunuyh gŭ dâk pa ma Brah Ndu.”

I Têsalônik 4:17

Jêh ta nây, phung he jêng phung hôm gŭ rêh, ƀiălah hôm e gŭ ta neh mra hao klơ ndrel ma phung bunuyh nây tâm ndâr tŭk gay tâm mâp đah Kôranh Brah ta klơ trôk, jêh ri he mra gŭ ndrel Kôranh Brah mro mrăng.

I Timôthê 6:16

jêng Nơm knŏng nguay mâu blau khĭt, gŭ ta nklang nau ang mâu geh ôh nơm dơi hăn dăch, jêng Nơm ê hŏ geh bunuyh saơ mâu lah dơi saơ. Mbơh sơm dăn nau yơk jêh ri nau brah n'ho ro jêng ndơ Păng! Amen.

ហេឞ្រើ 2:14

Yorlah phung kon geh mham jêh ri nglay săk ndrel, pôri Brah Yêsu yơh geh mham jêh ri nglay săk ndrel tâm ban ma khân păng, gay ma tâm nau khĭt, Păng ƀư rai nơm chiă uănh nau khĭt jêng phung brah mhĭk,

ហេឞ្រើ 9:24

Yorlah Brah Krist mâu lăp ôh tâm ntŭk kloh ueh bơh ti bunuyh ƀư, jêng rup ntŭk kloh ueh ngăn, ƀiălah Păng lăp jêh ƀon ueh klơ trôk, gay aƀaơ aơ Păng tâm tang he hăn tât tanăp Brah Ndu.

Nau Tâm Mpơl 1:13

ta nklang lĕ jâng kađen geh du huê tâm ban ma Kon Bunuyh nsoh ao jâr jong, rêt ma rse mah ta ntang ntơh.

Nau Tâm Mpơl 1:18

jêng Nơm Rêh; Gâp hŏ khĭt, aƀaơ aơ Gâp rêh n'ho ro, djôt keh khuă Nau Khĭt jêh ri Ƀon Phung Khĭt.

Nau Tâm Mpơl 1:7

Ri, Păng văch ndrel ma lĕ ndâr tŭk! Lĕ rngôch măt mra saơ Păng, nđâp ma phung hŏ tă ntâp Păng; lĕ rngôch ndŭl mpôl ta neh ntu mra nhĭm nhhiăng yor ma Păng. Nanê̆ di nâm kơt nây! Amen.

Nau Tâm Mpơl 14:14

Jêh nây gâp uănh saơ, ri, geh du ndâr tŭk nglang; klơ ndâr tŭk geh bunuyh nâm bu Kon Bunuyh dôl gŭ, bôk ndô đon hađăch ma mah, ti djôt du mlâm nhuĕ hơr.