Daniel 7:1 - Nau Brah Ndu Ngơi 2023

¹ Năm rơh nguay rnôk rô̆ hađăch Belsasar, n'gor bri Babilôn, dôl gŭ bê̆ch ta klơ sưng bê̆ch, Y-Daniel saơ nau mbơi jêh ri nau tâm saơ tâm bôk păng. Păng nchih gay nkoch tay nau mbơi nây.

Daniel 7:1 Iomraidhean Croise

Nau Ntơm 15:1

Jêh lĕ nau nây, nau ngơi Brah Yêhôva tât ma Y-Abram bơh nau tâm saơ: “Hơi Abram, lơi klach ôh! Gâp jêng khêl ma may; nau nkhôm may mra toyh ngăn.”

Nau Ntơm 46:2

Tâm du măng, Brah Ndu ngơi ma Y-Israel bơh nau tâm saơ. Păng kuăl: “Y-Yakôb, Y-Yakôb!” Y-Israel ơh: “Gâp ta aơ.”

Ndrom Samƀŭt bơh Yôp 4:13

Bri măng, lah kon bunuyh lêt bê̆ch Dôl gŭ rvê mĭn gâp saơ nau tâm mpơl.

Êsai 30:8

Aƀaơ, ăn may nchih hom nau nây ta klơ pŏk kađar, Nchih hom nau nây tâm du ndrom samƀŭt, Gay prăp nau nây n'ho ro ma phung kon sau.

Êsai 8:1

Brah Yêhôva lah ma gâp: “Sŏk hom du pŏk kađar toyh, jêh ri nchih ta nây ma rplay samƀŭt kon bunuyh: ‘Y-Maher-Salal-Has-Bas.’ ”

Yêrêmi 23:28

Moh nơm mbơh lor geh nau mbơi, nkoch hom nau mbơi nây! Mbu nơm hŏ dơn jêh nau Gâp, răp jăp hom mbơh tay nau Gâp! Rhe dơi lĕ tâm rlŭk đah ba ƀlê?” Brah Yêhôva lah pônây.

Yêrêmi 27:7

Lĕ rngôch bri dak mra pah kan hađăch nây jêh ri ma kon sau păng, kŏ tât rnôk lĕ bri dak toyh ktang, phung hađăch toyh tâm tŭn mpet bri dak păng nơm.

Yêrêmi 36:32

Y-Yêrêmi sŏk đŏng du ndrom samƀŭt ntâu êng ăn ma kôranh nchih samƀŭt Y-Baruk, kon bu klâu Y-Nêria. Păng nchih tay tĭng lĕ rngôch nau bơh mbung Y-Yêrêmi hŏ geh nchih jêh nau ngơi tâm ndrom samƀŭt ntâu Y-Jêhôjakim, hađăch Yuđa, hŏ su jêh tâm ŭnh. Păng kơi ntop âk nau ngơi ƀoi nĕ.

Yêrêmi 36:4

Y-Yêrêmi kuăl Y-Baruk, kon bu klâu Y-Nêria, tât. Yêrêmi rŏ ăn ma Y-Baruk nchih ta ndrom samƀŭt lĕ rngôch nau Brah Yêhôva lah jêh ma păng.

Êsêkiêl 1:1

Năm rơh pe jât, năng prăm ta khay puăn, dôl gâp gŭ ta nklang phung bu nă, gŭ ta kơh dak krong Kêbar, lĕ ndâr trôk pơk jêh ri gâp geh nau tâm saơ Brah Ndu mpơl ma gâp.

Êsêkiêl 40:2

Tâm lĕ rngôch nau tâm saơ bơh Brah Ndu, gâp saơ Păng leo gâp lăp bri Israel jêh ri dơm gâp ta klơ du gôl yôk prêh ngăn, ta klơ yôk nây, mpeh pa dâng, geh du ntil nau ndâk nkra nâm bu du rplay ƀon.

Daniel 1:17

Brah Ndu ăn ma puăn nuyh bu klâu ndăm aơ geh nau gĭt rbăng jêh ri nau blau ngăn gĭt rbăng lĕ rngôch nau ngơi ueh ndrel nau blau mĭn. Êng ma Y-Daniel geh nau gĭt rbăng ma lĕ nau tâm saơ jêh ri nau mbơi.

Daniel 2:1

Năm tal bar rnôk Y-Nêbukatnetsar chiă uănh, hađăch geh nau mbơi ƀư ăn ma nau mĭn păng rung răng, mâu dơi hăk bê̆ch ôh.

Daniel 2:26

Hađăch ôp Y-Daniel, ăt amoh Y-Beltisasar, “May mra dơi tâm mpơl ma gâp gĭt nau gâp mbơi saơ jêh ndrel nau rblang dơi lĕ?”

Daniel 4:13

Tâm lĕ rup mpơl tâm bôk gâp dôl lâng săk ta klơ sưng bê̆ch, gâp saơ geh du huê nơm gak njrăng, nơm kloh ueh jŭr tă bơh trôk.

Daniel 4:5

pôri gâp saơ du ntil nau mbơi ƀư nkrit gâp. Lĕ nau mĭn mhĭk ngăn ta klơ sưng bê̆ch jêh ri lĕ rup tâm bôk ƀư ma gâp mâu đăp gŭ.

Daniel 5:1

Hađăch Belsasar nkra nau nhêt sông toyh ma du rbăn nuyh kôranh păng. Hađăch nhêt ndrănh tanăp khân păng.

Daniel 5:22

Bi may, ơ hađăch Belsasar, kon bu klâu păng nây, nđâp lah may gĭt jêh lĕ rngôch nau nây, nuih n'hâm may ăt mâu ŭch tông yơk djê̆ lê̆ ôh.

Daniel 5:30

Măng nây ro, bu nkhĭt Belsasar, hađăch phung Kaldê.

Daniel 7:13

Tâm lĕ nau tâm saơ dôl măng Gâp saơ geh du huê tâm ban ma kon bunuyh Văch ndrel ma ndâr tŭk bơh trôk. Nơm nây văch dăch Jêh ri bu njŭn tât na năp măt Nơm Gŭ Rêh Bơh Rnôk Kăl E.

Daniel 7:15

“Gâp, Y-Daniel, huêng gâp rŭng răng, lĕ nau tâm saơ tâm bôk ƀư ma gâp klach ngăn.

Daniel 7:7

Jêh ma nây, tâm nau tâm saơ dôl măng gâp saơ tay du mlâm mpô mpa rơh puăn, uănh janh, krit ngăn jêh ri ktang ngăn. Păng geh neng loih toyh; păng rvăn jêh ri ƀư nchah, jêh nây jot plên ma jâng ndơ hôm e. Păng jêng êng đah lĕ mpô mpa tât lor jêh ri păng geh jât mlâm nke.

Daniel 8:1

Năm rơh pe rnôk hađăch Belsasar chiă uănh geh du nau tâm saơ mpơl tât ma gâp, Y-Daniel. Nau tâm saơ aơ tât pakơi nau tâm saơ gâp saơ jêh lor.

Yôel 2:28

“Jêh ta nây, Gâp mra nkhŭt Huêng Brah Gâp ta klơ lĕ rngôch nglay săk. Phung kon bu klâu jêh ri phung kon bu ur khân may mra mbơh lor; Phung bu ranh geh nau mbơi, Phung bu klâu ndăm mra saơ nau tâm saơ.

Amôt 3:7

Tâm ban lĕ, Kôranh Brah Yêhôva mâu mo du ntil nau ôh Mbơh lĕ nau ndâp Păng Ma phung oh mon Păng jêng phung nơm mbơh lor.

Habakuk 2:2

Brah Yêhôva plơ̆ lah jêh ri đă gâp: “Nchih hom nau tâm saơ; Jêh ri nchih păng ntoh rah vah ta du plơp kađar, Gay bunuyh dôl nchuăt dơi rŏ săr lah.

Nau Kơp Bunuyh 12:6

Păng lah: “Iăt hom nau Gâp. Tơlah geh du huê nơm mbơh lor gŭ tâm nklang khân may Gâp jêng Brah Yêhôva mra tâm mpơl ma păng tâm nau tâm saơ Jêh ri Gâp ngơi ma păng tâm nau mbơi.

Samƀŭt Pôl Njuăl Ăn Ma Phung Nsing Ta Ƀon Rôm 15:4

Lĕ nau bu nchih jêh bơh kăl e jêng gay ma ntĭm nti he, gay ma tă bơh nau nâp jêh ri n'hao nuih n'hâm Nau Brah Ndu Ngơi he geh nau kâp gân.

II Kôrintô 12:1

Gâp rnê êng ma gâp nơm, nđâp tơlah mâu geh khlay ôh, ƀiălah gâp đŏng mra ngơi ma nau tâm saơ jêh ri ma nau tâm mpơl bơh Kôranh Brah.

Nau Tâm Mpơl 1:19

Pôri, nchih hom lĕ nau may hŏ saơ jêh, lĕ nau geh jêh jêh ri lĕ nau mra tât kăndơ̆.

Nau Tâm Mpơl 10:4

Tơlah pơh tơ̆ nglaih nteh huy, gâp nchih tay, ri mơ gâp tăng bâr tă bơh trôk: “Nchăng hom lĕ nau pơh nteh nglaih nĕ lah jêh, lơi nchih!”