Daniel 6:8 - Nau Brah Ndu Ngơi 2023

⁸ Aƀaơ aơ, ơ hađăch ƀư hom nau buay nây jêh ri nchih amoh tâm samƀŭt gay ma nau vay mâu dơi rgâl ôh tĭng nâm nau vay phung Mêdơ jêh ri phung Persi nây.”

Daniel 6:8 Iomraidhean Croise

Êsther 1:19

Yor ri, tơlah hađăch maak nuih n'hâm, ăn hađăch njuăl samƀŭt ntrŭnh nau ăn ma bu nchih tâm ndrom samƀŭt nau vay n'gor bri Persi jêh ri Mêdơ gay lơi ăn bu rgâl ôh, ma H'Vasti mâu mra dơi văch đŏng tanăp hađăch Asuêrus ôh. Ăn hađăch jao nau păng jêng hađăch bu ur ma nơm êng ueh lơn ma păng.

Êsther 3:12

Tâm khay nguay, nar jât ma pe, bu kuăl rgum phung kôranh nchih samƀŭt hađăch văch tât. Tĭng nâm lĕ rngôch nau Y-Haman hŏ ntĭnh jêh, bu sŏk amoh hađăch Y-Asuêrus nchih samƀŭt nau ntrŭnh ăn ma phung kôranh oh mon hađăch, phung kôranh chiă uănh ăp n'gor jêh ri phung kôranh chiă uănh ma ăp ntil mpôl bunuyh, tĭng nâm nau ngơi ma ăp ntil mpôl bunuyh. Jêh nây khân păng tâp pŏng ma rgên hađăch.

Êsther 8:10

Y-Môrdêkai sŏk amoh hađăch Asuêrus gay nchih samƀŭt jêh ri tâp pŏng ma rgên ti hađăch jêh ri păng prơh phung djôt leo samƀŭt hăn; khân păng ncho seh prăl, jêng mpôl seh êng ngăn bu prăp ma phung ta ngih hađăch.

Êsther 8:3

H'Êsther ngơi đŏng ma hađăch, păng chon mon ta jâng hađăch nhhiăng nhĭm jêh ri vơh vơl ma hađăch nkân lơi nau nchră nau mhĭk ƀai Y-Haman, bunuyh Agak, nau păng hŏ ŭch mĭn tâm rdâng đah phung Yuđa.

Êsther 8:8

Pôri khân ay may sŏk hom amoh gâp nchih moh nau di khân ay may nơm mĭn ma phung Yuđa, jêh nây sŏk rgên ti gâp tâp pŏng. Yorlah samƀŭt nau ntrŭnh nây hŏ nchih tâm amoh gâp jêh ri tâp pŏng ma rgên ti gâp, bu mâu dơi chalơi ôh.”

Nau Mprơ Ơm 94:21

Khân păng tâm rgum gay ƀư mhĭk ma nau rêh bunuyh sŏng srăng Jêh ri tâm rmal nkhĭt phung mâu geh nau tih.

Êsai 10:1

Rêh ni ngăn ma phung nchih nau vay mâu sŏng, Phung nchih nau vay dăp mâu di,

Daniel 5:28

Pêres jêng: Ƀon bri hađăch may bu tâm pă jêh nây ăn ma phung Mêdơ jêh ri phung Persi.”

Daniel 6:12

Khân păng văch dăn tanăp hađăch jêh ri lah ma hađăch ma nau buay ƀư: “Ơ hađăch, mâu di hĕ may nchih amoh jêh ma du nau vay buay dôl pe jât nar mbu nơm mbơh sơm ma brah mâu lah bunuyh êng padih may bu mra klŭp nơm nây tâm trôm ntu yau mŭr nây hĕ?” Hađăch plơ̆ lah: “Di yơh, tĭng nâm nau vay phung Mêdơ jêh ri phung Persi, mâu dơi tâm rgâl ôh.”

Daniel 6:15

Ƀiălah phung nây ndrel hăn tât tanăp hađăch jêh ri lah: “Ơ hađăch, ăn may gĭt tĭng nau vay phung Mêdơ jêh ri phung Persi, lĕ rngôch nau buay mâu lah nau ntrŭnh hađăch ƀư jêh mâu dơi tâm rgâl ôh.”

Mathay 24:35

Trôk neh ntu mra rlau lôch, ƀiălah nau Gâp ngơi mâu mra rlau lôch ôh.”