Daniel 6:4 - Nau Brah Ndu Ngơi 2023

⁴ Pôri, phung kôranh toyh jêh ri phung kôranh nkual joi nau ngơi tih Y-Daniel tâm kan bri dak. Ƀiălah khân păng mâu dơi saơ du ntil nau tih ôh tâm păng mâu lah du ntil nau gay dơi nduyh, yorlah păng jêng răp jăp, mâu geh du ntil nau kue mâu lah geh tih ôh.

Daniel 6:4 Iomraidhean Croise

Nau Ntơm 41:38

Pharaôn lah ma phung oh mon păng: “Mbah ntŭk he joi dĭng geh du huê bunuyh tâm ban ma nơm aơ, du huê geh Huêng brah bơh Brah Ndu gŭ tâm păng?”

Nau Ntơm 43:18

Phung nây klach yorlah bu njŭn leo khân păng ta ngih Y-Yôsep. Khân păng tâm lah ndrăng khân păng: “Yor prăk bu hŏ mplơ̆ jêh tâm ƀau ba he nôk alor rĭ dĭng khân păng njŭn he ta aơ gay joi nau ƀư mhĭk lơh he, nhŭp he ƀư dĭk jêh ri pit lơi seh bri he.”

Nau Hôr 29:27

Phung kue jêng nau tâm rmot đah bunuyh sŏng, Ƀiălah bunuyh rêh sŏng jêng tâm rmot ăn phung mhĭk.

Nơm Nti 4:4

Gâp dơn saơ kon bunuyh pah kan đah nau hŏt rgănh jêh ri gĭt blau, knŏng yor ŭch nach bunuyh aơ đah nơm êng dơm yơh. Nau aơ nâm bu jêng nau dơm dam, tĭng rlong sial khôm.

Yêrêmi 18:18

Khân păng lah: “Kay lŏng, he nchră hom nau tâm rdâng ma Y-Yêrêmi. Yorlah kôranh ƀư brah mâu kƀah nau vay, bunuyh blau mĭn mâu kƀah ôh nau nkah nti, phung nơm mbơh lor mâu kƀah ôh nau mbơh. Văch hom, he mra dŏng mbung mpiăt he ngơi đah păng, lơi ta mĭn ntreng ôh lĕ nau păng ngơi.”

Yêrêmi 18:23

Ƀiălah Brah Yêhôva ơi, May nơm hŏ gĭt Lĕ nau nchră khân păng hŏ ndâk jêh gay nkhĭt gâp. Lơi ta yô̆ an ôh ma nau mhĭk khân păng, Lơi jut ôh nau tih khân păng bơh măt May. Ƀiălah ăn khân păng chêh prah tanăp măt May; Ăn tâm rmal khân păng tâm dôl May ji nuih.

Yêrêmi 20:10

Yorlah gâp tăng nau ngơi ƀŭk dŭk suyh: “Nau krit klach puăn mpeh! Phong hom! Ăn he phong hom păng!” Lĕ rngôch phung mĭt jiăng may Ŭch ma gâp chêh prah da dê. Khân păng lah: “Gĭt lah păng tŭp tâm nau ndơm, He mra dơi đah păng, Jêh ri plơng bôk păng.”

Yêrêmi 29:7

Joi hom nau ndrŏng ăn ma ƀon toyh ntŭk Gâp prơh hăn khân may jêng bu nă. Mbơh sơm hom ma Brah Yêhôva kơl ăn ma ƀon nây, yor nau ndrŏng păng jêng nau ndrŏng khân may.’”

Daniel 3:8

Rnôk nây, ƀaƀă geh phung Kaldê văch ŭch phong phung Yuđa.

Daniel 5:12

Yorlah tâm Y-Daniel, nơm hađăch ntơ amoh Beltisasar, geh huêng brah ueh, geh nau gĭt mĭn jêh ri nau gĭt rbăng gay ma rblang nau mbơi, rblang nau ndâp, nkra lĕ ntil nau, yor ri aƀaơ ăn bu kuăl Y-Daniel, gay păng mra rblang nau nây.”

Daniel 6:22

Brah Ndu gâp njuăl jêh tông mpăr Păng tât jêh ri rdêp lơi mbung yau mŭr yor ri khân păng mâu ƀư mhĭk ma gâp ôh, yorlah tanăp măt Păng dơi kơp gâp jêng mâu geh nau tih ôh. Ơ hađăch, tanăp măt may tâm ban lĕ gâp mâu mâp ƀư tih ôh.”

Mathay 26:4

jêh ri tâm nchră gay nhŭp jêh ri nkhĭt Brah Yêsu.

Mathay 27:18

Yorlah păng gĭt, yor nau nach, khân păng jao Brah Yêsu jêh.

Luka 20:20

Pôri, khân păng uănh nđôi Brah Yêsu jêh ri njuăl phung uănh n'hut n'hi săk ƀư bunuyh sŏng, ŭch ngơi ƀrôk Păng tâm nau Păng ngơi, gay jao Păng ma phung kôranh chiă uănh jêh ri ma kôranh toyh chiă uănh.

Luka 20:26

Tanăp phung ƀon lan, khân păng mâu dơi nduyh Brah Yêsu du nau ôh. Khân păng hih rhâl ma nau Brah Yêsu plơ̆ lah rĭ dĭng khân păng gŭ rklăk.

Luka 22:2

Phung kôranh ƀư brah toyh jêh ri phung kôranh nchih samƀŭt joi nau ŭch nkhĭt Brah Yêsu, yorlah khân păng klach ma phung âk.

Yôhan 19:4

Pilat hăn luh du tơ̆ đŏng jêh ri lah ma phung ƀon lan: “Aơ, gâp njŭn leo păng padih ma khân may, gay ma khân may gĭt gâp mâu saơ păng geh nau tih.”

II Kôrintô 11:12

Ƀiălah nau gâp ƀư, gâp mra ƀư pônây, gay buay lơi nau tâm rlăch tă bơh phung vay joi nau tâm rlăch, pôri mơ bu saơ khân păng jêng tâm ban ma hên.

Philip 2:15

gay ma khân may mâu geh nau nduyh ôh jêh ri kloh rsang, jêng kon dŭt ueh ngăn ma Brah Ndu ta nklang phung ndŭl mpôl plĕch rlăm jêh ri nau tih; ta nklang phung ndŭl mpôl nây, khân may sol hom nâm bu nau ang ta neh ntu;

I Timôthê 5:14

Yor ri, gâp ŭch ma phung bu ur ndrô druh ueh lơn sŏk sai, deh kon, mât uănh rnăk vâl khân păng nơm, mâu njêng mông găl ma phung rlăng ngơi bêk prêng.

Titus 2:8

nau ngơi ăn di ngăn, mâu geh nau bu dơi nduyh, gay phung bunuyh tâm rdâng mra đit prêng, mâu geh du ntil nau dơi gay ma ngơi mhĭk he.

I Pêtrôs 2:12

Ăn khân may gŭ ngao sŏng ta nklang phung bu năch, gay ma tơlah khân păng ngơi mhĭk khân may jêng bunuyh djơh mhĭk, khân păng ăt saơ nau ueh khân may ƀư jêh ri tâm rnê Brah Ndu tâm nar Păng chop khâl.

I Pêtrôs 3:16

Nôk geh nau ngơi mhĭk, ăn khân may djôt prăp nuih n'hâm sŏng khân may nơm ăn kloh, gay ma phung nsak nkhăng ma nau khân may gŭ ngao ueh tâm Brah Krist geh nau đit prêng.

Phung Kôranh Phat Dôih 14:4

Mê̆ mbơ̆ păng mâu dơi gĭt rah vah ôh nau nây luh bơh Brah Yêhôva ăn tât, yorlah Păng joi nau găl gay tâm rdâng đah phung Philistin. Rnôk nây phung Philistin chiă uănh phung Israel.

I Samuel 12:4

Khân păng lah: “May mâu mâp ndơm mƀruh hên ôh, mâu lah tŭn jot hên, jêh ri mâu lah sŏk dơn jêh moh ndơ tă bơh ti bu.”

I Samuel 18:14

Y-Đavit geh nau dơi tâm lĕ kan păng ƀư yorlah Brah Yêhôva gŭ ndrel ma păng.

I Samuel 22:14

Y-Ahimalek lah ma hađăch: “Tâm mpôl phung oh mon may, mbu nơm jêng răp jăp nâm bu Y-Đavit, nơm jêng klay ma hađăch, jêh ri kôranh chiă uănh ma phung tahan gak njrăng may, jêh ri nơm bu yơk lơn tâm ngih may?