Daniel 6:3 - Nau Brah Ndu Ngơi 2023

³ Y-Daniel geh nau lư n'găr lơn ma bar hê kôranh toyh êng jêh ri phung kôranh nkual yorlah păng geh huêng brah lơn; hađăch mĭn ŭch n'hao păng ăn chiă uănh lĕ ƀon bri hađăch.

Daniel 6:3 Iomraidhean Croise

Êsra 4:22

Ăn khân may njrăng ma nau kan aơ, klach lah phung hađăch geh nau mhĭk âk lơn.”

Nêhêmi 7:2

Gâp jao kan chiă uănh ƀon Yêrusalem ma oh gâp jêng Y-Hanani jêh ri Y-Hanania jêng kôranh chiă uănh ƀon, yorlah păng jêng du huê bunuyh răp jăp lơn jêh ri klach yơk ma Brah Ndu lơn ma phung êng.

Êsther 10:3

Y-Môrdêkai, phung Yuđa, ƀư kôranh toyh mrô nguay tâm dâng hađăch Asuêrus, jêh ri păng jêng toyh ta nklang phung Yuđa, jêh ri phung âk tâm phung oh nâu păng rŏng ma păng, yorlah păng joi nau ueh ma phung ƀon lan păng jêh ri ngơi nau đăp mpăn ma lĕ rngôch phung ƀon lan păng.

Nau Hôr 17:27

Mbu nơm njrăng nau păng ngơi jêng bunuyh blau mĭn, Mbu nơm geh nau ueh jêng bunuyh gĭt rbăng.

Nau Hôr 22:29

May saơ lĕ mbu moh gơih tâm nau kan păng pah? Bunuyh nây mra pah kan phung hađăch, Mâu di ôh mra pah kan ma bunuyh ƀon lan.

Nơm Nti 2:13

Gâp saơ pô aơ nau blau mĭn geh nau khlay lơn ma nau rluk, nâm bu nau ang geh nau khlay lơn ma nau ngo.

Daniel 5:12

Yorlah tâm Y-Daniel, nơm hađăch ntơ amoh Beltisasar, geh huêng brah ueh, geh nau gĭt mĭn jêh ri nau gĭt rbăng gay ma rblang nau mbơi, rblang nau ndâp, nkra lĕ ntil nau, yor ri aƀaơ ăn bu kuăl Y-Daniel, gay păng mra rblang nau nây.”

Daniel 5:14

Gâp tăng bu lah may geh huêng phung brah gŭ tâm may yor ri may geh nau ang, nau gĭt rbăng jêh ri nau blau mĭn êng lơn.

Daniel 5:7

Hađăch nter huy ntrŭnh nau ntăm kuăl rgum phung n'hŭm, phung Kaldê jêh ri phung gru rƀên. Hađăch ngơi ma phung njêh n'gor bri Babilôn: “Mbu dơi răk rplay samƀŭt aơ jêh ri rblang ma gâp nau tâm mpơl pôri mra dơi nsoh ao chăng ĭr gâp, văn mah rval ta trô ko jêh ri ăn păng jêng kôranh mrô pe chiă uănh tâm ƀon bri hađăch.”

Daniel 9:23

Tơlah may ntơm mbơh sơm pôri nau luh jêh, jêh ri gâp văch mbơh nau nây ma may, yorlah may jêng nơm bu rŏng ngăn. Pônây mĭn hom nau nây jêh ri gĭt rbăng nau tâm saơ.