Daniel 6:27 - Nau Brah Ndu Ngơi 2023

²⁷ Păng tâm chuai jêh ri rklaih, Ƀư lĕ nau mbên nau khlay ndâp tâm trôk jêh ri ta neh ntu; Păng nơm tâm rklaih Y-Daniel Bơh neng nheh yau mŭr.”

Daniel 6:27 Iomraidhean Croise

Ndrom Samƀŭt bơh Yôp 36:15

Ƀiălah Brah Ndu dŏng nau rêh ni gay rklaih phung mâp nau rêh ni, Sŏk nau mhĭk tât gay pơk trôm tôr khân păng.

Nau Mprơ Ơm 145:13

Ƀon bri hađăch May jêng ƀon bri hađăch n'ho ro, Nau May chiă uănh gŭ mro tă bơh rơh aơ tât rơh ri.

Nau Mprơ Ơm 18:48

Păng tâm rklaih gâp bơh phung rlăng gâp; Ngăn yơh, Kôranh Brah nhhơk gâp prêh lơn ma phung tâm rdâng đah gâp, Jêh ri tâm rklaih gâp bơh phung janh ƀai.

Nau Mprơ Ơm 18:50

Kôranh Brah ăn ma hađăch Păng lĕ nau dơi toyh, Jêh ri Păng ăn nau ueh lăng ma nơm Păng tŏ jêh dak ƀâu kah, Nây jêng Y-Đavit jêh ri ma noi deh păng kŏ tât lĕ rngôch rnôk n'ho ro.

Nau Mprơ Ơm 32:7

May jêng ntŭk gâp nde krap: May king n'gang gâp bơh nau rêh ni; May ăn nau mprơ ma nau tâm rklaih gay nkŭm gâp. (Sêla)

Nau Mprơ Ơm 35:17

Ơ Kôranh Brah, ndah jŏ May gŭ uănh nau nây? Dăn tâm rklaih huêng gâp bơh nau khân păng ƀư rai. Jêh ri sŏk lơi nau rêh gâp bơh phung yau mŭr.

Nau Mprơ Ơm 97:10

Ơ phung rŏng ma Brah Yêhôva, tâm rmot hom ma nau mhĭk. Păng king n'gang huêng phung kloh ueh Păng Jêh ri tâm rklaih khân păng bơh ti phung mhĭk.

Yêrêmi 10:10

Ƀiălah Brah Yêhôva jêng Brah Ndu nanê̆ ngăn; Păng jêng Brah Ndu gŭ rêh mro mrăng, jêng Hađăch n'ho ro. Neh ntu n'gơ n'găr dôl Păng hao ji nuih, Phung ƀon lan mâu dơi dơn ôh nau ji nuih Păng.

Daniel 2:44

Tâm rnôk phung hađăch aơ, Brah Ndu tâm trôk mra rdâk du rplay ƀon bri hađăch mâu mra mâp rai lôch ôh, nau chiă uănh ƀon bri hađăch nây mâu mra tŭp ma phung ndŭl mpôl êng. Ƀon bri hađăch nây mra dong nchah jêh ri ƀư rai lĕ rngôch ƀon bri hađăch êng, păng nơm mra hôm n'ho ro.

Daniel 4:31

Nau hađăch ngơi ê hŏ dŭt tă bơh trôm mbung pônây geh bâr ngơi bơh trôk lah: “Hơi Y-Nêbukatnetsar, aơ jêng nau mbơh ăn ma may gĭt: Ƀon bri hađăch du jêh tă bơh may.

Daniel 4:34

Tơlah lôch jêh nar nây, gâp, Y-Nêbukatnetsar, n'gơr măt ta klơ trôk, nau gĭt rbăng plơ̆ sĭt tay, gâp tâm rnê lah ueh ma Nơm Dŭt Prêh. Gâp mprơ tâm rnê jêh ri mât ton Nơm Rêh N'ho Ro. Nau dơi Păng chiă uănh jêng nau dơi n'ho ro, Ƀon bri hađăch Păng ntơm bơh rnôk aơ tât rnôk ri.

Daniel 4:35

Lĕ rngôch bunuyh gŭ ta neh ntu jêng tâm ban ma dơm dam. Păng ƀư tĭng nâm nau Păng ŭch da dê ma lĕ manh tâm trôk Nđâp ma phung bunuyh gŭ ta neh ntu. Mâu geh du huê dơi nkân ti Păng Mâu lah ôp: “Moh nau May ƀư?”

Daniel 6:20

Tơlah păng tât dăch bâr trôm ntu, păng sŏk ma bâr rngot kuăl Y-Daniel. Hađăch kuăl: “Ơ Y-Daniel, oh mon Brah Ndu gŭ rêh mro mrăng! Brah Ndu may pah kan ƀaƀơ, mra dơi rklaih may bơh yau mŭr lĕ?”

Yôhan 4:48

Brah Yêsu lah ma kôranh toyh pô aơ: “Tơlah mâu saơ ôh nau mbên khlay jêh ri nau khlay, nanê̆ khân may mâu chroh ôh!”

Kôranh Oh Mon 4:30

Dăn yơr ti May gay ƀư bah jêh ri ƀư lĕ nau khlay, nau mbên khlay tâm amoh Oh Mon kloh ueh May jêng Brah Yêsu.”

ហេឞ្រើ 2:4

Brah Ndu mbơh nkoch đŏng ma nau mbên khlay, nau khlay jêh ri lĕ nau brah nđâp ma lĕ nau dơi ăn bơh Brah Huêng Ueh, pă jêh tĭng nâm Păng ŭch.

I Samuel 17:26

Y-Đavit lah ma phung gŭ êp păng: “Moh ndơ bu mra nkhôm ma nơm dơi nkhĭt bu klâu Philistin aơ, jêh ri sŏk lơi nau bêk prêng tă bơh phung Israel? Yorlah bu klâu Philistin aơ, nơm mâu koh ntâu ôh mbu moh păng jêng, dĭng nănh rlong nuih phung tahan Brah Ndu gŭ rêh mro mrăng?”