Daniel 6:24 - Nau Brah Ndu Ngơi 2023

²⁴ Tĭng nâm hađăch ntăm, jêh ri phung hŏ phong nchơt Y-Daniel ndrel ma ur kon khân păng bu djôt klŭp tâm ntu yau mŭr. Tơlah khân păng mâu hŏ tât tâm dâng ntu pôri yau mŭr hŏ nhŭp jêh ri hêk nkê̆ch lĕ nting khân păng.

Daniel 6:24 Iomraidhean Croise

II Phung Hađăch 14:6

Ƀiălah păng mâu nkhĭt ôh phung kon khân păng; tĭng nâm nau nchih jêh tâm ndrom samƀŭt nau vay Y-Môis; tâm nây, Brah Yêhôva ntăm jêh pô aơ: “Bu mâu mra nkhĭt ôh mbơ̆ yor ma nau tih kon, mâu mra nkhĭt đŏng kon yor ma nau tih mbơ̆, yorlah ăp nơm mra khĭt yor nau tih păng nơm.”

Êsther 7:10

Pônây, bu yông trô ko Y-Haman ta tơm si yông trô ko păng nơm hŏ ndâk jêh ma Y-Môrdêkai. Jêh nây nau hađăch ji nuih aih jêh.

Êsther 9:10

jêng phung jât nuyh kon bu klâu Y-Haman, sau Y-Hamêdatha, jêng phung rlăng đah phung Yuđa. Ƀiălah khân păng mâu pit in drăp ndơ ôh.

Êsther 9:25

Ƀiălah tơlah nau nây tât tôr hađăch, hađăch ăn samƀŭt nau ntrŭnh pô aơ lĕ nau nchră djơh mhĭk bơh Y-Haman mĭn ŭch ƀư mhĭk ma phung Yuđa mra mplơ̆ sĭt ma bôk păng nơm. Bu yông trô ko păng nđâp ma phung kon bu klâu păng ta tơm si yông trô ko.

Nau Mprơ Ơm 54:5

Păng mra mplơ̆ ma phung rlăng đah gâp ma nau tih mhĭk khân păng; Dăn May ƀư rai hom khân păng tĭng nau răp jăp May.

Nau Hôr 11:8

Bunuyh sŏng srăng dơi rklaih bơh nau rung răng, Bi bunuyh djơh mhĭk ntrok ntŭk păng.

Nau Hôr 19:9

Nơm mbơh kue mâu mra klaih ôh bơh nau tâm rmal, Mbu nơm ngơi mƀruh mra rai yot.

Êsai 38:13

Gâp gŭ klăk klêm kŏ tât ôi, Ƀiălah Păng hŏ nkhêk lơi lĕ nting gâp tâm ban ma yau mŭr. Ơm ôi hôm tât măng roh, Kôranh Brah nglĕ dŭt nau rêh gâp!

Yêrêmi 34:17

Yor nây, Brah Yêhôva lah: pô aơ: ‘Khân may mâu tông ôh bâr Gâp, mâu geh du huê mbơh ôh nau kon me ma oh nâu jêh ri nơm chiau meng păng.’ Brah Yêhôva lah: ‘Aơ, Gâp mbơh “nau kon me” ma khân may, nâm bu ntĭt jao khân may mâp ma tak đao, nau ji tưp, sa sât ji ngot, mra ƀư ma khân may plơ̆ jêng tâm rmot ma lĕ rngôch bri hađăch ta neh ntu.

Daniel 3:22

Yor nau hađăch ntăm ndal ngăn, ŭnh năk duh ngăn yor nây mpiăt ŭnh sa nkhĭt phung tahan klŭp Y-Sadrak, Y-Mêsăk jêh ri Y-Abetnêgô.

Nau Vay Nkah Tay 24:16

Bu mâu nkhĭt ôh mê̆ mbơ̆ yor nau tih phung kon, jêh ri bu mâu lĕ dơi nkhĭt phung kon yor nau tih phung mê̆ mbơ̆. Bu mra nkhĭt ăp nơm tĭng nâm nau tih păng nơm.