Daniel 6:23 - Nau Brah Ndu Ngơi 2023

²³ Hađăch dŭt maak ngăn jêh ri đă bu chông Y-Daniel hao bơh trôm ntu yau mŭr. Pôri Y-Daniel du luh tă bơh ntŭk nây, jêh ri ta săk jăn păng mâu geh sôt ôh yorlah păng rnơm nsing ma Brah Ndu păng.

Daniel 6:23 Iomraidhean Croise

I Phung Hađăch 5:7

Tơlah tăng jêh nau Y-Salômôn ngơi, hađăch Hiram răm rhơn ngăn jêh ri lah: “Nar aơ khư tâm rnê ma Brah Yêhôva, Nơm hŏ ăn ma Y-Đavit du huê kon gĭt mĭn gay chiă uănh phung ƀon lan âk râk aơ!”

I Nau Rêh Jêng 5:20

Dôl khân păng tâm lơh, khân păng vơl dăn ma Brah Ndu, jêh ri yorlah khân păng geh nuih n'hâm rnơm nsing ma Păng, pôri Păng kơl rklaih an, jao phung Hagrit jêh ri lĕ rngôch phung tĭng păng tâm ti khân păng.

II Nau Rêh Jêng 20:20

Ôi taơ, khân păng kah rngăl ơm ôi jêh ri luh hăn tâm bri rdah Têkôa. Dôl khân păng luh du, Y-Jôsaphat gŭ dâk jêh ri lah: “Ơ phung Yuđa jêh ri phung gŭ tâm ƀon Yêrusalem, iăt hom gâp! Rnơm nsing hom ma Yêhôva Brah Ndu khân may, jêh ri khân may mra dơi nâp; iăt hom phung nơm mbơh lor Păng, jêh ri khân may mra dơi jêng.”

Nau Mprơ Ơm 18:21

Yorlah gâp djôt prăp lĕ trong ndô̆ Brah Yêhôva, Mâu ƀư nau mhĭk jêh ri mâu chalơi Brah Ndu gâp.

Nau Mprơ Ơm 37:40

Brah Yêhôva koh dŏng jêh ri tâm rklaih khân păng; Păng rklaih khân păng bơh phung mhĭk jêh ri tâm rklaih khân păng, Yorlah khân păng nde krap tâm Păng.

Nau Ngluh Êjipt 18:9

Y-Jêtrô răm rhơn yor lĕ nau ueh Brah Yêhôva hŏ ƀư ma phung Israel nôk rklaih khân păng bơh ti phung Êjipt.

Nau Hôr 18:10

Amoh Brah Yêhôva jêng du pôih nâp ngăn, Bunuyh sŏng srăng nchuăt tât ta nây, dơi joi ntŭk du krap đăp mpăn.

Êsai 26:3

Mbu nơm ăn nau mĭn păng rnơm nsing ma Kôranh Brah Păng mra mât mray păng tâm nau đăp mpăn nŭm rĭng, Yorlah păng rnơm nsing ma May.

Daniel 3:17

Tơlah bu klŭp hên tâm ŭnh năk, pônây ơ hađăch, Brah Ndu nơm hên yơk mbah mra dơi tâm rklaih hên klaih bơh ŭnh năk jêh ri bơh ti may.

Daniel 3:25

Hađăch lah tay: “Ri, gâp saơ puăn nuyh mâu geh chăp hăn ta nklang ŭnh mâu geh nau sôt ôh; jêh ri muh măt nơm rơh puăn nây jêng nâm bu du huê kon bu klâu phung brah.”

Daniel 6:14

Tơlah tăng nau nây hađăch ji nuih n'hâm ngăn jêh ri joi trong gay ma tâm rklaih Y-Daniel. Kŏ tât nar nhâp hađăch ăt hôm gŭ joi trong tâm rklaih păng.

Daniel 6:18

Jêh nau nây, hađăch sĭt ta ngih hađăch păng, jêh ri ât sông sa tâm măng nây mâu dăn phung êng văch ƀư maak ma păng ôh. Păng mâu dơi bê̆ch ôh.

Markôs 9:23

Brah Yêsu lah: “Mâm ƀư lah ‘tơlah Nơm Nti dơi ƀư’? Mbu nơm chroh mra dơi da dê ma lĕ ntil kan.”

ហេឞ្រើ 11:33

Yor ma nau chroh phung bunuyh nây dơi jêh đah ƀon bri hađăch, ƀư nau di, sŏk dơn jêh lĕ nau ton, rdêp trôm mbung yau mŭr,