Daniel 6:16 - Nau Brah Ndu Ngơi 2023

¹⁶ Ta nây ro, tĭng nau hađăch ntăm, bu njŭn Y-Daniel tât jêh ri klŭp păng tâm trôm ntu yau mŭr. Hađăch lah ma Y-Daniel: “Ăn Brah Ndu may jêng Nơm may pah kan ƀaƀơ mra sâm rklaih may!”

Daniel 6:16 Iomraidhean Croise

II Samuel 3:39

Mpeh let ma gâp, nar aơ gâp hôm huơi nđâp lah gâp jêng hađăch bu tŏ dak ƀâu kah jêh; ƀiălah phung nây, jêng phung kon H'Sêruya, hŏ ƀư jêr ir ma gâp. Dăn Brah Yêhôva mplơ̆ sĭt ma nơm ƀư mhĭk tĭng nâm nau djơh mhĭk păng!”

Ndrom Samƀŭt bơh Yôp 5:19

Păng mra rklaih may bơh prao ntil nau rêh ni, Nđâp ma pơh ntil, nau mhĭk mâu lĕ hôm tât ma may.

Nau Hôr 29:25

Rvê klach kon bunuyh jêng du mlâm dăk sân, Ƀiălah mbu nơm nsing ma Brah Yêhôva mơ dơi geh nau mpăn.

Êsai 41:10

Lơi klach ôh yorlah Gâp gŭ ndrel ma may, Lơi klach krit ngăn ôh yorlah Gâp jêng Brah Ndu may! Gâp mra ƀư ktang may; di yơh, Gâp mra kơl may, Gâp mra kuăn rdâng may ma ti ma nau sŏng srăng Gâp.

Êsai 43:2

Tơlah khân may rgăn lĕ n'hor dak, Gâp mra gŭ ndrel may; Lah may re rgăn dak krong, mâu mra hoch rdu. Lah may chuat rgăn tâm ŭnh, mâu mra ŭnh sa ôh, Mpiăt ŭnh mâu sa may.

Yêrêmi 26:14

Bi gâp, aơ, gâp dôl gŭ tâm ti khân may. Khân may ƀư hom ma gâp tĭng nau khân may mĭn jêng di jêh ri khư ma nau ƀư.

Yêrêmi 38:5

Hađăch Sêdêkia sĭt lah: “Aơ, păng dôl gŭ tâm ti khân may. Hađăch mâu dơi ƀư nau tâm rdâng đah nau khân may ŭch mĭn ôh.”

Yêrêmi 38:6

Khân păng nhŭp ro Y-Yêrêmi jêh ri nklăch tâm ntu Y-Malkija kon bu klâu hađăch, tâm nhuang phung tahan gak. Khân păng nklăch ntrŭnh Y-Yêrêmi ma rse brăt. Tâm ntu mâu geh dak ôh, knŏng geh bŏk dơm; Y-Yêrêmi rhuh tâm bŏk nây.

Yêrêmi 39:17

Brah Yêhôva lah: ‘Ƀiălah tâm nar nây, Gâp mra rklaih may, may mâu mra jao tâm ti phung bunuyh ƀư ăn may klach ôh.

Daniel 3:15

Aƀaơ, tơlah khân may tăng bâr nŭng, bâr dĭng, bâr gong rêng, dĭng vưt, gong rêng loih, gâr jê̆ jêh ri ăp ntil gong kreh huy khân may rơm ndrăp chon mon muh măt yơk mbah ma rup gâp ƀư jêh mra jêng ueh; ƀiălah tơlah khân may mâu chon mbah ôh bu mra klŭp khân may tâm năk ŭnh hit, rlong uănh mbu brah dơi tâm rklaih khân may bơh ti gâp?”

Daniel 3:17

Tơlah bu klŭp hên tâm ŭnh năk, pônây ơ hađăch, Brah Ndu nơm hên yơk mbah mra dơi tâm rklaih hên klaih bơh ŭnh năk jêh ri bơh ti may.

Daniel 3:28

Hađăch Nêbukatnetsar lah: “Tâm rnê ma Brah Ndu Y-Sadrak, Y-Mêsăk, jêh ri Y-Abetnêgô, Nơm njuăl jêh tông mpăr Păng văch jêh ri tâm rklaih phung oh mon Păng. Khân păng gĭt rnơm nsing ma Păng, janh tâm rgâl nau hađăch ntăm, jêh ri sân săk jăn gay mâu pah kan jêh ri yơk mbah ma brah êng ôh padih Brah Ndu khân păng nơm.

Daniel 6:20

Tơlah păng tât dăch bâr trôm ntu, păng sŏk ma bâr rngot kuăl Y-Daniel. Hađăch kuăl: “Ơ Y-Daniel, oh mon Brah Ndu gŭ rêh mro mrăng! Brah Ndu may pah kan ƀaƀơ, mra dơi rklaih may bơh yau mŭr lĕ?”

Daniel 6:7

Lĕ rngôch phung kôranh toyh tâm ƀon bri hađăch, phung kôranh ntang, phung kôranh nkual, phung kôranh nchră jêh ri phung kôranh chiă uănh dăn da dê ma hađăch ƀư nau ntrŭnh jêh ri ăn du luh nau vay buay ktang mâu dơi ƀư tâm pe jât nar tơlah mbu nơm vơl ma brah mâu lah ma bunuyh êng padih may, ơ hađăch, nơm nây mra klŭp tâm trôm ntu yau mŭr.

Kôranh Oh Mon 24:27

Bar năm pakơi, Pôrtus Phêtus ntrok Phêlik. Yorlah Phêlik ŭch ƀư maak ma phung Yuđa, ăt păng ăn bu krŭng Y-Pôl tâm ndrung.

Kôranh Oh Mon 25:11

Tơlah gâp geh nau kue mâu lah ƀư tih khư nau khĭt, gâp mâu dun nau khĭt ôh; ƀiălah, tơlah khân păng mâu geh nau mbơh gay kât nau tih gâp, mâu geh du huê dơi jao gâp ma khân păng ôh. Gâp ŭch dăn nau aơ tât ta Sêsar.”

Kôranh Oh Mon 25:9

Ƀiălah Phêtus ŭch ƀư maak ma phung Yuđa, lah ma Y-Pôl: “May ŭch hăn ta ƀon Yêrusalem, gay ma gâp phat dôih ma lĕ nau mbơh kât aơ?”

Samƀŭt Pôl Njuăl Ăn Ma Phung Nsing Ta Ƀon Rôm 13:3

Yorlah kôranh chiă uănh mâu di ma phung ueh ôh klach, ƀiălah phung djơh mhĭk klach. May ŭch lĕ mâu klach ma kôranh chiă uănh hĕ? Ƀư hom nau ueh, jêh ri may mra geh nau tâm rnê;

II Kôrintô 1:10

Păng yơh tâm rklaih jêh he bơh nau khĭt dŭt krit kir kơt nĕ; Păng dôl tâm rklaih hên, jêh ri hên kâp gân ma Păng mra tâm rklaih tay hên.