Daniel 5:8 - Nau Brah Ndu Ngơi 2023

⁸ Rnôk nây, lĕ rngôch phung njêh hađăch tât da dê, ƀiălah khân păng mâu dơi răk rplay samƀŭt nây ôh, mâu lĕ dơi tâm mpơl nau rblang ma hađăch.

Daniel 5:8 Iomraidhean Croise

Nau Ntơm 41:8

Ang ôi taơ, huêng hađăch uh ah, hađăch đă bu kuăl lĕ rngôch phung rƀên jêh ri phung gĭt blau tâm Êjipt văch. Pharaôn nkoch bri nau mbơi ma khân păng, ƀiălah mâu geh ôh du huê dơi gĭt rblang nau mbơi nây ma Pharaôn.

Êsai 47:9

Tâm ƀât lât, tâm du nar, Bar ntil nau tât aơ mra tât ma ay jêng nau roh phung kon jêh ri nau bu ur ndrô sai Mra tât ma ay. Bar ntil nau tât aơ mra tât ndal ma ay, Nđâp tơlah ay jêng n'hŭm njêh, Jêh ri geh nau brah toyh blau rƀên kđôi lĕ.

Yêrêmi 50:35

Brah Yêhôva lah: “Ăn tât tak đao ma phung Kaldê, Ma phung gŭ tâm ƀon Babilôn, Ma phung kôranh jêh ri phung blau mĭn khân păng.

Daniel 2:27

Y-Daniel plơ̆ lah: “Mâu geh du huê nơm njêh, nơm n'hŭm, nơm ƀŭk rƀên mâu lah nơm sek uănh mănh dơi tâm mpơl ôh ma hađăch nau khlay ndâp hađăch hŏ ôp.

Daniel 4:18

Nây jêng mbơi gâp, hađăch Nêbukatnetsar, saơ jêh. Bi may, Y-Beltisasar, mbơh hom ma gâp gĭt nau rblang, yorlah lĕ rngôch phung blau mĭn tâm ƀon bri hađăch gâp mâu dơi rblang ôh ma gâp, ƀiălah may dơi, yorlah huêng brah Brah Ndu kloh ueh gŭ tâm may.”

Daniel 4:4

Gâp, Y-Nêbukatnetsar, dôl gŭ mleh rmên tâm ngih hađăch gâp, kan tâm ngih hađăch gâp hao jêng,

Daniel 4:7

Phung rƀên, phung n'hŭm, phung Kaldê, jêh ri phung nchrâng mănh tât. Gâp nkoch nau mbơi ăn ma khân păng iăt, ƀiălah khân păng mâu dơi rblang nau mbơi nây ma gâp ôh.

Daniel 5:15

Phung njêh, phung pol, hŏ kuăl văch tanăp gâp gay ma răk nau nchih aơ jêh ri rblang păng ma gâp, ƀiălah khân păng mâu dơi rblang nau nây ôh.