Daniel 5:7 - Nau Brah Ndu Ngơi 2023

⁷ Hađăch nter huy ntrŭnh nau ntăm kuăl rgum phung n'hŭm, phung Kaldê jêh ri phung gru rƀên. Hađăch ngơi ma phung njêh n'gor bri Babilôn: “Mbu dơi răk rplay samƀŭt aơ jêh ri rblang ma gâp nau tâm mpơl pôri mra dơi nsoh ao chăng ĭr gâp, văn mah rval ta trô ko jêh ri ăn păng jêng kôranh mrô pe chiă uănh tâm ƀon bri hađăch.”

Daniel 5:7 Iomraidhean Croise

Nau Ntơm 41:8

Ang ôi taơ, huêng hađăch uh ah, hađăch đă bu kuăl lĕ rngôch phung rƀên jêh ri phung gĭt blau tâm Êjipt văch. Pharaôn nkoch bri nau mbơi ma khân păng, ƀiălah mâu geh ôh du huê dơi gĭt rblang nau mbơi nây ma Pharaôn.

Êsther 3:1

Jêh lĕ nau nây, hađăch Asuêrus n'hao pah kan ma Y-Haman, kon bu klâu Y-Hamêdatha, jêng bunuyh Agak, jêh ri n'hao păng jêh ri ăn ma păng ntŭk prêh lơn phung kôranh chiă uănh tâm ngih hađăch.

Nau Ngluh Êjipt 7:11

Pharaôn kuăl rgum phung gĭt blau jêh ri phung n'hŭm jêng phung rƀên n'gor Êjipt văch, khân păng dŏng nau blau rƀên gay ƀư tâm ban kơt nây đŏng.

Nau Hôr 1:9

Yorlah lĕ nau nây mra jêng nâm bu du rvang kao ueh ta klơ bôk may, Nâm bu rse văn ueh ndơ nkrơ̆ ta trô ko may.

Nau Mprơ Ueh 1:10

Bar bom ay ueh reh ndrel lĕ rvang drăp nkrơ̆; Trô ko ay ueh đŏng yor văn lŭ khlay.

Êsai 47:13

Ay rgănh jêh ma nau ay tâm nchră âk; Ăn phung uănh trôk, phung sek mănh, phung sek khay mhe, Gay ma nchroh nau mra tât tâm nar kăndơ̆; Aƀaơ, dâk hom jêh ri rklaih ay Bơh lĕ nau mra tât ma ay.

Yêrêmi 50:35

Brah Yêhôva lah: “Ăn tât tak đao ma phung Kaldê, Ma phung gŭ tâm ƀon Babilôn, Ma phung kôranh jêh ri phung blau mĭn khân păng.

Êsêkiêl 16:11

Gâp sŏk ndơ nkrơ̆ ăn ay ma drăp ndơ ueh, dok rvang tâm ti ay, văn nhong tâm trô ko,

Daniel 1:20

Dôl hađăch ôp khân păng ma lĕ rngôch nau ôp ma nau blau mĭn nau gĭt rbăng, pôri saơ khân păng blau lơn jât tơ̆ ma phung ƀŭk rƀên jêh ri phung kôranh n'hŭm tâm lĕ ƀon bri hađăch păng nơm.

Daniel 1:4

Lĕ phung bu klâu ndăm aơ jêng phung mâu geh ntŭk kuet ôh, muh măt ueh, geh âk nau njêh, blau mĭn tâm lĕ rngôch, geh nau gĭt mĭn huy jêh ri gĭt rbăng, geh nau blau ngăn pah kan tâm ngih hađăch. Y-Aspênas sâm nti ma khân păng nau ngơi ueh jêh ri nau ngơi phung Kaldê.

Daniel 2:2

Hađăch tâm rgum phung ƀŭk rƀên, phung nchrâng mănh, phung kôranh n'hŭm jêh ri phung Kaldê gay rblang nau mbơi ma hađăch. Khân păng lăp gŭ tanăp hađăch.

Daniel 2:27

Y-Daniel plơ̆ lah: “Mâu geh du huê nơm njêh, nơm n'hŭm, nơm ƀŭk rƀên mâu lah nơm sek uănh mănh dơi tâm mpơl ôh ma hađăch nau khlay ndâp hađăch hŏ ôp.

Daniel 2:48

Hađăch ăn Y-Daniel tâm kan toyh jêh ri ăn ma păng ndơ khlay. Hađăch ăn păng chiă uănh lĕ n'gor bri Babilôn jêh ri ƀư kôranh toyh ma phung kôranh ma lĕ rngôch phung njêh tâm n'gor bri Babilôn.

Daniel 2:6

Ƀiălah tơlah khân may mbơh rah vah ăn ma gâp nau mbơi jêh ri nau rblang pôri gâp mra ăn ndơ ma khân may, nau nkhôm jêh ri nau yơk toyh. Pôri mbơh hom ma gâp nau gâp mbơi nây, jêh ri nau rblang hom.”

Daniel 4:14

Nơm nây nter huy pô aơ: ‘Kăl lơi tơm si jêh ri koh lơi n'gĭng păng; Rgu lĕ rngôch n'ha jêh ri srih play păng ăp ntŭk; Ƀư ăn mpô mpa bri du ngai tă bơh tâm dâng păng Jêh ri sĭm och du tă bơh n'gĭng păng;

Daniel 5:11

Tâm ƀon bri hađăch may geh du huê bunuyh geh huêng brah phung brah Brah Ndu kloh ueh gŭ tâm păng. Tâm rnôk mbơ̆ may, bu saơ tâm nơm nây geh nau ang, nau gĭt rbăng jêh ri blau mĭn, tâm ban ma nau blau mĭn Brah Ndu. Mbơ̆ may jêng Y-Nêbukatnetsar, njêng jêh nơm nây ƀư kôranh ma phung rƀên, phung pol, phung Kaldê, jêh ri phung n'hŭm.

Daniel 5:15

Phung njêh, phung pol, hŏ kuăl văch tanăp gâp gay ma răk nau nchih aơ jêh ri rblang păng ma gâp, ƀiălah khân păng mâu dơi rblang nau nây ôh.

Daniel 5:16

Gâp tăng bu lah may dơi rblang jêh ri nkra nau jêr jŏk. Pôri, tơlah may dơi rŏ rplay samƀŭt nchih jêh ri rblang ma gâp, pôri may mra dơi nsoh ao chăng ĭr, văn rvang mah ta trô ko jêh ri ăn may jêng kôranh mrô pe tâm ƀon bri hađăch.”

Daniel 5:29

Hađăch Belsasar ta nây ro đă djôt ao chiăng ĭr nsoh ma Y-Daniel; sâm văn kông mah ta trô ko jêh ri mbơh păng jêng kôranh mrô pe tâm ƀon bri hađăch.

Nau Kơp Bunuyh 22:17

yorlah gâp mra nkhôm toyh ma may jêh ri ăn may ăp moh nau may ŭch. Hăn văch rak rtăp hom ma phung ƀon lan aơ.’”

Nau Kơp Bunuyh 22:7

Pôri phung kôranh bu ranh n'gor Môap jêh ri phung kôranh bu ranh n'gor Madian dâk hăn, djôt leo ndơ nhhơr ma phung n'hŭm. Khân păng tâm mâp đah Y-Balaam jêh ri nkoch tay lĕ nau ngơi Y-Balak.

Nau Kơp Bunuyh 24:11

Yor nây aƀaơ dâk hăn hom may rlet ma n'gor may nơm! Gâp ton mra ăn nkhôm ma may nanê̆ ngăn, ƀiălah Brah Yêhôva mâu ăn ma may sŏk dơn.”

I Samuel 17:25

Du huê Israel lah: “May saơ lĕ bu klâu aơ rduh ran tât? Păng văch ran gay ƀư bêk prêng phung Israel! Tơlah tâm phung Israel, mbu moh dơi nkhĭt păng, hađăch mra ăn nau nkhôm ma păng âk drăp ndơ, ăn kon bu ur păng ma nơm nây, jêh ri păng mâu hôm sŏk riu pi ma ngih mbơ̆ păng.”