Daniel 5:3 - Nau Brah Ndu Ngơi 2023

³ Bu njŭn kachok khăl ma mah hŏ sŏk bơh ngih brah, nây jêng ngih Brah Ndu, ta ƀon Yêrusalem; hađăch jêh ri phung kôranh toyh, phung ur păng jêh ri ur yông păng dŏng kachok khăl nây gay nhêt ndrănh.

Daniel 5:3 Iomraidhean Croise

II Nau Rêh Jêng 36:18

Lĕ rngôch ndơ dŏng jê̆ toyh tâm ngih Brah Ndu, lĕ drăp ndơ khlay ngih Brah Yêhôva, drăp ndơ hađăch, jêh ri phung kôranh păng, lĕ rngôch djôt leo ma Babilôn da dê.

Êsai 5:14

Yor nây, ƀon phung khĭt pơk huy nuih n'hâm kơnh ŭch khân păng Jêh ri hă ăn huy mbung păng rlau keh; Phung ndrŏng jêh ri phung ƀon lan, Phung vay tâm djrel jêh ri phung nhŭl ndrănh, tŭp tâm nây da dê.

Yêrêmi 50:28

Iăt hom phung nchuăt du jêh ri phung lĕ rklaih tă bơh bri Babilôn tât tâm ƀon Siôn gay mbơh nau Yêhôva Brah Ndu he har plơng bôk, nau plơng bôk ăn ma ngih brah Păng.

Daniel 5:2

Dôl nhêt ndrănh, hađăch Belsasar đă bu njŭn ma păng kachok khăl ƀư ma mah jêh ri prăk hađăch Nêbukatnetsar hŏ sŏk jêh bơh ngih brah ta ƀon Yêrusalem, gay ma hađăch jêh ri phung kôranh toyh, phung ur păng jêh ri phung ur yông păng dŏng nhêt ndrănh.

Daniel 5:23

Ƀiălah, may n'hao êng may nơm tâm rdâng đah Kôranh Brah tâm trôk, đă bu njŭn kachok khăl bơh ngih Kôranh Brah ăn ma may nhêt ndrănh ma phung kôranh may, phung ur may jêh ri phung ur yông may. Hađăch tâm rnê jêh phung brah ƀư ma prăk, mah, kông, loih, si jêh ri lŭ, phung brah mâu blau saơ mâu gĭt tăng mâu gĭt rbăng ôh, ƀiălah mâu yơk mbah ôh ma Brah Ndu jêng nơm djôt tâm ti Păng n'hâm nsôr jêh ri lĕ rngôch trong may.

Daniel 5:4

Khân păng nhêt ndrănh n'ho tâm rnê ma phung brah ƀư ma mah, ma prăk, ma kông, ma loih, ma tơm si jêh ri ma lŭ.

Ndrom Samƀŭt bơh Ôsê 2:8

Nanê̆ ngăn păng mâu gĭt ôh Gâp yơh, Nơm hŏ ăn jêh ba ƀlê, ndrănh mhe jêh ri dak ngi ma păng, Gâp yơh hŏ ăn ma păng âk prăk, mah Ƀiălah khân păng djôt dŏng ăn ma brah Baal.

Habakuk 1:11

Rnôk nây, rduh ran tât jêh ri hăn ntrŭt nâm bu sial phŭt, Khân păng ƀư tih jru ngăn Yorlah uănh nau dăng khân păng nơm jêng brah.”

Malachi 1:12

Ƀiălah khân may ƀư rngot amoh Gâp nôk khân may ngơi pô aơ: “Nơng ƀư brah Brah Yêhôva jêng ƀơ̆ ƀơch, ndơ sa ta klơ păng jêng di ma nau mưch rmot.”

I Têsalônik 5:3

Lah bu lah: “Đăp mpăn jêh ri gŭ đăp rmên” pô ri nau ƀư rai tât ndal, nâm bu nau ji deh ma bu ur ntreo, khân păng mâu dơi klaih ôh.

Phung Kôranh Phat Dôih 19:1

Tâm nôk nây, mâu geh ôh hađăch tâm phung ƀon lan Israel. Geh du huê bunuyh Lêvi gŭ njưh ta n'gor klơ dor yôk ngai đah ƀon ta Êphraim jêh ri păng sŏk du huê ur yông ta Ƀêtlêhem, n'gor Yuđa.