Daniel 5:23 - Nau Brah Ndu Ngơi 2023

²³ Ƀiălah, may n'hao êng may nơm tâm rdâng đah Kôranh Brah tâm trôk, đă bu njŭn kachok khăl bơh ngih Kôranh Brah ăn ma may nhêt ndrănh ma phung kôranh may, phung ur may jêh ri phung ur yông may. Hađăch tâm rnê jêh phung brah ƀư ma prăk, mah, kông, loih, si jêh ri lŭ, phung brah mâu blau saơ mâu gĭt tăng mâu gĭt rbăng ôh, ƀiălah mâu yơk mbah ôh ma Brah Ndu jêng nơm djôt tâm ti Păng n'hâm nsôr jêh ri lĕ rngôch trong may.

Daniel 5:23 Iomraidhean Croise

Nau Ntơm 14:19

jêh ri ăn nau ueh uĭn ma Y-Abram. Păng lah: “Dăn ma Brah Ndu Dŭt Prêh, Nơm rhăk njêng trôk jêh ri neh ntu, Ăn nau ueh uĭn ma Y-Abram!

Nau Ntơm 2:7

Rnôk nây, Yêhôva Brah Ndu sŏk ndruyh neh mon jêng rup bunuyh, khôm n'hâm nau rêh tâm trôm muh, pôri bunuyh plơ̆ jêng huêng rêh.

II Phung Hađăch 14:10

May hŏ lơh jêh phung Êđôm jêh ri nuih n'hâm may bêng nau hưn. Gŭ hom tâm ngih gay mƀrơn ma nau chrêk rmah may. Mâm ƀư ŭch ƀư tay nau mhĭk ma may nơm, ƀư ăn ma may jêh ri lĕ phung Yuđa cha lôt?”

Ndrom Samƀŭt bơh Yôp 12:10

Păng kuăn tâm ti nau rêh lĕ rngôch mpô mpa rêh Jêh ri n'hâm nsôr lĕ rngôch kon bunuyh.

Ndrom Samƀŭt bơh Yôp 31:4

Mâu di bơh Păng vay saơ trong gâp hăn, Jêh ri kơp ăp nhuat jâng gâp ƀơh?

Nau Mprơ Ơm 104:29

Ƀiălah tơlah May pôn măt, khân păng krit ngăn, May sŏk lơi n'hâm khân păng, khân păng khĭt Jêh ri plơ̆ sĭt ma ndruyh neh.

Nau Mprơ Ơm 115:16

Lĕ ndâr trôk jêng ndơ Brah Yêhôva, Ƀiălah Păng ăn neh ntu ma phung kon bunuyh.

Nau Mprơ Ơm 139:3

May sek uănh trong gâp hăn jêh ri ntŭk gâp gŭ rlu, Gĭt năl lĕ trong gâp.

Nau Mprơ Ơm 146:4

Lah tăch n'hâm, kon bunuyh plơ̆ sĭt ro ta ndruyh neh; Tâm nar nây yơh, lĕ nau păng ŭch ƀư rai lôch.

Nau Hôr 20:24

Lĕ rngôch nhuat hăn kon bunuyh bơh Brah Yêhôva yơh tâm nal, Mâm ƀư kon bunuyh dơi gĭt rbăng trong păng nơm?

Êsai 13:11

Gâp mra tâm rmal neh ntu yor nau mhĭk khân păng, Rmal phung ƀai yor nau kue khân păng; Gâp mra ƀư lôch nau sưr phung rnam, Jêh ri ƀư roh nau sưr phung ƀư ƀai.

Êsai 14:13

May nơm lah jêh tâm nuih n'hâm pô aơ: “Gâp mra hao ta klơ trôk, Gâp mra n'hao sưng hađăch gâp Prêh lơn ma lĕ mănh mbing Brah Ndu. Gâp mra gŭ ta klơ yôk nau tâm rƀŭn Âk ngai tât ma mpeh pa lơ

Êsai 2:12

Yorlah Brah Yêhôva ma phung tahan hŏ tâm nal jêh du nar Tâm rdâng đah phung sưr, ma phung rnam, jêh ri ma phung n'hao êng khân păng nơm; Bu mra n'glưh lơi khân păng.

Êsai 33:10

Brah Yêhôva lah: “Aƀaơ, Gâp mra dâk; Aƀaơ, Gâp mra tâm rnê êng Gâp nơm; Aƀaơ, Gâp mra geh nau mât ton!

Êsai 37:19

mƀăr lơi phung brah khân păng tâm ŭnh, yorlah khân păng mâu jêng brah ôh, knŏng jêng ndơ bơh ti kon bunuyh ƀư ma si jêh ri ma lŭ, pôri bu ƀư rai lơi khân păng.

Êsai 37:23

Ma mbu nơm may mưch rmot jêh ri ngơi djơh tât? Ma mbu nơm may tâm rdâng ma bâr nter Jêh ri n'gơr măt ma nau sưr? May janh tâm rdâng đah Nơm Kloh Ueh phung Israel hĕ!

Êsai 42:5

Yêhôva Brah Ndu, Nơm hŏ rhăk njêng jêh ri pơk lĕ ndâr trôk, Nơm hŏ lăk huy neh ntu, ndrel lĕ rngôch mpa luh bơh păng, Nơm ăn n'hâm rêh ma phung ƀon lan tâm klơ neh, Jêh ri ăn nau brah ma phung bunuyh hăn ta nây; Păng lah:

Yêrêmi 10:23

Mbah Brah Yêhôva, gâp gĭt trong kon bunuyh hăn khăn păng nơm mâu ƀư kôranh, Khân păng mâu dơi gai lĕ nhuat jâng păng.

Yêrêmi 48:26

Ăn hom păng nhêt ndrănh kŏ nhŭl, yorlah păng n'hao êng păng nơm ŭch tâm rdâng đah Brah Yêhôva. Ăn hom Môap pung păng nơm tâm ndơ păng hok jrih luh jêh ri ƀư nau gơm mưch ăn ma neh ntu.

Yêrêmi 50:28

Iăt hom phung nchuăt du jêh ri phung lĕ rklaih tă bơh bri Babilôn tât tâm ƀon Siôn gay mbơh nau Yêhôva Brah Ndu he har plơng bôk, nau plơng bôk ăn ma ngih brah Păng.

Yêrêmi 50:29

Kuăl rgum hom phung pănh na, lĕ rngôch ăp nơm phung blau pănh hăn tât lơh Babilôn. Ƀư hom pôih gŭ jŭm păng; lơi ta ăn du huê dơi klaih! Mplơ̆ sĭt hom ma păng tĭng nâm kan păng hŏ ƀư jêh; ƀư hom ma păng tĭng nâm nau păng hŏ tă mâp ƀư jêh, yorlah păng sưr hŏ ngơi djơh tât Brah Yêhôva, Nơm Kloh Ueh Israel.

Êsêkiêl 28:17

Nuih n'hâm may sưr rlau yor nau ueh may, Jêh ri yor nau chrêk rmah may ƀư ăn djơh nau blau mĭn may nơm. Gâp nklơ̆ may tâm neh, Dơm may panăp măt phung hađăch, Ƀư nau pâl ăn khân păng uănh.

Êsêkiêl 28:2

“Hơi kon bunuyh, lah hom ma hađăch Tyre pô aơ: Kôranh Brah Yêhôva lah: ‘Yorlah nuih n'hâm may sưr ngăn, May lah pô aơ: “Gâp jêng du huê brah, Gâp gŭ ta sưng hađăch lĕ brah, Ta nklang dak mƀŭt.” Ƀiălah may knŏng jêng bunuyh mâu di jêng brah ôh, Nđâp tơlah n'hao êng nuih n'hâm may nơm Tâm ban ma nuih n'hâm brah kloh ueh.

Êsêkiêl 28:5

Yor nau gĭt mĭn tâm nau tăch drăp, May hŏ n'hao jêh nau ndrŏng may, Jêh ri nuih n'hâm may sưr yor nau ndrŏng may.’

Êsêkiêl 31:10

Yor nây, Kôranh Brah Yêhôva lah: ‘Yorlah păng toyh prêh, chiông păng prêh kŏ ban tŭk jêh ri nuih n'hâm păng sưr rlau yor nau păng toyh prêh nây,

Daniel 11:12

Tơlah tâm lơh dơi jêh đah phung tahan nây, hađăch mpeh pa dâng geh nuih n'hâm sưr. Păng mra nkhĭt âk rbăn, âk rmưn phung rlăng ƀiălah păng mâu dơi ôh.

Daniel 4:37

Aƀaơ aơ, gâp, Y-Nêbukatnetsar mprơ tâm rnê, mât ton jêh ri yơk ma hađăch tâm Trôk Yorlah lĕ nau kan Păng jêng nanê̆ ngăn da dê Jêh ri lĕ trong Păng jêng sŏng da dê. Mbu nơm hăn tâm nau sưr Păng mra ntrŭnh.

Daniel 8:11

Păng n'hao păng nơm jêng tâm ban ma Kôranh Chiă Uănh ma phung tahan, mƀăr lơi ndơ ƀư brah gŭch nhhơr ƀaƀơ bơh Păng jêh ri ƀư rai ntŭk kloh ueh Păng.

Habakuk 2:4

Uănh hom, phung sưr rlau Mâu geh ôh nuih n'hâm sŏng; Ƀiălah bunuyh sŏng srăng mra gŭ rêh yor nau chroh păng nơm.

Kôranh Oh Mon 17:25

Păng mâu đŏng ŭch ma ti bunuyh pah kan tâm ban ma Păng ŭch ti bunuyh kơl, yorlah Păng yơh jêng Nơm ăn nau rêh, n'hâm nsôr jêh ri ăp ntil ndơ ma lĕ rngôch bunuyh.

I Kôrintô 8:4

Pôri, ma nau nhhơr ndơ ƀư brah ma rup brah, he gĭt rup brah tâm neh ntu mâu geh ngăn ôh, knŏng geh nguay Brah Ndu mâu geh brah êng ôh.

I Timôthê 3:6

Du huê mhe chroh mâu dơi jan kôranh chiă uănh, klach lah bêng ma nau sưr ƀư ma păng tŭp tâm nau phat dôih prăp ma phung brah mhĭk.

ហេឞ្រើ 4:13

Mâu geh du ntil ndơ rhăk njêng jêh dơi gŭ ndâp tanăp măt Kôranh Brah, ƀiălah lĕ rngôch ndơ gŭ săk hưl da dê jêh ri tâm mpơl jêh tra năp măt Nơm he mra mbơh nkoch rah vah.

Nau Tâm Mpơl 9:20

Kô̆ hôm e tâm kon bunuyh, phung bunuyh mâu khĭt yor nau ƀư rai aơ, mâu rmal ôh lĕ kan ti khân păng ƀư, mâu đŏng chalơi nau yơk mbah ma brah mhĭk, ma lĕ rup brah mah, prăk, kông, lŭ, tơm si jêng lĕ rup brah mâu dơi saơ, mâu tăng mâu lah blau nsong ôh.

Phung Kôranh Phat Dôih 16:23

Rnôk nây, phung kôranh chiă uănh Philistin tâm rƀŭn gay nhhơr ndơ ƀư brah nau yơk ma brah Dagôn khân păng jêh ri ƀư nau răm maak. Khân păng lah pô aơ: “Brah he jao jêh Y-Samsôn, nơm rlăng he, tâm ti he.”

I Samuel 17:26

Y-Đavit lah ma phung gŭ êp păng: “Moh ndơ bu mra nkhôm ma nơm dơi nkhĭt bu klâu Philistin aơ, jêh ri sŏk lơi nau bêk prêng tă bơh phung Israel? Yorlah bu klâu Philistin aơ, nơm mâu koh ntâu ôh mbu moh păng jêng, dĭng nănh rlong nuih phung tahan Brah Ndu gŭ rêh mro mrăng?”

I Samuel 17:36

Oh mon may hŏ nkhĭt jêh yau mŭr jêh ri kau, pônây bu klâu Philistin mâu geh koh ntâu ri mra jêng tâm ban nây lĕ, yorlah păng nănh rlong nuih phung tahan Brah Ndu gŭ rêh mro mrăng.”