Daniel 5:22 - Nau Brah Ndu Ngơi 2023

²² Bi may, ơ hađăch Belsasar, kon bu klâu păng nây, nđâp lah may gĭt jêh lĕ rngôch nau nây, nuih n'hâm may ăt mâu ŭch tông yơk djê̆ lê̆ ôh.

Daniel 5:22 Iomraidhean Croise

II Nau Rêh Jêng 33:23

Hađăch Amôn mâu ŭch ntrŭnh săk păng nơm tanăp măt Brah Yêhôva nâm bu Y-Manasê, mbơ̆ păng hŏ ƀư jêh, ƀiălah păng ƀư tih lơ hâu lơn.

II Nau Rêh Jêng 36:12

Păng ƀư nau mhĭk tanăp măt Yêhôva Brah Ndu păng. Păng mâu ŭch dêh rhêt ôh tanăp Y-Yêrêmi, jêng nơm mbơh lor ntuh bâr Brah Yêhôva gay ntĭm nti păng.

Nau Mprơ Ơm 119:46

Gâp mra nkoch mbơh nau ntĭnh bơh May tanăp phung hađăch Ƀiălah gâp mâu bêk ôh.

Nau Ngluh Êjipt 10:3

Y-Môis jêh ri Y-Arôn hăn tât ta Pharaôn jêh ri lah: “Brah Yêhôva jêng Brah Ndu phung Hêbrơ lah: ‘Ndah nâm jŏ may mâu ŭch ntrŭnh may nơm tanăp măt Gâp? Ăn phung ƀon lan Gâp hăn, gay ma khân păng dơi pah kan ma Gâp.

Êsai 13:11

Gâp mra tâm rmal neh ntu yor nau mhĭk khân păng, Rmal phung ƀai yor nau kue khân păng; Gâp mra ƀư lôch nau sưr phung rnam, Jêh ri ƀư roh nau sưr phung ƀư ƀai.

Êsai 14:13

May nơm lah jêh tâm nuih n'hâm pô aơ: “Gâp mra hao ta klơ trôk, Gâp mra n'hao sưng hađăch gâp Prêh lơn ma lĕ mănh mbing Brah Ndu. Gâp mra gŭ ta klơ yôk nau tâm rƀŭn Âk ngai tât ma mpeh pa lơ

Êsai 26:10

Nđâp lah dơi dơn nau yô̆, Nơm ƀai mâu nti nau sŏng srăng ôh. Rêh tâm bri sŏng, păng lŏ ƀư nau mhĭk, Jêh ri mâu saơ ôh nau rnam Brah Yêhôva.

Daniel 5:18

Ơ hađăch, Brah Ndu Nơm Dŭt Prêh ăn jêh ƀon bri hađăch, nau dơi dŭt prêh, nau chrêk rmah, jêh ri nau rnam ăn ma mbơ̆ may jêng Y-Nêbukatnetsar.

Mathay 14:4

Yorlah Y-Yôhan buay păng: “Hađăch sŏk ur oh may nơm jêng mâu di nau vay ôh.”

Mathay 21:32

Yorlah Y-Yôhan văch gay ntĭm ma khân may tâm trong nau sŏng srăng, ƀiălah khân may mâu chroh ôh; bi phung riu pi jêh ri bu ur văng tĭr chroh jêh ma păng, nđâp dôl khân may saơ kơt nây, khân may ăt mâu rmal nau tih jêh ri chroh ma păng ôh.”

Luka 12:47

Oh mon gĭt mĭn kôranh păng ŭch ƀiălah mâu ndrăp nkra nŭm jêh ri mâu ƀư ôh tĭng nâm kôranh păng ŭch, mra dơn nau rpăt âk ngăn.

Yôhan 13:17

Lah khân may gĭt lĕ nau nây jêh ri ƀư tĭng nau nây, khân may geh nau ueh maak ngăn.

Yakơ 4:17

Pôri, mbu nơm gĭt nau ueh, ƀiălah păng mâu ƀư ôh, păng jêng tih yơh.

Yakơ 4:6

Ƀiălah păng ăn nau yô̆ toyh lơn, yor nây Nau Brah Ndu Ngơi lah: “Brah Ndu tâm rdâng đah phung sưr, ƀiălah ăn ma nau yô̆ ma phung dêh rhêt.”