Daniel 5:2 - Nau Brah Ndu Ngơi 2023

² Dôl nhêt ndrănh, hađăch Belsasar đă bu njŭn ma păng kachok khăl ƀư ma mah jêh ri prăk hađăch Nêbukatnetsar hŏ sŏk jêh bơh ngih brah ta ƀon Yêrusalem, gay ma hađăch jêh ri phung kôranh toyh, phung ur păng jêh ri phung ur yông păng dŏng nhêt ndrănh.

Daniel 5:2 Iomraidhean Croise

II Samuel 9:7

Y-Đavit lah ma păng: “Lơi klach ôh, yorlah gâp ŭch ƀư nau ueh ma may yor Y-Jônathan, mbơ̆ may; gâp mra mplơ̆ sĭt đŏng ma may lĕ neh Y-Sôl, che may, jêh ri may mra sông sa ta sưng sông gâp ƀaƀơ.”

II Phung Hađăch 24:13

Di ngăn nâm bu nau Brah Yêhôva hŏ lah, hađăch Babilôn sŏk lĕ rngôch drăp ndơ khlay tâm ngih Brah Yêhôva jêh ri lĕ drăp ndơ khlay tâm ngih hađăch, mbang nchah lĕ ndơ dŏng ma mah, Y-Salômôn, hađăch Israel, hŏ ƀư jêh ngih brah ma Brah Yêhôva.

II Phung Hađăch 25:15

Kôranh phung tahan gak sŏk đŏng jêh ri djôt leo lĕ khăl gŭch ndơ ƀâu kah, ngan grưng, jêh ri lĕ ndơ ma mah, ma prăk.

II Nau Rêh Jêng 11:20

Jêh nây, hađăch sŏk đŏng H'Maka kon druh Y-Apsalôm; păng deh ăn ma hađăch: Y-Abija, Y-Atai, Y-Sisa jêh ri Y-Sêlômit.

II Nau Rêh Jêng 15:16

Yor H'Maka, me hađăch Asa, hŏ ƀư jêh du mlâm rup brah ƀơ̆ ƀơch ma brah Asêra, ri dĭng hađăch Asa n'glưh nsot păng jêng mê̆ hađăch ôh, păng kăl lơi rup brah nây jêh ri nchah hăch jêh nây su tâm ŭnh ta rlŭng Kidrôn.

II Nau Rêh Jêng 36:10

Tâm bôk năm, hađăch Nêbukatnetsar đă bu hăn nhŭp Y-Jêhôjakin leo păng ma ƀon Babilôn, nđâp ma lĕ rngôch ndơ khlay bơh ngih Brah Yêhôva, jêh ri ndâk oh păng Y-Sêdêkia jêng hađăch chiă uănh n'gor Yuđa jêh ri ƀon Yêrusalem.

II Nau Rêh Jêng 36:18

Lĕ rngôch ndơ dŏng jê̆ toyh tâm ngih Brah Ndu, lĕ drăp ndơ khlay ngih Brah Yêhôva, drăp ndơ hađăch, jêh ri phung kôranh păng, lĕ rngôch djôt leo ma Babilôn da dê.

Êsra 5:14

Hađăch Y-Sirus sŏk tay tă bơh ngih brah Babilôn lĕ rngôch ngan grưng ma mah jêh ri prăk ngih Brah Ndu, lĕ ndơ nây Nêbukatnetsar sŏk nchuăn lơi tă bơh ngih brah tâm ƀon Yêrusalem jêh ri djôt leo ndơ nây prăp tâm ngih brah Babilôn. Hađăch jao lĕ ndơ nây ma Y-Sêsbasar, jêng nơm kôranh chiă uănh.’

Yêrêmi 27:7

Lĕ rngôch bri dak mra pah kan hađăch nây jêh ri ma kon sau păng, kŏ tât rnôk lĕ bri dak toyh ktang, phung hađăch toyh tâm tŭn mpet bri dak păng nơm.

Yêrêmi 50:35

Brah Yêhôva lah: “Ăn tât tak đao ma phung Kaldê, Ma phung gŭ tâm ƀon Babilôn, Ma phung kôranh jêh ri phung blau mĭn khân păng.

Yêrêmi 52:19

Kôranh phung tahan gak sŏk đŏng lĕ ƀhiau kachok, khăl gŭch ƀâu kah, ngan grưng, glah, jâng kađen, ngan jam nhhơr ndơ ƀâu kah, jêh ri khăl. Moh ndơ bu ƀư ma mah sŏk mah, moh ndơ bu ƀư prăk sŏk prăk.

Daniel 1:2

Kôranh Brah jao Y-Jêhôjakim, hađăch bri Yuđa, jêh ri ƀaƀă ndơ dŏng tâm ngih Brah Ndu tâm ti hađăch Nêbukatnetsar. Hađăch aơ djôt lĕ ndơ nây nglăp ta ngih brah păng tâm bri Sinar, jêh ri ăn tâm jay drăp brah păng.

Daniel 5:11

Tâm ƀon bri hađăch may geh du huê bunuyh geh huêng brah phung brah Brah Ndu kloh ueh gŭ tâm păng. Tâm rnôk mbơ̆ may, bu saơ tâm nơm nây geh nau ang, nau gĭt rbăng jêh ri blau mĭn, tâm ban ma nau blau mĭn Brah Ndu. Mbơ̆ may jêng Y-Nêbukatnetsar, njêng jêh nơm nây ƀư kôranh ma phung rƀên, phung pol, phung Kaldê, jêh ri phung n'hŭm.

Daniel 5:13

Rnôk nây, bu njŭn Y-Daniel tât tanăp hađăch. Hađăch lah ma Y-Daniel: “May hĕ jêng Y-Daniel, du huê tâm phung bu nă Yuđa mbơ̆ gâp hŏ nhŭp tă bơh n'gor bri Yuđa?

Daniel 5:18

Ơ hađăch, Brah Ndu Nơm Dŭt Prêh ăn jêh ƀon bri hađăch, nau dơi dŭt prêh, nau chrêk rmah, jêh ri nau rnam ăn ma mbơ̆ may jêng Y-Nêbukatnetsar.

Daniel 5:23

Ƀiălah, may n'hao êng may nơm tâm rdâng đah Kôranh Brah tâm trôk, đă bu njŭn kachok khăl bơh ngih Kôranh Brah ăn ma may nhêt ndrănh ma phung kôranh may, phung ur may jêh ri phung ur yông may. Hađăch tâm rnê jêh phung brah ƀư ma prăk, mah, kông, loih, si jêh ri lŭ, phung brah mâu blau saơ mâu gĭt tăng mâu gĭt rbăng ôh, ƀiălah mâu yơk mbah ôh ma Brah Ndu jêng nơm djôt tâm ti Păng n'hâm nsôr jêh ri lĕ rngôch trong may.

Daniel 5:3

Bu njŭn kachok khăl ma mah hŏ sŏk bơh ngih brah, nây jêng ngih Brah Ndu, ta ƀon Yêrusalem; hađăch jêh ri phung kôranh toyh, phung ur păng jêh ri ur yông păng dŏng kachok khăl nây gay nhêt ndrănh.

Daniel 5:30

Măng nây ro, bu nkhĭt Belsasar, hađăch phung Kaldê.

Daniel 5:4

Khân păng nhêt ndrănh n'ho tâm rnê ma phung brah ƀư ma mah, ma prăk, ma kông, ma loih, ma tơm si jêh ri ma lŭ.

Nau Kơp Bunuyh 7:79

Ndơ păng nhhơr du ngan jam prăk jâk du kilô n'gul, du ngan grưng jâk pham rhiăng gram, tĭng nâm sêkel tâm ntŭk kloh ueh, lĕ bar ndơ nây bêng ma rnih môi pach đah dak ngi dŏng ma ndơ ƀư brah rnih môi;