Daniel 5:16 - Nau Brah Ndu Ngơi 2023

¹⁶ Gâp tăng bu lah may dơi rblang jêh ri nkra nau jêr jŏk. Pôri, tơlah may dơi rŏ rplay samƀŭt nchih jêh ri rblang ma gâp, pôri may mra dơi nsoh ao chăng ĭr, văn rvang mah ta trô ko jêh ri ăn may jêng kôranh mrô pe tâm ƀon bri hađăch.”

Daniel 5:16 Iomraidhean Croise

Nau Ntơm 40:8

Phung nây lah: “Hên geh jêh nau mbơi ƀiălah mâu geh ôh bunuyh dơi rblang nau nây.” Y-Yôsep lah: “Mâu di hĕ Brah Ndu dơi rblang nau mbơi? Gâp dăn ma khân may nkoch tay nau mbơi nây ma gâp.”

Nau Ntơm 41:15

Pharaôn lah ma Y-Yôsep: “Gâp geh nau mbơi jêh, mâu geh ôh du huê nơm dơi rblang. Gâp tăng bu lah may knŏng tăng nkoch nau mbơi klăp lah dơi rblang.”

Nau Ntơm 41:42

Hađăch Pharaôn doh rgên bơh ti păng nơm jêh ri dok ta ti Y-Yôsep, păng ăn ma Y-Yôsep nsoh kho ao bok mhay rhên jêh ri ăn văn kông mah ta trô ko păng.

Daniel 2:48

Hađăch ăn Y-Daniel tâm kan toyh jêh ri ăn ma păng ndơ khlay. Hađăch ăn păng chiă uănh lĕ n'gor bri Babilôn jêh ri ƀư kôranh toyh ma phung kôranh ma lĕ rngôch phung njêh tâm n'gor bri Babilôn.

Daniel 2:6

Ƀiălah tơlah khân may mbơh rah vah ăn ma gâp nau mbơi jêh ri nau rblang pôri gâp mra ăn ndơ ma khân may, nau nkhôm jêh ri nau yơk toyh. Pôri mbơh hom ma gâp nau gâp mbơi nây, jêh ri nau rblang hom.”

Daniel 5:29

Hađăch Belsasar ta nây ro đă djôt ao chiăng ĭr nsoh ma Y-Daniel; sâm văn kông mah ta trô ko jêh ri mbơh păng jêng kôranh mrô pe tâm ƀon bri hađăch.

Daniel 5:7

Hađăch nter huy ntrŭnh nau ntăm kuăl rgum phung n'hŭm, phung Kaldê jêh ri phung gru rƀên. Hađăch ngơi ma phung njêh n'gor bri Babilôn: “Mbu dơi răk rplay samƀŭt aơ jêh ri rblang ma gâp nau tâm mpơl pôri mra dơi nsoh ao chăng ĭr gâp, văn mah rval ta trô ko jêh ri ăn păng jêng kôranh mrô pe chiă uănh tâm ƀon bri hađăch.”

Daniel 6:2

jêh ri klơ khân păng geh pe nuyh kôranh toyh, du huê tâm pe nuyh nây jêng Y-Daniel. Phung kôranh nkual mbơh kan ma pe nuyh kôranh toyh aơ gay lơi ăn geh nau mhĭk tât ma ngih hađăch ôh.

Kôranh Oh Mon 8:18

Dôl saơ phung kôranh oh mon pah ti, pôri Brah Huêng Ueh jŭr, Y-Simôn sŏk prăk ro nhhơr ma bar hê kôranh oh mon, jêh ri lah: