Daniel 5:11 - Nau Brah Ndu Ngơi 2023

¹¹ Tâm ƀon bri hađăch may geh du huê bunuyh geh huêng brah phung brah Brah Ndu kloh ueh gŭ tâm păng. Tâm rnôk mbơ̆ may, bu saơ tâm nơm nây geh nau ang, nau gĭt rbăng jêh ri blau mĭn, tâm ban ma nau blau mĭn Brah Ndu. Mbơ̆ may jêng Y-Nêbukatnetsar, njêng jêh nơm nây ƀư kôranh ma phung rƀên, phung pol, phung Kaldê, jêh ri phung n'hŭm.

Daniel 5:11 Iomraidhean Croise

Nau Ntơm 41:38

Pharaôn lah ma phung oh mon păng: “Mbah ntŭk he joi dĭng geh du huê bunuyh tâm ban ma nơm aơ, du huê geh Huêng brah bơh Brah Ndu gŭ tâm păng?”

II Samuel 14:17

Pônây, oh mon bu ur hađăch hŏ mĭn: ‘Nau ngơi hađăch, jêng kôranh gâp, mra ăn gâp gŭ đăp mpăn; yorlah hađăch, jêng kôranh gâp, mâu lĕ lĭn du huê tông mpăr Brah Ndu, gĭt sek uănh nau ueh jêh ri nau mhĭk.’ Dăn ma Yêhôva Brah Ndu hađăch gŭ ndrel hađăch!”

Êsêkiêl 28:3

May blau mĭn rlau lơn ma Y-Daniel lĕ? Mâu geh ôh hĕ nau khlay ndâp dơi pôn ndâp đah may?

Êsêkiêl 28:4

May hŏ dơi ndrŏng jêh Yor nau gĭt blau jêh ri nau gĭt rbăng may nơm; May hŏ prăp bun jêh prăk mah Tâm ngih prăp drăp may.

Daniel 1:4

Lĕ phung bu klâu ndăm aơ jêng phung mâu geh ntŭk kuet ôh, muh măt ueh, geh âk nau njêh, blau mĭn tâm lĕ rngôch, geh nau gĭt mĭn huy jêh ri gĭt rbăng, geh nau blau ngăn pah kan tâm ngih hađăch. Y-Aspênas sâm nti ma khân păng nau ngơi ueh jêh ri nau ngơi phung Kaldê.

Daniel 2:11

Nau hađăch ŭch nây jêr ngăn, mâu geh du huê bunuyh dơi tâm mpơl nau nây ma hađăch ôh, knŏng êng phung brah mâu gŭ ôh ndrel ma kon bunuyh.”

Daniel 2:22

Păng nơm yơh tâm mpơl lĕ nau jru ndâp ngăn; Păng gĭt lĕ nau tât geh tâm nau ngo Jêh ri nau ang gŭ ndrel ma păng.

Daniel 4:18

Nây jêng mbơi gâp, hađăch Nêbukatnetsar, saơ jêh. Bi may, Y-Beltisasar, mbơh hom ma gâp gĭt nau rblang, yorlah lĕ rngôch phung blau mĭn tâm ƀon bri hađăch gâp mâu dơi rblang ôh ma gâp, ƀiălah may dơi, yorlah huêng brah Brah Ndu kloh ueh gŭ tâm may.”

Daniel 4:5

pôri gâp saơ du ntil nau mbơi ƀư nkrit gâp. Lĕ nau mĭn mhĭk ngăn ta klơ sưng bê̆ch jêh ri lĕ rup tâm bôk ƀư ma gâp mâu đăp gŭ.

Daniel 4:6

Yor nây, gâp ntăm ăn kuăl rgum lĕ rngôch phung blau mĭn tâm n'gor Babilôn văch tanăp gâp gay ma khân păng rblang nau mbơi nây ma gâp.

Daniel 5:14

Gâp tăng bu lah may geh huêng phung brah gŭ tâm may yor ri may geh nau ang, nau gĭt rbăng jêh ri nau blau mĭn êng lơn.

Daniel 5:7

Hađăch nter huy ntrŭnh nau ntăm kuăl rgum phung n'hŭm, phung Kaldê jêh ri phung gru rƀên. Hađăch ngơi ma phung njêh n'gor bri Babilôn: “Mbu dơi răk rplay samƀŭt aơ jêh ri rblang ma gâp nau tâm mpơl pôri mra dơi nsoh ao chăng ĭr gâp, văn mah rval ta trô ko jêh ri ăn păng jêng kôranh mrô pe chiă uănh tâm ƀon bri hađăch.”

Kôranh Oh Mon 12:22

Phung ƀon lan nter lah: “Aơ jêng bâr du huê brah, mâu di bâr ngơi bunuyh ôh!”

Kôranh Oh Mon 14:11

Phung ƀon lan saơ nau Y-Pôl hŏ ƀư, nter huy ma nau ngơi phung Likaoni: “Phung brah hŏ sŏk rup bunuyh tâm mpơl jŭr jêh ndrel he!”

Kôranh Oh Mon 16:16

Du nar, hên hăn tât ntŭk mbơh sơm, hên tâm mâp đah du huê oh mon bu ur geh brah mhĭk Pithôn lăp jêh ri păng n'hao ndrŏng ma kôranh păng tâm nau n'hŭm pol.

Nau Tâm Mpơl 3:9

Aơ, Gâp ăn ma may phung ƀaƀă jêng phung ngih rƀŭn Satan, phung kơp êng săk khân păng nơm jêng phung Yuđa, ƀiălah nanê̆ mâu di, yorlah khân păng ngơi mƀruh. Aơ, Gâp mra ƀư ăn khân păng văch chon mon ta jâng may, jêh ri khân păng mra gĭt Gâp rŏng ma may jêh.