Daniel 4:7 - Nau Brah Ndu Ngơi 2023

⁷ Phung rƀên, phung n'hŭm, phung Kaldê, jêh ri phung nchrâng mănh tât. Gâp nkoch nau mbơi ăn ma khân păng iăt, ƀiălah khân păng mâu dơi rblang nau mbơi nây ma gâp ôh.

Daniel 4:7 Iomraidhean Croise

Nau Ntơm 41:24

jêh nây pơh ndrŏng ba nsiăp nây rvăn lơi pơh ndrŏng ba rnglay. Gâp nkoch bri jêh nau mbơi nây ma phung rƀên, ƀiălah mâu geh ôh du huê tâm khân păng dơi rblang ma gâp.”

Nau Ntơm 41:8

Ang ôi taơ, huêng hađăch uh ah, hađăch đă bu kuăl lĕ rngôch phung rƀên jêh ri phung gĭt blau tâm Êjipt văch. Pharaôn nkoch bri nau mbơi ma khân păng, ƀiălah mâu geh ôh du huê dơi gĭt rblang nau mbơi nây ma Pharaôn.

Nau Mprơ Ơm 37:35

Gâp mâp saơ phung mhĭk geh nau ktang toyh, Jêng toyh tâm ban ma tơm si jŏ năm ndrêh ueh.

Êsai 44:25

Gâp jêng Nơm ƀư roh nau tâm mbên mƀruh phung mbơh lor nklă, Ƀư ma nơm n'hŭm jêng rluk, Ƀư ma nơm blau mĭn mâu geh nau rai yot, Rgâl nau gĭt rbăng khân păng jêng nau rluk

Êsêkiêl 31:3

Uănh hom bri Asiri: Nar saơm păng tâm ban ma du tơm si sêdar tâm bri Liban, N'gĭng ueh reh, n'hâm nâm bu si krŏng, Tơm toyh prêh Jêh ri chiông prêh kŏ ban tŭk.

Daniel 1:4

Lĕ phung bu klâu ndăm aơ jêng phung mâu geh ntŭk kuet ôh, muh măt ueh, geh âk nau njêh, blau mĭn tâm lĕ rngôch, geh nau gĭt mĭn huy jêh ri gĭt rbăng, geh nau blau ngăn pah kan tâm ngih hađăch. Y-Aspênas sâm nti ma khân păng nau ngơi ueh jêh ri nau ngơi phung Kaldê.

Daniel 2:10

Phung Kaldê plơ̆ lah ma hađăch: “Mâu geh du huê bunuyh ôh ta klơ neh ntu aơ dơi ƀư ƀoi nau hađăch, yorlah mâu geh ôh du huê hađăch, nđâp lah geh nau dơi toyh kađôi đŏng, mâu mâp djôt nau tâm ban pônây ma phung rƀên, ma phung nchrâng mănh mâu lah ma phung Kaldê.

Daniel 2:27

Y-Daniel plơ̆ lah: “Mâu geh du huê nơm njêh, nơm n'hŭm, nơm ƀŭk rƀên mâu lah nơm sek uănh mănh dơi tâm mpơl ôh ma hađăch nau khlay ndâp hađăch hŏ ôp.

Daniel 2:7

Khân păng plơ̆ lah tal bar: “Ăn hađăch nkoch tay nau mbơi saơ ăn ma phung oh mon may, jêh ri mra rblang an.”

Daniel 3:8

Rnôk nây, ƀaƀă geh phung Kaldê văch ŭch phong phung Yuđa.

Daniel 4:18

Nây jêng mbơi gâp, hađăch Nêbukatnetsar, saơ jêh. Bi may, Y-Beltisasar, mbơh hom ma gâp gĭt nau rblang, yorlah lĕ rngôch phung blau mĭn tâm ƀon bri hađăch gâp mâu dơi rblang ôh ma gâp, ƀiălah may dơi, yorlah huêng brah Brah Ndu kloh ueh gŭ tâm may.”

Daniel 5:7

Hađăch nter huy ntrŭnh nau ntăm kuăl rgum phung n'hŭm, phung Kaldê jêh ri phung gru rƀên. Hađăch ngơi ma phung njêh n'gor bri Babilôn: “Mbu dơi răk rplay samƀŭt aơ jêh ri rblang ma gâp nau tâm mpơl pôri mra dơi nsoh ao chăng ĭr gâp, văn mah rval ta trô ko jêh ri ăn păng jêng kôranh mrô pe chiă uănh tâm ƀon bri hađăch.”

Daniel 5:8

Rnôk nây, lĕ rngôch phung njêh hađăch tât da dê, ƀiălah khân păng mâu dơi răk rplay samƀŭt nây ôh, mâu lĕ dơi tâm mpơl nau rblang ma hađăch.